قاراعاندى وبلىستىق اۋىلشارۋاشىلىق باسقارماسىنىڭ باسشىسى يۋرجان بەكقوجيننىڭ ايتۋىنشا اۋىلشارۋاشىلىق ءوندىرىسىنىڭ دامۋىنا اگروونەركاسىپ كەشەنىندە جۇزەگە اسىرىلىپ جاتقان ينۆەستيتسيالىق جوبالار ۇلەس قوسۋدا.
- جەكە جانە جۇمىلدىرىلعان قاراجات ەسەبىنەن بارلىعى جالپى ەسەپتەگەندە قۇنى 57,6 ملرد تەڭگەنى قۇراعان 60 جوبا جۇزەگە اسىرىلدى. اۋىلداردا جۇمىسپەن قامتۋ ماسەلەلەرىنە ەرەكشە نازار اۋدارىلۋدا. شاعىن جانە ورتا شارۋا قوجالىقتارى اۋىلشارۋاشىلىق كووپەراتسياسىنا جۇمىلدىرىلۋدا. جىل باسىنان باستاپ 1 قازانعا دەيىن جىلدىق جوسپار بويىنشا 38 كووپەراتيۆتىڭ ورنىنا وبلىسىمىزدا 56 بىرلەستىك قۇرىلعان. ونىڭ 25-ءى ءسۇت ونىمدەرىن جانە 31-ءى ەت ونىمدەرىن وندىرۋمەن اينالىسادى, - دەدى يۋرجان بەكقوجين.
سونىمەن قاتار 7799 باس ءىرى قارا مالعا شاقتالعان 891 وتباسىلىق مال سەمىرتۋ الاڭدارى قۇرىلعان. اۋىلشارۋاشىلىق كووپەراتسياسىنا شامامەن 2,8 مىڭ ۇساق جانە جەكە مەنشىك قوسالقى شارۋاشىلىقتار جۇمىلدىرىلعان. جاڭادان 2112 جۇمىس ورنى قۇرالعان. جالپى ەسەپتەگەندە كووپەراتيۆتەر 530 توننا ءسۇت جانە 67 توننا ەت ازىرلەگەن.
- باستى باعىت اۋىلشارۋاشىلىق ونىمدەرىن قايتا وڭدەۋ بولىپ قالا بەرەدى, - دەيدى يۋرجان بەكقوجين. – ءاربىر اۋدان بويىنشا ءبىز قر اۋىلشارۋاشىلىق مينيسترلىگىنىڭ قولداۋىمەن قايتا وڭدەۋ وندىرىستەرىنىڭ قۋاتتىلىق كارتاسىن جاسادىق. الداعى ۋاقىتتا 4 ءسۇت وڭدەيتىن جانە 7 ەت وڭدەيتىن ءوندىرىستى جاڭعىرتۋدى جوسپارلاپ وتىرمىز.
قاجەتتى شيكىزاتتى فەرمالار مەن كووپەراتيۆتەر قامتاماسىز ەتىپ وتىرادى. ناتيجەسىندە, 2021 جىلعا قاراي ءبىر جىلدىق ەت وڭدەۋ كولەمى 29 مىڭ تونناعا دەيىن, ءسۇت وڭدەۋ 73 مىڭ تونناعا دەيىن وسەدى دەپ جوسپارلانۋدا.
سونىمەن بىرگە يۋرجان بەكقوجيننىڭ ايتۋىنشا وندىرىستىك ونىمدەردى سىرتقى نارىققا شىعارۋعا دا ۇلكەن نازار اۋدارىلادى. جىل باسىنان بەرى جالپى سوماسى 42 ملن اقش دوللارىن قۇراعان 197 مىڭ توننا اۋىلشارۋاشىلىق ءونىمىن ەكسپورتتاعان. بۇل وتكەن جىلمەن سالىستىرعاندا 49%-عا كوبىرەك. جىلدىڭ قورىتىندىسى بويىنشا ەكسپورت كولەمىن 204 مىڭ تونناعا ۇلعايتۋ جوسپارى بار.
- 2016-شى جىلى العاش رەت ءباا-نە 3320 قوزى ەكسپورتتالعان, اعىمداعى جىلى – 1200 باس ماس شەت ەل اسىرىلعان. بۇل باعىتتا جۇمىستار جالعاستىرىلادى, - دەدى اۋىلشارۋاشىلىق باسقارماسىنىڭ باسشىسى.
ەستەرىڭىزگە سالا كەتەيىك, وسى جىلدىڭ باسىندا ەلىمىزدىڭ بارلىق ايماقتارىندا اۋىلشارۋاشىلىق كووپەراتسيالارىن قولداۋعا باعىتتالعان ءتۇسىندىرۋ كامپانياسى باستالدى. اۋىلشارۋاشىلىق كووپەراتيۆتەرىنە ارنالعان جاڭا مەملەكەتتىك كومەك مەحانيزمدەرى جۇمىس ىستەي باستادى. ەل پرەزيدەنتى قر اۋىلشارۋاشىلىق مينيسترلىگىنىڭ الدىنا 500 مىڭنان استام قوسىمشا شارۋالىقتاردى اۋىلشارۋاشىلىق كووپەراتيۆتەرىنە اۋقىمدى تۇردە جۇمىلدىرۋ بويىنشا مىندەت قويدى.