“ادامزاتتىڭ ءبارىن ءسۇي باۋىرىم دەپ”

قازاقستان حالقى اسسامبلەيا­سىنىڭ ءار سەسسياسى ايتۋلى ساياسي وقيعاعا اينالىپ ءجۇر. ءار جولى قانداي جاڭا, تىڭ ۇسىنىس ايتىلار ەكەن دەگەن ويمەن كەلەمىن. دۇنيە­جۇزىلىك داعدارىس تۇسىندا ەتنو­س­ارا­­لىق قاتىناستار جونىندەگى يگى نيەتتەگى كەز كەلگەن باسقوسۋدىڭ بەرەرى مول. ەگەر ول قازاقستان حال­قى اسسامبلەياسىنىڭ كەزەكتى سەس­سيا­سى بولسا, ماڭىزى اناعۇر­لىم ارتا تۇسەتىنى ايتپاسا دا تۇسىنىكتى. “ادامزاتتىڭ ءبارىن ءسۇي باۋىرىم دەپ”, دەپ قازاقتىڭ دانىشپانى اباي ايتقانداي, ۇلتى مەن ناسىلىنە قاراماي, بار حالىقتى ءبىر تۋدىڭ استىنا جيناي العان ەلباسىنىڭ سىندارلى ساياساتىنىڭ ارقاسىندا دۇنيەگە كەلگەن بۇل ۇيىم قازىرگى كەزدە ۇلكەن بەدەلگە يە. جانە ونىڭ بەدەلى جىلدان-جىلعا ارتىپ كەلەدى. ەلدىڭ ماڭىز­دى زاڭ شىعارۋشى ورگانى – پارلا­مەنت­تەن قازاقستان حالقى اسسام­بلەياسىنىڭ مۇشەلەرى ورىن الدى. سيمۆولداپ ايتار بولساق, قازاق­­ستان – ونى مەكەندەگەن بار­لىق ەتنوستىڭ ورتاق ءۇيى, ال استانا – باس وردا, قارا شاڭىراق. ەلدىڭ ەكونوميكالىق-ساياسي, قوعامدىق ماڭىزدى بارلىق سالاداعى ءومىرىنىڭ قىزۋ قايناعان ەپيتسەنترى. استانا – قازاقستاننىڭ كىشى مودەلى. سون­دىقتان, مۇندا بارلىق ەتنوستىڭ وكىلدەرى ءبىر جاعادان باس, ءبىر جەڭنەن قول شىعارىپ, بىرلىك پەن تاتۋلىقتا عۇمىر كەشىپ جاتىر. استاناداعى بەيبىتشىلىك جانە كەلىسىم سارايى, بايتەرەك سىندى ساۋلەت ونەرىنىڭ قايتالانباس تۋىندىلارى ەلىشىلىك دوستىق پەن ىنتىماقتىڭ ناعىز نىشاندارى بولىپ تابىلادى. استانا قالاسىندا 26 ەتنومادە­ني بىرلەستىك جۇمىس ىستەيدى. ەسىل اۋدانى – ەلوردانىڭ جۇرەگى, ەليتار­لىق ورتالىعى. استانا مەن كۇللى قازاقستاننىڭ جەتىستىكتەرى مەن وزىق تەحنولوگيالارى, ءزاۋلىم عيماراتتارى, ماڭىزدى ورگاندارى مەن مەكەمەلەرى وسىندا ورىن تەپكەن. اۋدان اكىمىنىڭ اپپاراتى “ۆايناح” چەشەن-ينگۋش, “ۆان” ارميان, “پارۆيز” تاجىك ەتنو­مادە­ني بىرلەستىكتەرىمەن جانە باسقا دا كوپتەگەن ورتالىقتارمەن قويان-قولتىق جۇمىس ىستەيدى. ناۋرىز مەيرامى, 1 مامىر – قازاقستان حالقىنىڭ بىرلىگى كۇنى, قالا كۇنى سەكىلدى مەرەكەلەردى تويلاۋدا جانە اۋداندىق اقپارات­تىق-ناسيحاتتىق توپتار قاتارىندا يدەولوگيالىق جۇمىستار اتقارۋدا ەتنومادەني بىرلەستىكتەردىڭ ءرولى زور. كوپ ەلدىڭ كونە اڭىزدارىنا ارقاۋ بولعان جەلى بويىنشا ءبىر جەبە سىنار, مىڭ جەبە سىنباس. قازاقستاننىڭ ءاربىر ازاماتى ءوزىن ءبىر-ءبىر بولات جەبە دەپ ەسەپتەسە, بىرىككەن كەزدە ىشكى دە, سىرتقى دا جاۋ الماس, بەرىك قامالعا اينا­لارى­مىز حاق. قايرات جاڭابەرگەنوۆ, ەسىل اۋدانىنىڭ اكىمى. استانا.