استاناعا رەسمي ساپارمەن كەلگەن يوردانيا كورولى ابداللا II پارلامەنت سەناتىنىڭ توراعاسى قاسىم-جومارت توقاەۆتى قابىلدادى.
سەنات توراعاسى يوردانيا كورولىن تاياۋ شىعىستاعى بەيبىتشىلىكتى, تۇراقتىلىقتى جانە قاۋىپسىزدىكتى قامتاماسىز ەتۋ ىسىنە قوسقان ابداللا II-ءنىڭ كۇش-جىگەرى اتاپ وتىلگەن پرەزيدەنت نۇرسۇلتان نازارباەۆتىڭ يادرولىق قارۋسىز الەم جانە جاھاندىق قاۋىپسىزدىك ءۇشىن سىيلىعىنىڭ بەرىلۋىمەن قۇتتىقتادى. ق.توقاەۆ سيرياداعى جاعدايدى رەتتەۋ جونىندەگى استانا كەلىسسوزدەرىن امماننىڭ قولداۋىن ەرەكشە اتاپ ءوتتى.
پارلامەنت جوعارى پالاتاسىنىڭ توراعاسى الەمدىك جانە ءداستۇرلى دىندەر ليدەرلەرىنىڭ 2015 جىلعى V سەزىنە بەلسەندى قاتىسقانى ءۇشىن يوردانيا كورولىنە ريزاشىلىعىن ءبىلدىردى. سەنات توراعاسى مارتەبەلى مەيماندى 2018 جىلى وتكىزۋ كوزدەلىپ وتىرعان ءVى سەزد تۋرالى حاباردار ەتتى. وندا جاھاندىق قاۋىپسىزدىكتى قامتاماسىز ەتۋدەگى, ەكسترەميزم مەن تەرروريزمگە قارسى ءىس-قيمىلداعى ءدىني جانە ساياسي قايراتكەرلەردىڭ ءرولىن قاراستىرۋ جوسپارلانىپ وتىر.
ابداللا II پرەزيدەنت ن.نازارباەۆپەن بولعان كەزدەسۋدىڭ قورىتىندىلارىن جوعارى باعالادى, ونىڭ ناتيجەسىندە قول قويىلعان كەلىسىمدەر ءبىزدىڭ ەلدەرىمىز اراسىنداعى ساياسي جانە ساۋدا-ەكونوميكالىق بايلانىستاردى دامىتۋعا جاڭا سەرپىن بەرەتىنى تۋرالى پىكىر ايتتى.
يوردانيا كورولى دىنارالىق ۇنقاتىسۋدى ىلگەرىلەتۋگە, شىعىس پەن باتىس اراسىنداعى ءوزارا تۇسىنىستىكتى ورناتۋعا قازاقستان زور ۇلەس قوسىپ كەلە جاتقانىن اتاپ ءوتتى.
جۇزدەسۋشىلەر ەكىجاقتى جانە حالىقارالىق كۇن تارتىبىندەگى ماسەلەلەردى تالقىلادى.