بۇگىن ۇكىمەت ۇيىندە قر پرەمەر-ءمينيسترى باقىتجان ساعىنتاەۆتىڭ توراعالىعىمەن «سامۇرىق-قازىنا» ۇلتتىق ءال-اۋقات قورى» اق ديرەكتورلار كەڭەسىنىڭ بەتپە-بەت وتىرىسى ءوتتى. بۇل تۋرالى primeminister.kz حابارلادى.
وتىرىس بارىسىندا قوردىڭ ءارى قاراي دامۋى, جوبالاردى ىسكە اسىرۋعا, ونىڭ ىشىندە قۇرىق پورتىنداعى پاروم كەشەنىنىڭ قۇرىلىسىنا جانە امبەباپ جۇك-جولاۋشىلار پارومدارىن پايدالانۋعا بەرۋگە جانە ت. ب. قاتىسۋى ماسەلەلەرى تالقىلاندى.وعان قوسا, 2018 جىلعا جۇمىس جوسپارى قارالدى.
ايتا كەتەيىك, 2008 جىلى قر پرەزيدەنتىنىڭ جارلىعىمەن «سامۇرىق-قازىنا» قورىنىڭ نەگىزى قالانعان. ينۆەستيتسيالىق حولدينگتىڭ مىندەتى قر ۇلتتىق ءال-اۋقاتىن ارتتىرۋ جانە ۇلتتىق ەكونوميكانى جاڭعىرتۋدى قولداۋ بولىپ تابىلادى.