بۇگىن قازاقستان پرەمەر-ءمينيسترى باقىتجان ساعىنتاەۆ تاشكەنتتە تاۋەلسىز مەملەكەتتەر دوستاستىعىنىڭ ۇكىمەتتەرى باسشىلارى كەڭەسىنىڭ وتىرىسىنا قاتىستى.
قر پرەمەر-ءمينيسترى باقىتجان ساعىنتاەۆ ءور پرەمەر-ءمينيسترى ابدۋللا اريپوۆپەن قازاقستان مەن وزبەكستان پرەزيدەنتتەرى اراسىنداعى كەلىسىمدەردى ىسكە اسىرۋ ماسەلەلەرى بويىنشا كەزدەسۋ وتكىزدى. تاراپتار ەكىجاقتى ىنتىماقتاستىقتى دامىتۋ, وڭىرارالىق ءوزارا ءىس-قيمىلدى, اسىرەسە شەكارا ماڭى اۋماقتارىندا كۇشەيتۋ ماسەلەلەرىن تالقىلادى.
«تاۋار اينالىمى كولەمىن ۇلعايتۋعا ەرەكشە كوڭىل ءبولىندى. سونداي-اق, ماشينا جاساۋ جانە اۆتوموبيل قۇراستىرۋ, ازاماتتىق اۆياتسيا, فارماتسەۆتيكا سالالارىندا ينۆەستيتسيالىق ءوزارا بايلانىستى كەڭەيتۋ, كولىك-ترانزيتتىك ينفراقۇرىلىمدى دامىتۋ شارالارى, سونىمەن قاتار اسكەري-تەحنيكالىق جانە اەروعارىش سالالارىنداعى بىرلەسكەن جۇمىستاردىڭ كەلەشەگى قارالدى», دەلىنگەن پرەمەر-ءمينيستردىڭ ءباسپاسوز قىزمەتى تاراتقان مالىمەتتە.