چەليابىدە وتكەن قازاقستان مەن رەسەيدىڭ حIV وڭىرارالىق ىنتىماقتاستىق فورۋمى شەڭبەرىندە وتكەن ەكى ەل جوعارى وقۋ ورىندارىنىڭ رەكتورلار وتىرىسى بارىسىندا پاۆلودارداعى س. تورايعىروۆ اتىنداعى مەملەكەتتىك ۋنيۆەرسيتەت رەكتورى گاۋحار احمەتوۆا ستۋدەنتتەردى اۋديتوريادان كاسىپكەرلىككە ۇيرەتۋدى, بەيىمدەۋ ەنگىزۋدى جانە ونىڭ بۇگىنگى ناتيجەسىن ايتىپ بەردى.
ء«بىز ەكى مىڭعا جۋىق ستۋدەنتتى كاسىپكەرلىك كۋرسىنان وقىتىپ شىعاردىق. ولاردىڭ 5-7 پايىزى بيزنەسپەن اينالىسۋعا نيەتتى. قازىر 7 ينۆەستيتسيالىق راۋند وتكىزىلىپ, ولاردىڭ بارىسىندا ستۋدەنتتەر قۇنى 21 ميلليون رۋبل بولاتىن 48 جوبا ساتىپ ۇلگەرسە, 58 جۇمىس ورنى قۇرىلدى جانە 2 ميلليون رۋبلگە جۋىق سالىق تولەندى. ءبىز رەسەيلىك جوعارى وقۋ ورىندارى مەن بيزنەس-قاۋىمداستىقتارىنا قىزمەتتەر, اۋىل شارۋاشىلىعى, تەحنيكالىق كاسىپكەرلىك سىندى ءتۇرلى باعىتتار بويىنشا حالىقارالىق ستارت-اپ جوبالاردى قۇرۋ ىسىنە قاتىسۋدى ۇسىنامىز», – دەيدى گ. احمەتوۆا.
ەكى ەل اراسىنداعى فورۋم بارىسىندا وبلىستىق ءتۋريزمدى دامىتۋ باسقارماسىنىڭ حابارىنشا, باياناۋىل دەمالىس ايماعىن, «ەرتىس ورمانى» قاراعاي ورمانىن, وڭىردەگى قاسيەتتى جەرلەر مەن تۇزدى كولدەردەگى مەديتسينالىق تۋريزم تۋرالى دا ماتەريالدار ۇسىنىلدى. كورمەگە كەلگەن كوپتەگەن قاتىسۋشىلار باياناۋىلدى دا كوبى بىلەدى, ءتىپتى, وندا تاۋ شاڭعىسى بازاسى سالىنىپ جاتقانىنان دا حاباردار.
سونداي-اق, پاۆلودار وبلىسىنىڭ اكىمى بولات باقاۋوۆ پەن باشقۇرتستان پرەزيدەنتى رۋستەم حاميتوۆ اراسىندا چەليابىدە وتكەن قازاقستان مەن رەسەيدىڭ حIV وڭىرارالىق ىنتىماقتاستىق فورۋمى شەڭبەرىندە ساۋدا-ەكونوميكالىق, عىلىمي-تەحنيكالىق جانە گۋمانيتارلىق سالالار بويىنشا كەلىسىمدەرگە قول قويىلدى.
«باشقۇرتستاندا دا ءبىزدىڭ وڭىردەگىدەي مۇناي-حيميا كلاستەرى بار. سوندىقتان تاجىريبەلەرىمەن ءبولىسۋ ءۇشىن وزىمىزگە شاقىرىپ وتىرمىز. كوپتەگەن پاۆلودارلىق ستۋدەنتتەر باشقۇرتستاندا مۇناي-حيميا ىسىنەن ءبىلىم الادى, ولاردىڭ وقىتۋشىلارى پاۆلوداردا ءدارىس وقيدى», – دەدى ب. باقاۋوۆ. باشقۇرتستان پرەزيدەنتى دە ەكى ءوڭىر اراسىندا ىنتىماقتاستىق جاساۋعا ورتاق جۇمىستار بار ەكەندىگىنە توقتالدى.
فاريدا بىقاي, «ەگەمەن قازاقستان»