ورتالىق كوممۋنيكاتسيالار قىزمەتىندە دەنساۋلىق ساقتاۋ مينيسترلىگى فارماتسيا كوميتەتىنىڭ ءتورايىمى ليۋدميلا بيۋرابەكوۆا جانە دارىلىك زاتتاردى, مەديتسينالىق ماقساتتاعى بۇيىمداردى جانە مەديتسينا تەحنيكاسىنا ساراپتاۋ ۇلتتىق ورتالىعى باس ديرەكتورىنىڭ ورىنباسارى ارنۇر نۇرتاەۆتىڭ قاتىسۋىمەن «گەپاسان» ءدارى-دارمەگىنە بايلانىستى ءباسپاسوز ءماسليحاتى بولدى.
«بۇگىن «ۆرەميا» قوعامدىق-ساياسي گازەتىندە ميحايل كوزاچكوۆتىڭ «پرەپاراتنىە يگرى» دەگەن ماقالاسى جارىق كوردى. وندا ول «گەپاسان» ءدارىسىنىڭ مەديتسينالىق تاجىريبەدە قولدانىلۋى جونىندە جازىپ, ماعان وسىعان وراي پىكىر ءبىلدىرۋىمدى سۇراعان ەكەن. ماسەلە وتاندىق ءدارى ءوندىرۋشى «حيمفارم» اق وندىرگەن «گەپاسان» ءدارىسى جونىندە. «گەپاسان» ول كارديولوگيا جانە كارديوحيرۋرگيا بولىمشەلەرىندە قولدانىلاتىن جانە جانساقتاۋ بولىمىندە جاتقاندار ءۇشىن ومىرگە اسا ماڭىزدى ءدارى. ء«يا, شىن مانىندە, بيىلعى جىلدىڭ تامىز ايىندا وسى ءدارى-دارمەكتى تىركەۋ تۋرالى كۋالىكتى ءبىزدىڭ ساراپتامالىق ۇيىم – ءدارى-دارمەكتى ساراپتاۋ ورتالىعىنىڭ قورىتىندىسى نەگىزىندە توقتاتتى. سەبەبى 2016 جىلى جانە 2017 جىلدىڭ ءبىرىنشى جارتىسىندا وسى پرەپاراتتىڭ جاناما اسەرى تۋرالى, اتاپ ايتقاندا, ونىڭ تيىمسىزدىگى تۋرالى 4 كارت-بايانداما كەلىپ تۇسكەن. وسى ءتورت كارتانى قاراستىرعان كەزدە, ءبىر كارتوچكا جارامسىز بولدى جانە ءبىز ءۇش كارتانىڭ نەگىزىندە ءدارىنىڭ جارامسىز ەكەنىن انىقتاۋ ءۇشىن تىركەۋ كۋالىگىن توقتاتتىق.
سودان كەيىن ەكى ايدىڭ ىشىندە ءبىز مەديتسينا ۇيىمدارىمەن جۇمىس ىستەدىك, وبلىستاردان, استانا مەن الماتى قالالارىنىڭ بارلىق مەديتسينالىق ۇيىمدارىنان كەلىپ تۇسكەن حاتتاردا ونىڭ قاۋىپسىز ەكەنى كورسەتىلگەن. كومپانيا ءوندىرۋشىسى ەكى اي بويى پولشانىڭ جانە گەرمانيانىڭ ەكى ەۋروپالىق زەرتحانالارىندا ءدارى-دارمەكتى تەكسەرگەن. ناتيجەسىندە دارىلىك زاتتىڭ جوعارى ساپالى جانە قاۋىپسىز ەكەنى دالەلدەندى. سونىمەن قاتار پرەپاراتتى قولدانۋ بويىنشا نۇسقاۋلىقتا وزگەرىستەر بولدى, وندا, ياعني ءدارى-دارمەكتە پاتسيەنتتەردىڭ كورسەتىلمەيتىن ساناتى بار, سوندىقتان دوزانى وزگەرتۋ نەمەسە باسقا پرەپاراتقا اۋىستىرۋ ۇسىنىلدى. وسى اقپاراتتى مۇقيات زەردەلەپ, ۇلتتىق ساراپتاما ورتالىعى اتالعان ءدارىنى پايدالانۋعا رۇقسات بەرىپ جانە «حيمفارم» زاۋىتىنا ەلدەگى مەديتسينالىق ۇيىمداردىڭ ءبىرىنىڭ نەگىزىندە كلينيكالىق زەرتتەۋلەردى ۇسىنادى, وندا ولار گەپارين ناتري دارۋمەنىن عىلىمي زەرتتەۋمەن اينالىسادى», دەدى فارماتسيا كوميتەتىنىڭ ءتورايىمى ليۋدميلا بيۋرابەكوۆا.
ونىڭ اقپاراتىنا سايكەس, كومپانيانىڭ دەنساۋلىق ساقتاۋ مينيسترلىگىنە قاراستى سىزعانوۆ اتىنداعى عىلىمي-زەرتتەۋ ينستيتۋتىنىڭ بازاسىندا كلينيكالىق زەرتتەۋ جۇرگىزۋ تۋرالى كەلىسىمشارتى دا بار.
راۋان قايدار, «ەگەمەن قازاقستان»