بۇگىن ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ قازاقستان رەسپۋبليكاسىنداعى جاپونيانىڭ توتەنشە جانە وكىلەتتى ەلشىسى يتيرو كاۆاباتامەن كەزدەسۋ وتكىزدى.
كەزدەسۋ بارىسىندا اعىمداعى جاعداي جانە قازاقستان مەن جاپونيا اراسىنداعى ساۋدا-ەكونوميكالىق, مادەني-گۋمانيتارلىق جانە اسكەري-تەحنيكالىق ىنتىماقتاستىقتىڭ پەرسپەكتيۆالى باعىتتارىن كەڭەيتۋ ماسەلەلەرى تالقىلاندى.
2016 جىلى ەكى ەل اراسىنداعى ءوزارا ساۋدا $1,1 ملرد (ەكسپورت – 558,6 ملن, يمپورت – 552,9 ملن) قۇرادى. 2017 جىلعى قاڭتار-شىلدەدە اتالعان كورسەتكىش $769,1 ملن-عا (ەكسپورت – 565 ملن, يمپورت – 203,8 ملن) جەتتى. قازاقستانعا جاپون ينۆەستيتسيالارىنىڭ بىرلەسكەن ءتۇسىمى سوڭعى 10 جىلدا $6,3 ملرد-تان استى. 2016 جىلدىڭ قورىتىندىسى بويىنشا تىكەلەي ينۆەستيتسيالار $470 ملن بولدى.
قازاقستاندا جاپون كاپيتالىنىڭ قاتىسۋىمەن 70-تەن استام كاسىپورىن بار, ولار مۇناي مەن گاز, مەتاللۋرگيا, قارجى, تاۋ-كەن ونەركاسىبى, اۆتوموبيلدەردى كوتەرمە ساتۋ, ەلەكتر بايلانىس, جابدىقتاردىڭ كوتەرمە ساۋداسى, اعاش دايىنداۋ جانە لوگيستيكا سياقتى سالالاردا جۇمىس ىستەيدى.