بەكەت اتانىڭ باسىنا زيارات ەتۋگە نيەتتى ادام كوپ بولعانمەن, ولار ەكى ارالىقتاعى جولدىڭ قيىندىعىن دا ەسكە الماي قويمايتىن. دەسەك تە, بۇل اتا باسىنا بارۋشىلاردىڭ سانىنا كەرى اسەر ەتكەن جوق, قاي جىلدا دا, قاي كەزەڭدە دە الىستاعى وعىلاندىدا جاتقان ءپىر اتانىڭ باسىنا زيارات ەتۋشىلەر سانى ازايعان ەمەس.
«بەكەت اتا جاتقان جەرگە دەيىن جول سالىنسا» دەگەن كوپتىڭ تىلەگى 2011 جىلى ورىندالعان بولاتىن. وسى جىلى ۇزىندىعى 97 شاقىرىمدى قۇرايتىن جول توسەلىپ, ارنايى «اتا جولى» دەپ اتالىپ حالىق يگىلىگىنە ۇسىنىلدى. ەلباسى نۇرسۇلتان نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىندا ايتىلعان «وڭىرلەردىڭ دامۋى – ەلدىڭ دامۋى» تاپسىرماسىنا سايكەس بيىل بىرنەشە قاباتتان تۇراتىن اۆتوجولدىڭ سوڭعى قاباتى, ياعني اسفالتتاۋ جۇمىستارى قولعا الىنىپ, وعان 5 ملرد تەڭگە ءبولىنىپ وتىر. «اتا جولىن» جاڭارتۋدىڭ ءبىر سەبەبى ء«ولى ريزا بولماي, ءتىرى بايىمايدى» دەگەندەي, ارۋاققا قۇرمەت بولسا, ەكىنشىسى – حالىققا قىزمەت, ءۇشىنشىسى – وڭىردە تۋريستەرگە جاعداي جاساپ, ءتۋريزمدى دامىتۋ. قازىرگى تاڭدا جوبانىڭ رەكونسترۋكتسيالاۋ جۇمىستارى باستالىپ, قاراقيا اۋدانىنىڭ اۋماعىندا اسفالت توسەلدى. جالپى قۇنى 5,042 ملرد تەڭگەنى قۇرايتىن جوبا اياسىندا 97 شاقىرىم جولدىڭ 51 شاقىرىمىن اسفالتتاۋدى 2019 جىلى اياقتاۋ جوسپارلانىپ وتىر. «اتا جولى» اۆتوجولى وڭىردەگى تۋريستىك ورىندارعا, ياعني شوپان اتا, وعلاندى جانە بەكەت اتا زيراتىنا اپاراتىن جول. بۇل ورىندار ماڭعىستاۋ ءوڭىرىنىڭ عانا ەمەس, ەلىمىزدىڭ مادەني مۇراسى سانالادى جانە قازاقستاننىڭ قاسيەتتى جەرلەرىنىڭ مادەني-گەوگرافيالىق بەلدەۋىن قۇرۋعا باعىتتالعان «كيەلى مەكەن» ارنايى جوباسىنا كىرەدى. – مەملەكەت باسشىسى اتاپ وتكەندەي, وتاندىق ءتۋريزمدى دامىتۋ ءۇشىن الدىمەن لوگيستيكا مەن ينفراقۇرىلىمدى جانداندىرۋىمىز قاجەت. بۇگىنگى «اتا جولى» اۆتوجولىن جاڭارتۋداعى نەگىزگى ماقساتىمىز وسى. ياعني ساپالى جول سالىنسا, ادامدار كەلەدى, تىرشىلىك باستالادى. باسقا دا قىزمەت كورسەتۋ ورتالىقتارى بوي كوتەرىپ, كوپتەگەن كاسىپكەردىڭ تابىس تابۋىنا جول اشىلارى انىق. بۇل جول جاقسىلىققا باستايتىن جول بولماق, – دەگەن وبلىس اكىمى ەرالى توعجانوۆ, جاڭارتۋ جۇمىستارى ۇكىمەتتىڭ قولداۋى ارقىلى ماڭعىستاۋ وبلىسى اكىمدىگى مەن ينۆەستيتسيالار جانە دامۋ مينيسترلىگى بىرلەسىپ اتقارىپ جاتقان كوپ ىستەردىڭ ءبىرى ەكەندىگىن اتاپ ءوتتى.
وتكەندى قاستەرلەپ, ارۋاقتى قۇرمەتتەي بىلگەن حالىق بولعاندىقتان, اتا باسىنا زياراتتاۋدى ەسىنەن شىعارمايتىن ءيىسى مۇسىلمان بۇل ىسكە ريزا. ۇرپاق ساناسىنا وسى قالىپتى ءسىڭىرىپ, جاقسىلىققا, ىزگىلىككە باستاۋدا «اتا جولى» اداستىرماسى انىق.
گۇلايىم شىنتەمىرقىزى, «ەگەمەن قازاقستان»
ماڭعىستاۋ وبلىسى
سۋرەتتى تۇسىرگەن سەرىك مايەمەروۆ