وڭتۇستىك قازاقستان وبلىسىنىڭ اكىمى ج.تۇيمەباەۆ بارشا وتانداستاردى قازاق ءتىلى ءالىپبيىن كيريلليتسادان لاتىن گرافيكاسىنا كوشۋىمەن قۇتتىقتادى. بۇل تۋرالى اكىم استانا مەن الماتى قالاسىنان كەلگەن بەلدى تاريحشى, عالىمدار مەن قوعامتانۋشىلار قاتىسقان باسقوسۋدا ايتتى, دەپ حابارلادى وقو اكىمىنىڭ ءباسپاسوز قىزمەتى.
«كەشە ەلباسىمىز قابىلداعان لاتىن الىپبيىنە كوشۋ تۋرالى جارلىعىن قازاقستان رەسپۋبليكاسىنداعى ەڭ ۇلكەن وقيعانىڭ ءبىرى دەپ ايتۋعا بولادى. مۇنداي الىپبيمەن قازىر دۇنيەنىڭ 90 پايىزى دەپ ايتۋعا بولادى پايدالانادى. وسىنداي قاۋىمداستىقتىڭ ىشىندە قازاقستان دا ءجۇرۋى كەرەك. بۇل لاتىن ءالىپبيىن قولدانۋدى ءبىز جاڭادان باستاپ جاتقان جوقپىز. وتكەن عاسىردان تاجىربيەمىز بار. 1929-1940 جىل اراسىندا ءبىزدىڭ اكەلەرىمىز بەن اتالارىمىز وسى جازۋدى قولدانعان بولاتىن. مىنە, پرەزيدەنتىمىز وسى قارىپكە كوشۋدى قايتا جاڭعىرتىپ, ۇسىنىلعان لاتىن ءالىپبيىنىڭ جاڭا نۇسقاسىن بەكىتتى»,-دەدى ايماق باسشىسى.
سونىمەن قاتار, جانسەيىت تۇيمەباەۆ جاڭا ءالىپبيدى قولدانىسقا ەنگىزۋ بويىنشا جۇرگىزىلەتىن جۇمىستاردا كەدەرگىلەر بولمايتىنىن ايتىپ ءوتتى.
ء«بىزدىڭ تاريحىمىزدا كونە تۇركى جازۋى , اراب جازۋى, لاتىن جازۋى ءبارى باسىمىزدان ءوتتى. ال قازىرگى جاستارىمىز اعىلشىن ءالفاۆيتىن جاقسى مەڭگەرىپ العان. سوندىقتان دا بۇل تاجىريبەنى دە ءبىز يگەرە الامىز. بىزدە ەشقانداي قيىندىق تۋىندامايدى, ۇيرەنەمىز. بۇل ءبىزدىڭ ەلىمىزدىڭ رۋحاني جاڭعىرۋىنداعى جاڭا قادام دەپ ەسەپتەۋگە بولادى. ەلباسىمىزعا وسى لاتىن الىپبيىنە كوشۋ تۋرالى باستاماسى ءۇشىن العاسىمىزدى بىلدىرەمىز»,-دەپ ءسوزىن تۇيىندەدى اكىم.
جيىنعا «ينتەللەكت وردا» حالىقارالىق الەۋمەتتىك-گۋمانيتارلىق زەرتتەۋلەردى ىقپالداستىرۋ ينستيتۋتىنىڭ باس ديرەكتورى, تاريح عىلىمىنىڭ دوكتورى, پروفەسسور, اكادەميك - ساتتار ءماجىتوۆ, ابىلاي حان اتىنداعى حالىقارالىق قاتىناستار جانە الەم تىلدەرى ۋنيۆەرسيتەتىنىڭ پەداگوگيكا عىلىمدارىنىڭ دوكتورى, پروفەسسور, اكادەميك - دينا جۇسىباليەۆا, د.ا.قوناەۆ اتىنداعى ەۋرازيالىق زاڭ اكادەمياسىنىڭ پروفەسسورى, فيلولوگيا عىلىمىنىڭ دوكتورى, اكادەميك - گۇلميرا ءبىليالوۆا, «الەۋمەتتىك زەرتتەۋلەر جونىندەگى ايەلدەر قاۋىمداستىعى» قب پرەزيدەنتى, ابىلاي حان اتىنداعى حالىقارالىق قاتىناستار جانە الەم تىلدەرى ۋنيۆەرسيتەتىنىڭ كافەدرا دوتسەنتى, الەۋمەتتىك عىلىمدارىنىڭ كانديداتى, اكادەميك - تامارا كليموۆا, ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ , «قازاقستان تاريحى جانە الەۋمەتتىك عىلىم» كافەدراسىنىڭ دوتسەنتى, تاريح عىلىمىنىڭ كانديداتى - مەندىعانىم شايمەردەنوۆا جانە 12 ساراپشىلار مەن عالىمدار قاتىسىپ وتىر.
سونىمەن قاتار, كەزدەسۋدە تاراپتار وڭتۇستىك قازاقستان وبلىسىندا رۋحاني جاڭعىرۋ بويىنشا ارنايى جوبالاردىڭ ىسكە اسىرىلۋى مەن ونىڭ قازاقستاندىق جانە حالىقارالىق دەڭگەيدە ناسيحاتتالۋ جايىن ءسوز ەتتى.
ايتا كەتەيىك, وڭتۇستىك قازاقستان وبلىسىندا «بولاشاققا باعدار: رۋحاني جاڭعىرۋ» ماقالاسىنىڭ اياسىندا ىسكە اساتىن جوبالار «ينتەللەكت-ەكسپەرت» الەۋمەتتىك-ەكونوميكالىق زەرتتەۋلەر ورتالىعىنىڭ وكىلدەرىمەن بىرگە جۇزەگە اساتىن بولادى. ولار وبلىستا ەتنوسارالىق قارىم-قاتىناستى, رۋحاني قۇندىلىق پەن مادەنيەتتىڭ تابيعاتىن, ءوڭىردىڭ ميگراتسيالىق, ياعني كوشى-قون پروتسەستەرى مەن قوعامدىق سانانى جاڭعىرتۋ جولدارىن حالىقارالىق تاجىريبەگە سۇيەنە وتىرىپ زەرتتەۋ جانە ساراپتاۋ جۇمىستارىن جۇرگىزەتىن بولادى. وتەتىن ءىس-شارالارعا الەمدىك جانە قازاقستاندىق تاجىريبەلەرى مول عالىمدار مەن ساراپشىلار جانە وڭتۇستىك قازاقستان وبلىسىنىڭ ماماندارى قاتىسادى.