استانا قالاسى ىشكى ىستەر دەپارتامەنتىنىڭ جەرگىلىكتى پوليتسيا قىزمەتىنىڭ جول-پاترۋلدىك پوليتسيا پولكىنىڭ قىزمەتكەرلەرى كىشى لەيتەنانت قايىرجان قۇتتىباەۆ پەن اعا سەرجانت ماكسيم ۆەرشينين بەس جاسار بالانى قۇتقارىپ قالدى, دەپ حابارلايدى ەلوردا اكىمدىگىنىڭ ءباسپاسوز قىزمەتى.
«كەشە ساعات 16:00 شاماسىندا استانا ءىىد جەدەل باسقارۋ ورتالىعىنىڭ پۋلتىنە, تلەنديەۆ 36 كوشەسىندەگى ونىنشى قاباتتان تومەنگە قاراپ قۇلاپ كەتكەلى تۇرعان بالا جىلاپ تۇر, دەگەن حابار كەلىپ تۇسەدى. ءبىز وقيعا بولعان جەرگە كەلىپ, « ۇلىتاۋ» پيك ينجەنەرلەرىمەن جولىعادى. ءبارىمىز بىرگە 10-شى قاباتقا قاراي جۇگىردىك. ءدال سول كۇنى ەلەكتردى جوسپارلى سوندىرۋگە بايلانىستى ليفت جۇمىس ىستەمەي تۇر ەكەن. ەسىك ارقىلى ءبىز بالامەن سويلەسىپ, بالكوننان ىشكە كىر دەپ ايتتىق. ونىمەن سويلەسىپ, تىنىشتاندىردىق. اڭگىمە بارىسىندا ول بىزگە اتىنىڭ ءانۋار ەكەنىن ايتتى», - دەيدى ماكسيم ۆەرشينين.
ءبىراز ۋاقىتتان كەيىن بالانىڭ اتا-اناسى سەنىپ «قاراي تۇر» دەپ تاپسىرىپ كەتكەن تۋىسقانى كەلدى. ول بالانىڭ كىشكەنتاي قارىنداسىن الىپ, دۇكەنگە شىعىپ كەتىپتى. سول ۋاقىتتا بالا ويانىپ كەتىپ, بالكونعا شىعىپ ايقايلاپ جىلاعان ءارى اشىق تۇرعان تەرەزەدەن ءتۇسىپ كەتە جازداعان.
ء«ۇيدىڭ تۇرعىندارى اتىنان تجم مەن جەدەل جاردەم قىزمەتىنەن بۇرىن كەلىپ جەتكەن پوليتسەيلەرگە العىسىمىزدى بىلدىرگىمىز كەلەدى. ولاردىڭ كاسىبي ارەكەتىنىڭ ارقاسىندا قايعىلى وقيعانىڭ الدىن الدى», - دەيدى « ۇلىتاۋ» پيك ينجەنەرى راۋشان قارباەۆ.
پوليتسەيلەر اتا-انالارمەن بولعان وقيعا تۋرالى پروفيلاكتيكالىق اڭگىمە جۇرگىزىپ, كىشكەنتاي بالانى قاراۋسىز قالدىرۋعا بولمايتىنىن, سونداي-اق, تەرەزەلەردى ارنايى قورعايتىن بەكىتكىشپەن قامتاماسىز ەتۋلەرىن ەسكەرتتى.