لاتىن قارپىندەگى قازاق ءالىپبيى كەزەڭ-كەزەڭىمەن جۇزەگە اسىرىلادى

ەلباسى ن.نازارباەۆ 27 قازان كۇنى لاتىن گرافيكاسىنا نەگىزدەلگەن جاڭا قازاق ءتىلى ءالىپبيىن بەكىتكەنى بەلگىلى. سونىڭ نەگىزىندە ۇكىمەتكە جاڭا گرافيكاعا كوشىرۋ جونىندەگى ۇلتتىق كوميسسيا قۇرۋ تاپسىرىلدى. سونىمەن بىرگە جاڭا قازاق ءتىلى ءالىپبيىنىڭ لاتىن گرافيكاسىنا كوشۋى 2025 جىلعا دەيىن كەزەڭ-كەزەڭمەن جۇرگىزىلەتىندىگى اتاپ كورسەتىلدى.

جيىن بارىسىندا مادە­نيەت جانە سپورت ءمينيسترى ارىستانبەك مۇحامەدي ۇلى ەلباسىنىڭ «قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى» جارلىققا قول قويىلۋىنا بايلانىستى, تومەندەگى جوبالار جۇزەگە اسىرىلا باستايتىنىن اتاپ ءوتتى.

«بىرىنشىدەن, ۇكىمەت جانىنان لاتىن گرافيكاسىن قازاق تىلىنە ەندىرۋ جونىندەگى جۇمىس توبى قۇرى­لادى.

ەكىنشىدەن, سول گرافيكانىڭ ەملە-ەرەجەلەرىن جاسايتىن ورفوگرافيالىق-لينگۆيستيكالىق كوميسسيانى  قۇرۋ. لاتىن ءالىپبيىنىڭ نەگىزىندە جاڭا ورفوگرافيالىق ەرەجەلەردى جانە قازاق ءتىلىنىڭ جاڭا ورفوگرافيالىق سوزدىكتەرى ازىرلەنەدى. لاتىن ءالىپبيىنىڭ نەگىزىندە «قازاق ءتىلىنىڭ ۇلكەن ورفوگرافيالىق سوزدىگى» ازىرلەنىپ, شىعارىلادى.

ۇشىنشىدەن, بارلىق نورماتيۆ­تىك-قۇقىقتىق بازا رەتكە كەلتىرىلۋى قاجەت. سودان سوڭ وقۋ-ادىستەمەلىك, كوركەم جانە باسقا دا قاجەتتى ادەبيەت­تەردى دايىنداۋ جانە ولاردى حالىققا تاراتۋ, عىلىمي-ادىس­تەمەلىك جۇمىستارى جۇرگىزىلەدى. سونىمەن قاتار ءالىپ­بيدى قوعامدىق ورىنداردا جانە وڭىرلەردە ناسيحاتتاۋ جۇمىستارى قولعا الىنىپ, باق سالاسىندا بىرقاتار جۇمىستار اتقارىلۋى ءتيىس. جارنامالىق جۇمىستاردى جان­داندىرۋ كەرەك. ارنايى پورتال جانە ماتىندەردى لاتىن گرا­فيكاسىنا  اۆتوماتتى تۇردە كوشىرەتىن كونۆەرتەر ازىرلەپ ىسكە قوسىلادى», دەدى ا.مۇحامەدي ۇلى.

ا.بايتۇرسىنوۆ اتىنداعى ءتىل ءبىلىمى ينستيتۋتى­نىڭ ديرەكتورى ەردەن قاجىبەك قازىر ەلىمىزدە لاتىن الىپبيىنە كوشۋ ءۇشىن سىناق مەرزىمى ءجۇرىپ جاتقانىن جەتكىزدى. 

«وسى اپتانىڭ سوڭىنا الماتىداعى ۇلتتىق كىتاپ­حان­امەن بىرىگىپ العاشقى سىناق ورتالىعىن اشامىز. ول باسقا قالالاردا دا, وبلىس ورتالىقتارىندا دا اشىلاتىن بولادى. ماسەلە ءارىپ اۋىستىرۋدا ەمەس, ماسەلە ءتىلى­مىزدى ءوزىنىڭ تابيعي زاڭدىلىقتارىنا قايتا ورالتۋ», دەدى ول.

راۋان قايدار, «ەگەمەن قازاقستان»