قازاقستان مەن حورۆاتيا اراسىنداعى ىنتىماقتاستىق نىعايا بەرەدى

ەكى ەلدىڭ سىرتقى ىستەر مي­نيس­ترلەرىنىڭ ورىنباسارلارى – رو­مان ۆاسيلەنكو جانە ۆيتسە سكرا­چيچتىڭ قاتىسۋىمەن بولعان بۇل كەزدەسۋدە مەملەكەتتەردىڭ ءوزا­را ارەكەتتەستىگىن ەكىجاقتى ىنتى­ماقتاستىقتىڭ بارلىق باعىت­تارىندا جانە حالىقارالىق ارەنادا كەڭەيتۋ ماسەلەلەر بولدى.

باسقوسۋدا شارتتىق-قۇقىقتىق نەگىزدى كەڭەيتۋ جانە اۋە قاتى­نا­سى, اۋىل شارۋاشىلىعى, ەنەر­گە­تيكا, تۋريزم, ءبىلىم جانە مادە­نيەت سالالارىندا ەكىجاقتى كەلى­سىمدەرگە قول قويۋ تۋرالى ۋاعدا­لىس­تىقتارعا قول جەتكىزىلدى. تاراپ­تار پارلامەنتارالىق, ۆەدو­مستۆوارالىق جانە ايماقارالىق قارىم-قاتىناستاردى, ىسكەرلىك جانە مادەني-گۋمانيتارلىق بايلانىستاردى دامىتۋعا بەلسەندى تۇردە جاردەمدەسۋگە كەلىستى. وسى تۇرعىدا الداعى ۋاقىتتا استانادا حورۆاتيانىڭ ەلشىلىگىن اشۋ ماڭىزدى قادام بولماق.

ر.ۆاسيلەنكو 2017-2018 جىل­دار­داعى قازاقستاننىڭ بۇۇ قاۋىپ­سىزدىك كەڭەسىندەگى قىزمەتى, حا­لىقارالىق قاۋىپسىزدىكتى نىعاي­تۋ­داعى استانانىڭ ۇلەسى, سيريا­لىق داعدارىستى رەتتەۋ جونىندەگى استانا پروتسەسىنىڭ ءرولى جانە قازاقستاننىڭ تاعى باسقا سىرتقى ساياسي قىزمەتى تۋرالى باياندادى.

بۇۇ, ەقىۇ جانە باسقا حا­لىق­­­ارالىق ۇيىمدار اياسىنداعى ءوزارا ءىس-قيمىل مۇمكىندىكتەرى دە تال­قىلاندى. نەگىزىنەن حور­­ۆا­­­­تيا جاعى قازاقستاننىڭ يادرو­­­­لىق قارۋسىزداندىرۋ مەن تارات­­­­پاۋ, حالىقارالىق جانە اي­ماق­­­­تىق قاۋىپسىزدىك پەن تۇراقتى­لىق­تى نىعايتۋ, سونداي-اق ما­دە­نيەتارالىق جانە كونفەس­سيا­ارالىق ديالوگتى دامىتۋعا قوسقان ۇلەسىن جوعارى باعالايدى.

شارا قورىتىندىسى بويىنشا قوس ەلدىڭ مينيسترلەرىنىڭ ورىن­باسارلارى 2018-2020 جىل­دارعا ارنالعان قازاقستان جانە حورۆاتيا سىرتقى ىستەر مينيس­تر­لىكتەرىنىڭ اراسىنداعى ىنتى­ماقتاستىق جوسپارىنا قول قويدى. سون­داي-اق قوسارلانعان سالىق سالۋ­دى بولدىرماۋ تۋرالى كەلى­سىم­نىڭ قول قويىلعان ماتىنىمەن ال­ماس­تى, ءبىلىم جانە مادەنيەت, تۋريزم, ەنەرگەتيكا, اۋىل شارۋا­شى­لىعى, اۋە قاتىناسى سالاسىنداعى ىنتىماقتاستىق تۋرالى قۇجاتتار جوبالارىن كەلىسۋ بويىنشا ۋاع­دالاستىقتارعا قول جەتكىزىلدى.

ساپار اياسىندا قازاقستاندىق ديپلومات حورۆاتيانىڭ سىرتقى جانە ەۋروپالىق ىستەر جونىندەگى مي­نيسترلىگىنىڭ ساياسي ماسەلەلەر بويىنشا مەملەكەتتىك حاتشىسى زدراۆكا بۋشيچ, حورۆاتيا پرە­زي­دەنتىنىڭ كەڭەسشىسى ماتە گرانيچ, حورۆات مۇسىلماندار وداعىنىڭ باس ءمۇفتيى ازيز حاسانوۆيچپەن كەزدەستى.

سونىمەن قاتار داگا حام­مار­­شەلد اتىنداعى ديپلوما­تيا جانە حالىقارالىق قاتى­ناس­تار جوعارى مەكتەبىنىڭ پروفەس­سور­لىق-وقىتۋشىلار قۇرامى جانە ستۋ­دەنتتەر الدىندا ءسوز سوي­لە­گەن ر.ۆاسيلەنكو پرەزي­دەنت ن.ءا.نازارباەۆتىڭ حالىق­ارا­لىق قاۋىپسىزدىكتى نىعايتۋ باعى­تىن­داعى زور ۇلەسىن اتاپ ءوتتى.

«ەگەمەن-اقپارات»