استانادا لاتىن الىپبيىنە ورالۋ وزەكتىلىگى تۋرالى دوڭگەلەك ۇستەل ءوتتى

ەلباسى 2012 جىلى «قا­زاقستان-2050» ستراتە­گيا­سىندا ەلىمىزدىڭ 2025 جىلدان باستاپ لاتىن الىپبيىنە كوشۋى قاجەت ەكەنىن ايتقان بولسا, بيىل جارىققا شىق­قان «بولاشاققا باعدار: رۋ­حاني جاڭعىرۋ» اتتى ماقا­لاسىندا قوعامدىق سانانى جاڭعىرتۋدىن ناقتى جوبالارى قاجەت ەكەنىن, ونىڭ ىشىندە بۇگىنگى جازۋىمىزدى بىرتە-بىرتە لاتىنعا كوشىرۋ ما­سەلەسىن ايتىپ وتكەن بولاتىن. ءدال سول ماقالانىڭ ءوزى قو­عام­دىق سانانى جاڭعىرتۋعا لوكو­موتيۆ بولعانى شىندىق. اسىرەسە, اڭگىمە لاتىن الىپ­بيىنە تىرەلگەن تۇستا قوعام قاتتى بەلسەندىلىك تانىتۋدا. ءتۇرلى جوبالاردىڭ ۇسىنىلۋى, ءتۇرلى دەڭگەيدەگى تالقىلاۋلار سونىڭ ايعاعى.

دوڭگەلەك ۇستەلدە بايانداما جاساعان قوعام قايراتكەرى, ساياساتتانۋ عىلىمدارىنىڭ دوكتورى كامال بۇرحانوۆ لاتىن الىپبيىنە كوشۋدىڭ ساياسي اسپەكتىلەرىنە توقتالدى. ەلى­مىزدىڭ اۋماعىندا ءتۇرلى داۋىر­دە, ءتۇرلى كەزەڭدەردە قولدا­نىلعان جازۋلاردىڭ تاريحىنا توقتالىپ, جازۋدىڭ ۇلت مادەنيەتىندە الاتىن ور­نى­نىڭ ەرەكشەلىگىن باسا ايتتى. ك.بۇرحانوۆ باياندا­ما­س­ى­نىڭ ءتۇيىنى لاتىن الىپبيىنە كوشۋدى ساياسيلاندىرىپ, ونىڭ استارىنان داۋ-جانجال ىزدە­مەۋ كەرەك دەگەن پىكىرگە سايدى. ول الەمدە جازۋى بىردەي نە­مە­سە ۇقساس تالاي مەملەكەت بار ەكەنىن, بىراق, سول جازۋ­دىڭ بىردەيلىگى نەمەسە ۇقساس­تىعى ولاردىڭ ءبىر-بىرىمەن تاتۋ­لىق­تا ءومىر سۇرۋىنە كەپىل بولا ال­ماي­تىنىن ايتىپ, بىرقاتار مەم­­لە­كەتتەردى مىسالعا كەل­تىردى.

ال, مەملەكەت تاريحى ينس­­تيتۋتىنىڭ جەتەكشى عىلى­مي قىزمەتكەرى قۇندىزاي ەرىم­بەتوۆا لاتىن الىپبيىنە كوشۋ ۋاقىت تالابىنا ساي دەر كەزىن­دە كوتەرىلىپ وتىرعانىن ايتىپ, تاۋەلسىزدىكتى العان كەزدە ءبىز لاتىن الىپبيىنە كوشۋگە دايىن ەمەس ەدىك دەگەن پىكىردە وي ءوربىتتى. ول لاتىن الىپبيىنە كو­شۋ ارقىلى ەلىمىزدىڭ اشىق دەموكراتيالىق قوعام قا­لىپ­تاستىراتىنىن جەتكىزدى. ء«بىز لاتىن الىپبيىنە كوشۋ ارقىلى رۋحاني قۇندىلىقتارىمىزدى قالپىنا كەلتىرەمىز, الەمدىك وركەنيەت كوشىنە جەدەل ىلە­سەتىن بولامىز», دەدى ول.

ايگۇل سەيىل, «ەگەمەن قازاقستان»