«قازتسينك» كومپانياسى «حرۋستال پيراميدا» بەدەلدى حالىقارالىق سىيلىعىنىڭ ەكى ۇلكەن ماراپاتىن جەڭىپ الدى. قىزمەتكەرلەردى وقىتۋ جانە كەمەلدەۋ باسقارماسى «جىل كورپوراتيۆتىك وقىتۋى-2017» اتالىمىندا ەكىنشى ورىنعا يە بولسا, «قازتسينك» جشس-ءنىڭ اكىمشىلىك ماسەلەلەر جونىندەگى اتقارۋشى ديرەكتورى اندرەي لازارەۆ «جىل HR-باسشىسى-2017» اتالىمىندا گران-پري سىيلىعىن يەلەندى. بۇل تۋرالى «قازتسينك» جشس-ءنىڭ جۇرتشىلىقپەن بايلانىس باسقارماسى حابارلادى.
رەسەي مەن تمد ەلدەرى HR-ديرەكتورلارىنىڭ XVIII حالىقارالىق ءسامميتى ماسكەۋدە ءوتتى. بۇل ءىس-شاراعا 400-دەن استام قىزمەتكەرلەردى باسقارۋ باسشىلارى, ادام كاپيتالىن دامىتۋ جونىندەگى ساراپشىلار, مەملەكەتتىك مەكەمەلەردىڭ وكىلدەرى, زەرتتەۋ ۇيىمدارىنىڭ, بيزنەستىڭ جەتەكشى مەكتەپتەرىنىڭ ماماندارى جينالدى. ءبىر اتاپ وتەرلىگى, بۇدان بۇرىنعى جىلدارى قىزمەتكەرلەردى باسقارۋ سالاسىندا «لۋكويل» «حرۋستال پيراميدا» مۇناي كومپانياسىنىڭ, «روساتوم» مەملەكەتتىك كورپوراتسياسىنىڭ, «رۋسگيدرو» ەنەرگەتيكالىق حولدينگىسىنىڭ جانە باسقا دا كوپتەگەن جەتەكشى كورپوراتسيالاردىڭ HR-جوبالارى مەن HR-باسشىلارى لاۋرەات اتانعان بولاتىن.
«قازتسينك» جشس-ءنىڭ قىزمەتكەرلەردى وقىتۋ جانە كەمەلدەۋ باسقارماسى باسەكەلەستەردىڭ مىقتىلىعىنا قاراماستان, «جىل كورپوراتيۆتىك وقىتۋى-2017» اتالىمىندا ەكىنشى ورىنعا يە بولدى. ال «جىل HR-باسشىسى-2017» اتالىمىنداعى گران-پري سىيلىعىن ءبىزدىڭ كومپانيا جەڭىپ الدى. «قازتسينك» جشس-ءنىڭ اكىمشىلىك ماسەلەلەر جونىندەگى اتقارۋشى ديرەكتورى اندرەي لازارەۆ «حرۋستال پيراميدا» سىيلىعىن يەلەندى.
ء«بىزدىڭ كومپانيا ادامداردى جاۋاپتىلىققا, وقۋعا, لاۋازىمدىق ساتىمەن وسۋگە, ءوزىنىڭ شىعارماشىلىق قابىلەتتەرىن جۇزەگە اسىرۋعا, قوسىمشا تابىس تابۋ مۇمكىندىگىن پايدالانۋعا ىنتالاندىرا وتىرا, ولاردىڭ مۇمكىندىك شەڭبەرىن ۇنەمى كەڭەيتۋ جولدارىن قاراستىرادى, – دەيدى اندرەي لازارەۆ. – سونىمەن بىرگە قازىرگى جاعدايدا HR-قىزمەتتەرگە دەگەن تالاپتىڭ ءوسىپ كەلە جاتقانىن دا جاقسى تۇسىنەمىز. ولار كوپتەگەن ماسەلەلەر بويىنشا جۇمىسكەرلەرمەن ءوزارا ءىس-ارەكەت ورتالىعى بولۋعا, ادامدار بويىنداعى ەڭ قۇندى كاسىبي قاسيەتتەردى تابا بىلۋگە, ءار جۇمىسكەردىڭ جەكە باسى ءۇشىن دە, جالپى كومپانيا ماقساتتارى ءۇشىن دە ءبىلىم-بىلىكتىلىگىن جەتە پايدالانۋىنا مۇمكىندىك تۋعىزۋعا ءتيىس البەتتە, تمد ەلدەرىنەن كەلگەن ارىپتەستەردىڭ ەڭبەگىمىزدى باعالاۋى جانە مۇنداي بەدەلدى ناگرادا – ءبىزدىڭ كومپانيانىڭ ۇلانعايىر ۇجىمىنىڭ ەڭبەگى, اسا جوعارى ناتيجەلەرگە قول جەتكىزۋى دەپ ءبىلۋ كەرەك. ءبىز ەشكىمگە ۇقسامايتىن بىرەگەي تاجىريبە جينادىق جانە ول حالىقارالىق دەڭگەيدە لايىقتى باعاسىن الدى. ۇجىمنىڭ مەرەيتويىندا «قازتسينكتىكتەر» ءۇشىن وتە جاقسى سىي بولدى».
ەرەكشە اتاپ وتەرلىگى, «قازتسينك» بۇل قۇرمەتتى ماراپاتقا ءوزىنىڭ جيىرما جىلدىعىندا يە بولىپ وتىر.
ازامات قاسىم,
«ەگەمەن قازاقستان»
وسكەمەن