بۇگىن پارلامەنت ءماجىلىسىنىڭ جالپى وتىرىسىندا پالاتا بىرقاتار زاڭ جوبالارىن جۇمىسقا الىپ, جەر قويناۋى جانە جەر قويناۋىن پايدالانۋ تۋرالى» كودەكس جوباسىن ىلەسپە تۇزەتۋلەرىمەن, سونداي-اق, اقپارات جانە كوممۋنيكاتسيالار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ءبىرىنشى وقىلىمدا ماقۇلدادى.
وتىرىستا جەر قويناۋى جانە جەر قويناۋىن پايدالانۋ تۋرالى كودەكسىنىڭ جوباسىن ء(بىرىنشى وقىلىم) ىلەسپە تۇزەتۋلەرىمەن ينۆەستيتسيالار جانە دامۋ ءمينيسترى جەڭىس قاسىمبەك باياندادى.
ءمينيستردىڭ مالىمدەۋىنشە كودەكس جوباسى – جەر قويناۋىن پايدالانۋشىلاردىڭ جۇمىسىندا كەزدەسەتىن كەدەرگىلەردى جويىپ, سالانىڭ قۇقىقتىق بازاسىن جەتىلدىرۋگە, حالىقارالىق ستاندارتتارعا وتۋگە جانە ينۆەستيتسيالىق كليماتتى جاقسارتىپ, سالاعا تىكەلەي شەتەلدىك ينۆەستيتسيالار تارتۋعا باعىتتالعان. بۇگىنگى تاڭدا 104 ەلدىڭ ىشىندە قازاقستان گەولوگيا سالاسىن مەملەكەتتىك رەتتەۋ بويىنشا تەك 74-ءشى ورىندا تۇر. ال, جەر قويناۋىنىڭ گەولوگيالىق تارتىمدىلىعى جاعىنان 45-ءشى ورىندا. بۇل رەفورما الەمدە بولىپ جاتقان داعدارىس پەن ونىڭ سالدارىنان ينۆەستور تارتۋعا بايلانىستى باسەكەلەستىكتىڭ ارتۋىنان تۋىنداپ وتىر.
ۇلت جوسپارى باعدارلاماسىنىڭ قادامدارىن ىسكە اسىرۋ ماقساتىندا ازىرلەنگەن وسى كودەكس جوباسى بويىنشا دەپۋتاتتاردان, تۇراقتى كوميتەتتەردەن جانە ءماجىلىستىڭ زاڭناما بولىمىنەن كەلىپ تۇسكەن 600-دەن استام ەسكەرتۋلەر مەن ۇسىنىستار قارالىپ, تالقىلانعان.