قىرعىزستاننىڭ ەكس-پرەمەرى تەمىر ساريەۆ "قازاق-قىرعىز شەكاراسىنداعى ماسەلەلەردى شەشۋ" اتتى تاقىرىپپەن وتكەن دوڭگەلەك ۇستەلدە مەملەكەتتىڭ 2006 جىلى قازاقستانمەن دوستىق كەلىسىمگە قول قويعانىن ەسكە الىپ, ەاەو-عا مۇشەلىككە وتۋىنە قازاقستاننىڭ كوپ قولداۋ بىلدىرگەنىن ايتتى, دەپ جازادى knews.kg.
تەمىر ساريەۆتىڭ ايتۋىنشا, قازاقستاننىڭ پرەزيدەنتى نۇرسۇلتان نازارباەۆ قىرعىزستانعا جان-جاقتى قولداۋ كورسەتكەن. ەكس-پرەمەر-مينيستر بيلىك الدىن الا ارەكەتكە كوشۋ كەرەك دەپ ەسەپتەيتىنىن ايتتى. مىسالى, رەسەيدىڭ مەملەكەتتىك دۋماسى قىرعىزستاننىڭ ميگرانتتارىنا ءوز ەلىنىڭ جۇرگىزۋشى كۋالىگىن قولدانۋعا تىيىم سالۋ تۋرالى زاڭدى قاراستىرۋدا. ساريەۆتىڭ ايتۋىنشا, جاڭادان سايلانعان پرەزيدەنت تە سولاي ارەكەت ەتۋى كەرەك.
«سوورونباي جەەنبەكوۆ قىزمەتىنە كىرىسپەس بۇرىن ارەكەتكە كوشە بەرگەنى ءجون. ءبىز ماسەلەنى تەك ەكى جاقتىڭ پرەزيدەنتتەرى شەشە الاتىنىن بىلەمىز. سوندىقتان جەەنبەكوۆ بۇل ماسەلەدە ءوزىنىڭ انىق پوزيتسياسىن كورسەتۋى كەرەك", دەيدى ساريەۆ. ونىڭ ايتۋىنشا, جاڭا پرەزيدەنت يناۋگۋراتسيانى كۇتپەي, كەلىسسوزدەردى باستاي بەرگەنى ءجون.
ەستەرىڭىزگە سالا كەتسەك, 10 قازاندا قازاقستان قىرعىزستانمەن شەكاراداعى باقىلاۋدى كۇشەيتكەن بولاتىن. 18 قازاندا استانادا ۇكىمەت باسشىلارى كەزدەسىپ, جاعدايدى رەتتەگەن ەدى. بىراق جۇك كولىكتەرى شەكارادان وتكەن كەزدە ءالى دە قيىندىقتارعا تاپ بولۋدا, دەپ جازادى باسىلىم.