ماڭعىستاۋ وبلىسىنىڭ وڭىرلىك كوممۋنيكاتسيالار قىزمەتىندە وبلىس اكىمىنىڭ ورىنباسارى ب. ءجۇسىپوۆ جۋرناليستەرمەن كەزدەسۋ وتكىزدى. وندا اۋىل شارۋاشىلىعى سالاسى مەن جانار-جاعار ماي تاقىرىپتارى ءسوز بولدى.
«سوڭعى كەزدەگى ورىن العان جانار-جاعار مايدىڭ ءبىزدىڭ وبلىسىمىزعا دا ءوز اسەرىن تيگىزدى. بەنزيننىڭ كەيبىر ماركالارىنىڭ جەتىسپەۋشىلىگى جانارماي ساتۋ بەكەتتەرىندە ورىن الدى. ارينە ول اۆتوموبيلگە جاعاتىن گازعا دەگەن سۇرانىستى كۇرت كوبەيتىپ جىبەردى. سەبەبى, بەنزين مەن گازدى قاتار پايدالاناتىن اۆتوكولىكتەر تەك گازدى عانا پايدالانا باستادى. سونىمەن قاتار, «قازمۇنايگاز ونىمدەرى» مەكەمەسى كوگىلدىر وتىننىڭ باعاسىن 5 تەڭگەگە ارزان ساتۋى اتالعان مايقۇيۋ بەكەتتەرىندە كەزەككە تۇرعان كولىكتەردىڭ كوبەيۋىنە اكەلدى. قازىرگى كۇنى ماسەلە تۋىنداماس ءۇشىن بارلىق شارالار قولعا الىنىپ, باقىلاۋ كۇشەيتىلدى. وبلىس اكىمىنىڭ تاپسىرماسىمەن شۇعىل جۇمىسشى توبى قۇرىلىپ, قاجەتتى مولشەردە گاز جەتكىزىلدى. گاز نارىعىن قاتاڭ باقىلاۋدا ۇستاپ, بولاشاقتا گاز تاپشىلىعىن بولدىرماۋ ماقساتىندا ءتيىستى ورىندارعا تاپسىرمالار بەرىلگەن. سونىمەن بىرگە, بارلىق گاز ساتۋ ستانتسيالارىنداعى باعانىڭ بىردەي بولۋى كەلىسىلدى. بۇگىندە وبلىس بويىنشا بارلىعى 211 گاز قۇيۋ ستانتسياسى بار. ونىڭ 15-ءى قازمۇنايگاز ونىمدەرى. ستانتسيالاردىڭ 47-اقتاۋ, 47-جاڭاوزەن, 60-مۇنايلى اۋدانى, 14-تۇپقاراعان اۋدانى, 10-قاراقيا اۋدانى, 27-ماڭعىستاۋ اۋدانى, 6-بەينەۋ اۋدانىندا. سوڭعى مالىمەتتەر بويىنشا وبلىستا 86 464 اۆتوكولىك (70%) گازبەن جۇرەدى», – دەدى ب.ءجۇسىپوۆ.
سونىمەن قاتار, بەكمۇرات ءجۇسىپوۆ اۋىل شارۋاشىلىعى سالاسىنا دا كەڭىنەن توقتالدى. 2017 جىلدىڭ 9 ايىندا اۋىل شارۋاشىلىعىنىڭ جالپى ءونىم كولەمى 8924,2 ملن. تەڭگە, ونىڭ ىشىندە ەگىن شارۋاشىلىعىندا 1866,1 ملن. تەڭگە, مال شارۋاشىلىعىندا 7040,9 ملن. تەڭگە بولدى. اعىمداعى جىلدىڭ 1 جارتى جىلدىعىندا 6406,6 توننا - ەت, 5193,3 توننا - ءسۇت, 3462,5 مىڭ دانا - جۇمىرتقا, 10500 توننا - ۇن ءوندىرىلدى دەپ مالىمدەدى وبلىس اكىمىنىڭ ورىنباسارى.
مال شارۋاشىلىعى بويىنشا ءوسىم بايقالعان. ماسەلەن, ءىرى قارا مال – 17671 (17,6 %), قوي-ەشكى – 394253 (10,4 %-عا), جىلقى – 6838 (13,5%), تۇيە – 56667 (12,3%) ارتقان. قۇس – 28949 باس, (2,1%) وسكەن.
ماڭعىستاۋ وبلىسىندا ەگىن القابى 2017 جىلى 1100 گا. بولدى. ونىڭ ىشىندە: جىلىجايلار كەشەندەرىندەگى ەگىس القابى - 20,0 گا., اشىق توپىراقتاعى ەگىس القابى - 1080 گا. 2016 جىلى 10942,8 توننا كوكونىس جانە باقشالىق ونىمدەر ءوندىرىلدى. بيىلعى جىلى 11500 توننا مەجەلەنىپ وتىر.
جايىلىمدى سۋلاندىرۋ بويىنشا 30 قۇدىق قازۋ جوسپارلانعان. بۇگىنگى تاڭدا 25 قازىلدى. وعان 126 ملن. تەڭگە سۋبسيديا ءبولىندى. جالپى, مال ونىمدىلىگىن ارتتىرۋ بويىنشا سۋبسيديا 80 ملن. تەڭگە, ينۆەستيتسيالىق سۋبسيديا 260 ملن. تەڭگە قاراستىرىلعان. وبلىس بويىنشا اۋىل شارۋاشىلىق مالدارىن ءوسىرۋ جانە ءونىمىن وتكىزۋ بويىنشا 13 كووپەراتيۆ قۇرىلعان. اۋىل شارۋاشىلىق باعىتىندا 12 جوبا ىسكە اسىرۋ جوسپارلانعان. ينۆەستيتسيا كولەمى 8 ملرد. 358 – جاڭا جۇمىس ورنى اشىلماق.
گۇلايىم شىنتەمىرقىزى, «ەگەمەن قازاقستان».
ماڭعىستاۋ وبلىسى