ەندى سەنىمحاتتى رەسىمدەۋ ءۇشىن تاراپتاردىڭ ءوز وكىلىنە وكىلەتتىك بەرۋ ءۇشىن نوتاريۋسقا بارۋىنىڭ قاجەتى جوق. ينتەرنەت جەلىسىنە قولجەتىمدىلىك پەن ەلەكتروندى-تسيفرلى قولتاڭباسى بولسا جەتكىلىكتى.
سەنىمحات قالىپتاستىرۋ ءۇشىن «سوت كابينەتىندە» اۆتوريزاتسيادان وتكەننەن كەيىن «ەلەكتروندى سەنىمحات» بولىمىنە ءوتۋ قاجەت. «سەنىمحات» اشىلعان بەتتە «قوسۋ» باتىرماسىن باسىپ, سەنىمحات نىسانىن, سونىڭ ىشىندە وكىلدىڭ دەرەكتەرىن تولتىرۋ كەرەك. جسن ارقىلى وكىلدىڭ جەكە دەرەكتەرىن جەكە تۇلعالاردىڭ مەملەكەتتىك بازاسىنان اۆتوماتتى تۇردە تولتىرۋعا بولادى.
«ەلەكتروندى سەنىمحات» قىزمەتى ازاماتتىق كودەكسىنىڭ 167-بابىنا سايكەس, ازىرلەنگەن, اتاپ ايتقاندا بiر ادامنىڭ (سەنiم بiلدiرۋشiنiڭ) ءوز اتىنان وكiلدiك ەتۋ ءۇشiن ەكiنشi ادامعا (سەنiم بiلدiرگەن) بەرگەن جازباشا ۋاكiلدiگi سەنiمحات دەپ تانىلادى.
ال ازاماتتىق پروتسەستىك كودەكسىنىڭ (اپك) 61-بابىنىڭ 1-بولىمىنە سايكەس, سەنىمحاتتى سەنىم ءبىلدىرۋشىنىڭ ەلەكتروندى-تسيفرلى قولتاڭباسىمەن كۋالاندىرىلعان ەلەكتروندى قۇجات نىسانىندا راسىمدەۋ كوزدەلگەن.
سەنىم بىلدىرۋشىگە ەلەكتروندى سەنىمحات جاساۋ كەزىندە «ەلەكتروندى سەنىمحات» بولىگىندە ىسكە قاتىسۋشى تۇلعالاردىڭ اپك-ءنىڭ 46-بابىنىڭ 1-بولىگىندە جانە 60-بابىنىڭ 1-2-بولىكتەرىندە كوزدەلگەن نەگىزگى قۇقىقتارىن تىزبە تۇرىندە كورسەتۋ مۇمكىندىگى ۇسىنىلعان, بۇل سەنىم بىلدىرۋشىگە ناقتى ازاماتتىق ىسكە قاتىسۋ ءۇشىن سەنىم بىلدىرىلگەن تۇلعاعا ۇسىنىلاتىن قۇقىقتار شەڭبەرىن ءدال انىقتاۋعا مۇمكىندىك بەرەدى.
اپك-ءنىڭ 58-بابىنىڭ نەگىزىندە سەنىم ءبىلدىرۋشى سەنىم بىلدىرگەن وكىلگە ءبىرىنشى ساتىداعى سوتتا, اپەللياتسيالىق ساتىداعى سوتتا, كاسساتسيالىق ساتىداعى سوتتا مۇددەسىن ءبىلدىرۋ, تالاپ ارىز, شاعىمدار, وتىنىشتەر مەن ارىزدار بەرۋ جانە قول قويۋ, تالاپ قويۋدان تولىق نەمەسە ءىشىنارا باس تارتۋ, تالاپتى تانۋ, تالاپ قويۋ تالاپتارىنىڭ ءمانىن ۇلعايتۋ, تالاپ قويۋ ءمانىن نەمەسە نەگىزىن وزگەرتۋ, ازاماتتىق ءىس ماتەريالدارىمەن تانىسۋ, ولاردان ءۇزىندى كوشىرمەلەر جاساۋ جانە كوشىرمەلەرىن الۋ, قارسىلىق ءبىلدىرۋ, ءوتىنىشتى, سونىڭ ىشىندە تالاپ قويۋدى قامتاماسىز ەتۋ بويىنشا شارالاردى قابىلداۋ تۋرالى, دالەلدەمەلەردى قامتاماسىز ەتۋ بويىنشا, قوسىمشا دالەلدەمەلەردى تالاپ ەتۋ تۋرالى مالىمدەۋ, سوت وتىرىسىنىڭ حاتتاماسىمەن تانىسۋ جانە وعان جازباشا ەسكەرتپەلەر بەرۋ, سوت شەشىمىنە, ۇيعارىمىنا جانە قاۋلىسىنا شاعىمدانۋ, بىتىمگەرشىلىك كەلىسىم جاساۋ جانە باسقا دا قۇقىعىن سەنىپ تاپسىرۋعا قۇقىلى.
ەلەكتروندى سەنىمحاتتى بىرنەشە سەنىمدى وكىلگە بەرۋ كوزدەلگەن, ويتكەنى ءبىر ءىس بويىنشا قاتىساتىن سەنىمدى وكىلدەر سانى زاڭنامامەن شەكتەلمەگەن. ەلەكتروندى سەنىمحاتتى توقتاتۋ ازاماتتىق كودەكستىڭ 170-بابىنا سايكەس جۇزەگە اسىرىلادى. ول ەلەكتروندى تۇردە قارالاتىن ءبىر ءىستىڭ شەگىندە بەرىلەدى, سەنىمحاتتىڭ قولدانىلۋ مەرزىمى سوت اكتىسىنىڭ زاڭدى كۇشىنە ەنگەن جانە قۇجاتتاردى ورىنداۋعا بەرۋ ۋاقىتىمەن شەكتەلگەن. وسىلايشا, «ەلەكتروندى سەنىمحات» بولىمىندە جوعارىدا كورسەتىلگەن نەگىزدەردى نەمەسە سەنىم ءبىلدىرۋشى بەرگەن ەلەكتروندى سەنىمحات مەرزىمى اياقتالعانعا دەيىن كۇشىن جويۋدى سانامالاي وتىرىپ, مىندەتتى تارتىپپەن «سەنىمحات قولدانىلۋىن توقتاتۋ» دەگەن كىشى ءبولىم كوزدەلگەن.
«سوت كابينەتى» سەرۆيسى ىسكە قوسىلعان ساتتەن باستاپ, پايدالانۋشىلار ونىڭ مۇمكىندىكتەرىن جوعارى باعالادى: حالىق سەرۆيستى كەڭىنەن قولدانادى جانە ادۆوكاتتار مەن وكىلدەردىڭ ءتيىمدى جۇمىسىنا جاردەمدەسەدى, ازاماتتاردىڭ قۇقىقتىق مادەنيەتىن جەتىلدىرۋگە, ازاماتتاردىڭ ءوز كونستيتۋتسيالىق قۇقىقتارىن قورعاۋىنا ىقپال ەتەدى. بۇگىنگى تاڭدا «سوت كابينەتى» سەرۆيسىنە 182 670 پايدالانۋشى تىركەلگەن.
«ەگەمەن-اقپارات»