ش.ءۋاليحانوۆ اتىنداعى كادەت كورپۋسىندا ۇزدىك سەرجانتتار انىقتالدى

بايقاۋعا قارۋلى كۇشتەر تۇرلەرى, اسكەر تەكتەرى, وڭىرلىك قولباسشىلىق اسكەرلەرى, باس باسقارمالار مەن اسكەري وقۋ ورىندارى اۋقىمىندا وتكىزىلگەن بايقاۋلاردىڭ جەڭىمپاز سەرجانتتارى (ستارشينالارى) تارتىلدى.

بۇدان بۇرىن وتكىزىلگەن بايقاۋلار­دان بۇل شارانىڭ باستى ەرەكشەلىگى بۇكىلاراميالىق بايقاۋ تاريحىندا العاش رەت وزگە مەملەكەتتىك ۆەدومست­ۆو­لاردىڭ وكىلدەرى قاتىستى. سونىمەن مەملەكەتتىك كۇزەت قىزمەتىنىڭ نامىسىن 6 سەرجانت قورعاپ, ال ۇلتتىق ۇلان­نىڭ ابرويىن 4 باقىلاۋشى اسقاقتاتتى.

جالپى, بايقاۋعا ەلىمىزدىڭ تۇكپىر-تۇكىپىرىنەن 16 كوماندادان قۇرالعان 75 سەرجانت قاتىسىپ, التى اتالىم بويىنشا ۇزدىكتەر انىقتالدى. اتاپ ايتقاندا, ولار:«قارۋلى كۇشتەر ءتۇرى مەن اسكەر تەگىنىڭ, وڭىرلىك قولباس­شىلىقتىڭ «ۇزدىك سەرجانتى», «ۇزدىك بريگادا سەرجانتى», «ۇزدىك باتالون سەرجانتى», «ۇزدىك روتا سەرجان­تى», «ۇزدىك ۆزۆود سەرجانتى» جانە «ۇزدىك بولىمشە سەرجانتى» (تانك, جاۋىن­گەرلىك ماشينا, ەسەپتوپ, قوندىرعى).

شاراعا باس شتابتىڭ تاعايىنداعان ارنايى كوميسسياسى تورەلىك جاساپ, ادىلەتتى شەشىمدەر قابىلداندى. سونىڭ ناتيجەسىندە, «ۇزدىك وڭىرلىك قولباسشىلىق سەرجانتى» اتالىمىندا «شىعىس» وڭىرلىك قولباسشىلىعىنىڭ سەرجانتى شتاب-سەرجانت عالىمجان تاۋكەباەۆ جەڭىس تۇعىرىنان كورىنسە, «ۇزدىك بريگادا سەرجانتى» 14776 اسكەري ءبولىمىنىڭ سەرجانتى 2-سىنىپتى سەرجانت جانات بەشالين, «ۇزدىك باتالون (ديۆيزيون) سەرجانتى» 35748 اسكەري ءبولىمىنىڭ 3-سىنىپتى سەرجانتى ماقسات جاقسىبەك, «ۇزدىك روتا سەرجانتى» اتاعىن 75488 اسكەري ءبولىمى روتاسىنىڭ اعا سەرجانتى سامات اباي ۇلى, «ۇزدىك ۆزۆود سەرجانتى» اتاعىن 41433 اسكەري ءبولىمىنىڭ ۆزۆود سەرجانتى ەرمەك زايلاگي جانە «ۇزدىك بولىمشە كومانديرى» اتاعىن 44736 اسكەري ءبولىمىنىڭ بولىمشە كومانديرى سەرجانت ارنات نامەتوۆ يەمدەندى.

ال كوماندالىق ەسەپتە ءبىرىنشى ورىندى «وڭتۇستىك» وڭىرلىك قولباس­شى­لىعىنىڭ سەرجانتتارى, ەكىنشى ورىندى «شىعىس» وڭىرلىك قول­باس­شى­لىعىنىڭ سەرجانتتارى جانە ءۇشىنشى ورىندى دەسانتتىق-شابۋىلداۋ اسكەر­لەرىنىڭ سەرجانتتارى ەنشىلەدى.

ۇيىمداستىرۋشىلاردىڭ ايتۋىنشا, بايقاۋدىڭ جىل سايىن ءداس­­تۇر­لى تۇردە وتكىزىلۋى سەرجانتتار قۇرا­­­مى­نىڭ كاسىبي شەبەرلىگىن ارتتىرۋعا ىن­تا­لاندىرىپ, ساربازداردىڭ جاۋىن­­گەرلىك رۋحىن وياتادى. سون­داي-اق وڭىرلىك قولباسشىلىقتار مەن اسكەر تەكتەرىندە سەرجانتتار قۇرا­مى­نىڭ دايىندىق دەڭگەيىن باعالاۋعا مۇم­كىندىك بەرەدى.

«ەگەمەن-اقپارات»