«قازمۇنايگاز ونىمدەرى» جشس سۇرانىسقا يە اي-92 ماركالى جانارمايىن بارلىق وڭىردە ەركىن تۇردە ساتىپ جاتىر. بۇل تۋرالى اتالعان كومپانيانىڭ ءباسپاسوز قىزمەتى حابارلادى.
استانا, اقتاۋ اتىراۋ, اياكوز, بالقاش, قىزىلوردا, پەتروپاۆل, سەمەي, تاراز, ورال, وسكەمەن جانە شىمكەنتتە اي-92 ماركالى بەنزينى تولىعىمەن ەركىن رەجيمدە ساتىلىپ جاتىر.
«قازمۇنايگاز» بولشەك ساۋدا جەلىسى شتاتتى رەجيمدە جۇمىس ىستەۋدە. جانارماي قورى جەتكىلىكتى, قازاقستاندىق زاۋىتتاردان, سونداي-اق يمپورتتىق وتىننىڭ جاڭا پارتيالارى تاۋلىك سايىن كەلىپ تۇسۋدە. بەنزيندى 20 ليترگە دەيىن ساتىپ الۋعا بولاتىن وڭىرلەردە جاعداي جانارمايدىڭ جەتكىلىكتى كولەمىنىڭ كەلىپ تۇسۋىنە قاراي رەتتەلۋدە.
«قازمۇنايگاز» جمقس جەلىسىنە بۇكىل قازاقستان بويىنشا 342 جانارماي قۇيۋ ستانتسياسى ەنەدى جانە بولشەك ساۋدا ارقىلى وتكىزۋدە مۇناي ونىمدەرى نارىعىنىڭ 15%-ىن يەلەنەدى.