تۇششىمدى ۇسىنىستار ايتىلدى

مەملەكەتتىك قىزمەتتەر دەپارتامەنتىنىڭ ديرەكتورى ءا.مۇقاشەۆ ەلباسىنىڭ مەملەكەتتىك اپپاراتتىڭ حالىقپەن ءوزارا قارىم-قاتىناستارىندا بىرجاقتى-وكتەم كوزقاراستاردان ارىلىپ, ازاماتتارعا مەملەكەتتىك قىزمەتتەردى ءتيىمدى تۇردە كورسەتۋگە كوشۋگە قاتىستى قويعان مىندەتتەردى جۇزەگە اسىرۋعا نازار اۋداردى. سپيكەر, سونداي-اق مەملەكەتتىك قىزمەتتەر كورسەتۋدى اۆتوماتتاندىرۋ قاجەت ەكەنىن, بۇل سىبايلاس جەمقورلىق كورىنىستەرىن ازايتۋعا ىقپال ەتەتىنىن ءسوز ەتتى.

نازارباەۆ ۋنيۆەرسيتەتتىڭ پروفەسسورى كولين نوكس ءوز سوزىندە ازاماتتار مەن بيزنەسكە مەملەكەتتىك قىزمەتتەردى كورسەتۋ ساپاسىن قامتاماسىز ەتۋ بويىنشا ەلىمىزدە جۇرگىزىلىپ جاتقان ساياساتتى وڭ باعالادى. ءىس-شارا بارىسىندا قاتىسۋشىلار تسيفر­لاندىرۋ, اقپاراتتىق جۇيە­لەردى ىقپالداستىرۋ, حالىقتىڭ كومپيۋتەرلىك ساۋاتىن جوعا­رى­لاتۋ ماسەلەلەرىن بەلسەندى تال­قىلادى.

جيىندا ايتىلعانداي, تىزى­لىمدەگى 746 قىزمەتتىڭ 90-ى عانا تولىق اۆتوماتتاندىرىلعان جانە «ەلەكتروندى ۇكىمەت» ارقىلى كورسەتىلەدى, ال جەكەلەگەن قىزمەتتەر تەحنيكالىق سەبەپتەرگە بايلانىستى پورتالدا قولجەتىمدى ەمەس. بۇدان بولەك, اقپاراتتىق جۇيەلەر مەن باعدارلامالىق ونىمدەر «ەلەكتروندى ۇكىمەت» پورتالىمەن 12 پايىزعا عانا ىقپالداستىرىلعان, بۇل قىزمەتتەردى ەلەكتروندىق نىساندا كورسەتۋگە مۇمكىندىك بەرمەيدى جانە ازاماتتاردى ءارتۇرلى انىق­تا­مالاردى الۋ ءۇشىن باسقا ورگان­دارعا جۇگىنۋگە ءماجبۇر ەتەدى.

اقپاراتتىق جۇيەلەردىڭ ىق­پال­داستىرىلۋىمەن جانە قىزمەت­تەردى ەلەكتروندى فورماتقا كوشىرۋمەن 90 پايىز قىزمەت «ەلەكتروندى ۇكىمەت» پورتالى, ال قالعاندارى مەملەكەتتىك كورپوراتسيا ارقىلى كورسەتىلەتىن بولادى. كوزدەلگەن ماقساتقا جەتۋ ءۇشىن حالىقتىڭ كومپيۋتەرلىك ساۋاتىن جوعارىلاتۋ, ونىڭ ىشىندە «ەلەكتروندى ۇكىمەت» پورتالىمەن جۇمىس ىستەۋ داعدىسىن وقىتۋ كەرەك.

وسىعان بايلانىستى جاس­تار مەن اعا بۋىن وكىلدەرى, اۋىل تۇرعىندارى اراسىندا «ازاماتتارعا ارنالعان ۇكىمەت» مەملەكەتتىك كورپوراتسياسى» كە اق فرونت-وفيستەر, جەرگىلىكتى اتقارۋشى ورگاندار, مەملەكەتتىك كىرىستەر ورگاندارى, مەكتەپتەر, كوللەدجدەر, جوو, كىتاپحانالار بازالارىندا وقىتۋدى جۇرگىزۋ قاجەت.

سەميناردا ازاماتتارعا قول­جەتىمدىلىگى قيىن جەكەلەگەن قىزمەتتەر تۋرالى دا ايتىلدى. مۇنداي قىزمەت تۇرلەرىن تەك ورتالىق مەملەكەتتىك ورگاندار عانا كورسەتەدى. وسىعان بايلانىستى ولار قىزمەت الۋ ءۇشىن استاناعا كەلۋى قاجەت. سوندىقتان ورتالىق مەملەكەتتىك ورگاندارعا مۇنداي قىزمەتتەردى اۋماقتىق بولىمشەلەرىنە بەرۋ ۇسىنىلدى.

ازاماتتار ءۇشىن ماڭىزدى ما­سە­لەلەردىڭ ءبىرى – ستاندارتتار مەن رەگلامەنتتەر كولەمىنىڭ ۇلكەن جانە ءتۇسىنۋ ءۇشىن اسا قيىن بولۋى. سوعان بايلانىستى قولجەتىمدى جانە قاجەتتى مالىمەتتەردى عانا  قامتيتىن check-پاراقتارىن ازىرلەۋ ماسەلەسى ايتىلدى.

سەمينار سوڭىندا قاتى­سۋ­شىلار ءار وبلىستىق اكىمدىكتە مەملەكەتتىك قىزمەتتەر بويىن­شا دەربەس باسقارما قۇرۋدى ۇسىن­دى. بۇل باسقارما ۆەدومس­تۆو­لىق باعىنىستىلىعىنا قارا­ماستان, وڭىردەگى بارلىق قىزمەت بەرۋشىلەردىڭ جۇمىسىن ۇيلەس­تىرەتىن جانە تۋىنداعان پروبلەمالاردى جەدەل شەشەتىن بولادى.

دايىنداعان

جولدىباي بازار,

«ەگەمەن قازاقستان»