ءالىپبي اۋىستىرۋ ءىسى ەشبىر سالانى اينالىپ وتپەيدى. دۇنيەگە كەلگەن بالادان, ەڭكەيىپ ءوتىپ بارا جاتقان ۇرپاققا دەيىن ءالىپبي اۋىستىرۋدىڭ وزەكتىلىگىن دە, قاجەتتىگىن دە كورىپ وتىر. ونەرىمىز دە, ءومىرىمىز دە تىلىمىزگە تاۋەلدى.
ءوز باسىم ءاۋ باستان-اق لاتىن ءالىپبيىن قولدانۋداعى ۋملياۋت (نوقات) تاڭباسىن پايدالانعان سوڭعى جوبانى قولدايتىن ۇستانىمىمدى بۇعان دەيىن دە ءباسپاسوز بەتتەرىندە ءبىلدىردىم. جەتى رەت ولشەپ, ءبىر-اق كەسەيىك دەگەندى العا تارتتىق.
ارينە, ءالىپبي اۋىستىرۋ تاريحي جاۋاپكەرشىلىك. بۇل ەل ومىرىندەگى ەلەۋلى ۇدەرىس. ءالىپبي اۋىستىرۋ ماماندىعىمىزعا دا شىعارماشىلىعىمىزعا دا ولشەۋسىز وزگەرىسىن اكەلەدى. بۇل ءبىلىمنىڭ, مادەنيەتتىڭ الەمدىك ايدىنىنا شىعۋعا وراسان سەپتىگىن تيگىزەدى. بۇل ۇلى وزگەرىس بولاشاق ءۇشىن كەرەك, كەيىنگى ۇرپاعىمىزدىڭ الەمدىك قاۋىمداستىققا وڭاي ءسىڭىپ كەتۋى ءۇشىن دە قاجەت.
مەنىڭشە, نوقات تاڭباسى ادەبي, تاريحي, عىلىمي باي مۇرالارىمىزدى شاشپاي-توكپەي ترانسكريپتسيالاۋعا جەڭىلدىك تۋدىرادى دەپ ويلايمىن. سوندىقتان ەلباسى قابىلداعان شەشىمدى تاريحي ۇيعارىم دەپ ەسەپتەيمىن.
ابدراحمان اسىلبەك, قازاقستاننىڭ ەڭبەك سىڭىرگەن قايراتكەرى, اقىن
الماتى