قارتتىققا قارسى داۋا بار

سۇيەك كەمىگىنەن الىناتىن با­عا­نا­لى جاسۋشالارمەن اق قان, باس­قا دا راك اۋرۋلارىن ەمدەيتىنىن جۇرتشىلىق جاقسى بىلەدى. وسى جاسۋشالاردى الەم عالىمدارى قارت­تىققا قارسى شيپا رەتىندە قول­دانا باستاعالى قاشان. ەندى قازاق­ستان­دىق ماماندار دا بۇل سالاعا ايرىق­شا ءمان بەرىپ, ادامنىڭ ءوز كلەت­كا­سىن وزىنە ەم رەتىندە قولدانا باستا­دى. ۇلتتىق بيوتەحنولوگيا ورتا­لى­عىنىڭ باعانالى جاسۋشالار زەرت­حا­نا­سىنىڭ مەڭگەرۋشىسى ۆياچە­س­لاۆ وگايدىڭ ايتۋىنشا, ادام­نىڭ بويىنداعى تالشىقتاردى بىرىك­تىرۋشى قىزمەت اتقاراتىن فيبرو­بلاست جاسۋشالار ارقىلى اعزانى جاسار­تىپ قانا قويماي, كۇيىك شال­عاندا تەرىنى جىلدام قالپىنا كەل­تىرۋگە دە بولادى. سوندىقتان عالىم وسى جاسۋشالاردى پايدالانا وتىرىپ, قارتايۋعا قارسى ارنايى تەحنولوگيا ازىرلەپ شىعارىپتى.

ء«بىز ادامنىڭ وزىنەن فيبرو­بلاست كلەتكاسىن الامىز دا ونى زاقىمداعان تەرىگە, تالشىققا ەنگى­زەمىز. بۇل كلەتكالار اعزاعا ەن­گەن­نەن كەيىن ب ۇلىنگەن باسقا دا جاسۋ­شالاردىڭ قايتا قالپىنا كەلۋىنە اسەر ەتىپ, تەرىنى جاقسارتادى. قازىرگى تاڭدا بۇل تەحنولوگيا بىر­قاتار جەكەمەنشىك كلينيكالار مەن مەم­لەكەتتىك ۇيىمداردا قولدا­نى­لىپ جاتىر. مىسالى, استانا­داعى ۇلتتىق ونكولوگيا مەن ترانسپ­لان­تولوگيا ورتالىعىندا كۇيىك شال­عان, جارالانعان 800-دەن استام پا­تسيەنتكە قولدانىلىپ, ولار زاما­ناۋي ءادىستىڭ ارقاسىندا قۇلان-تازا جازىلىپ شىقتى. كۇيىكتەن كەيىن مىندەتتى تۇردە تىرتىق قالاتىنى بەلگىلى. ال باعانالى جاسۋشالارمەن ەمدەگەن كەزدە كۇيىكتىڭ ءىزى دە قال­مايدى», دەيدى ۆ.وگاي.

ۇلتتىق بيوتەحنولوگيا ورتالى­عىنىڭ ماماندارى ادامنىڭ تىزە جانە جامباس بۋىندارىنداعى كەمىس­تىكتەردى قايتا قالپىنا كەل­تى­رۋگە ارنالعان گيدروگەل دە وي­لاپ تاۋىپتى. گيدروگەل تابيعي كوم­پو­نەنتتەردەن تۇرادى جانە قۇرا­مىندا باعانالى جاسۋشالار دا بار. بۇل ءادىس ءبىرىنشى جانە ەكىن­شى دارەجەلى وستەوحوندرالدى كەمىس­تىكتەردى ەمدەۋگە قولدانىلادى ەكەن. زاقىمدالعان شەمىرشەك پەن سۇيەك تىندەرىنە وتا جاسالعاننان كەيىن گيدروگەلدى جاقسا, ول از ۋا­قىتتىڭ ىشىندە باستاپقى ساۋ قالپىنا كەلەدى.

مەديتسينا عانا ەمەس, اۋىل شارۋاشىلىعى, قورشاعان ورتانى قورعاۋ سالاسىندا ءبىرتالاي زەرت­تەۋ­لەرمەن اينالىسىپ جاتقان ورتا­لىقتاعى تاعى ءبىر جاڭالىق – ادام­نىڭ گەنەتيكالىق پاسپورتىن زەرت­تەپ شىعارۋ. ورتالىقتىڭ باس ديرەك­تورى ەرلان رامانقۇلوۆتىڭ ايتۋىن­شا, گەنەتيكالىق پاسپورت­تى ءتۇزۋدىڭ ماڭىزدىلىعى سول, جەكە­لەگەن ادامنىڭ قاي اۋرۋلارعا بەيىم ەكەنىن, قانداي دارىلەر جاقسى اسەر ەتەتىنىن انىقتاپ, جالپى جاعدايى تۋرالى تولىققاندى مالىمەت الۋ­عا بولادى. ەگەر اركىمنىڭ جەكە گەنە­تيكالىق پاسپورتى تۇزىل­گەن بول­سا, تۇقىم قۋالايتىن كەي­بىر اۋرۋ­لاردىڭ الدىن الىپ, اسقىن­دىر­ماۋعا دا بولادى ەكەن.

ادامنىڭ گەنەتيكالىق پاسپورتىن انىقتاۋ ءۇشىن سىلەكەيدەن نەمەسە قاننان ساراپتاما الۋ جەتكىلىكتى. ءارى گەنەتيكالىق زەرتتەۋ ادامنىڭ ومى­ر­ىندە ءبىر-اق رەت جاسالادى. بۇل ساراپتامانىڭ قورىتىندىسى ناتي­جەسىندە قارتايۋ پروتسەسىن, تەرىنىڭ جاعدايىن, الداعى گورموندىق وزگە­رىستەردى, ادامنىڭ بويىنداعى دارۋ­مەندەر مەن مينەرالداردىڭ دەڭگەيىن دە بىلۋگە بولادى.

قىمبات توقتامۇرات, «ەگەمەن قازاقستان»