الاشوردا تۋرالى عىلىمي-تاجىريبەلىك كونفەرەنتسيا وتەدى

كونفەرەنتسيانىڭ باستى ماقساتى: الاش اۆتونومياسىنىڭ, الاشوردا ۇكىمەتىنىڭ, «الاش» پارتياسىنىڭ يدەيالارىن جانە ەلدى تاۋەلسىزدىك مۇراتىنا ۇيىستىرعان الاش ارىستارىنىڭ مۇرالارىن ناسيحاتتاۋ. ازاتتىقتى اڭساعان, سول جولدا قىزمەت اتقارعان كۇرەسكەر بابالارىمىزدىڭ ۇلى مۇراتى قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆتىڭ تۇسىندا جۇزەگە اسقانىن, ەلباسى العا تارتقان «رۋحاني جاڭعىرۋ» يدەياسى جانە الاشتىڭ نەگىزگى ۇستانىمدارىنىڭ تىعىز ساباقتاسىپ ءارى جالعاسىپ جاتقانىن, مەملەكەتتىڭ تاريحىن كوپشىلىككە دارىپتەۋ, پاتريوتتىق قوعامدى قالىپتاستىرۋ.

كونفەرەنتسيا جۇمىسىنىڭ نەگىزگى باعىتتارى:

1917 جىلعى جالپى قوعامدىق-ساياسي جاعداي; الاشوردا كوسەمدەرىنىڭ قىزمەتى; الاش رەنەسسانسى جانە ۇلتتىق رۋحاني جاڭعىرۋ.

كونفەرەنتسياعابەلگىلى الاشتانۋشىلار, عالىمدار, قالامگەرلەر, دەپۋتاتتار, مەملەكەتتىك مەكەمەلەردىڭ, ساياسي پارتيالاردىڭ, مۋزەي-كىتاپحانالاردىڭ, ۇكىمەتتىك ەمەس ۇيىمدار مەن جاستار قوعامدىق بىرلەستىكتەرىنىڭ, وقۋ ورىندارى مەن مەكتەپتەردىڭ جانە بۇقارالىق اقپارات قۇرالدارىنىڭ جەتەكشىلەرى مەن وكىلدەرى, جاس عالىمدار مەن ماماندار, وقىتۋشىلار مەن ستۋدەنتتەر شاقىرىلادى.

كونفەرەنتسيا جۇمىسىنا قاتىسۋعا نيەتتىلەر ۇيىمداستىرۋشىلارمەن بايلانىسقا شىعا الادى. كونفەرەنتسياعا قاتىستى ماتەريالدار, باياندامالار (ماقالا) تاقىرىبى مەن ماتىندەرى 23 قازانعا دەيىن e.ensebaev@astana.kz ەلەكتروندىق پوشتاسىنا جولدانۋ كەرەك.  

باياندامانى (ماقالا) راسىمدەۋگە قويىلاتىن تالاپتار:

بايانداما ءماتىنى 8 بەتتەن كوپ ەمەس, ا4 فورماتىمەن, Times New Roman شريفتىمەن, 14 كەگل كولەمىندە, 1 ينتەرۆال ارالىعىندا, بارلىق جاعىنان       20 مم قاشىقتىقپەن جازىلۋى ءتيىس. ماقالانىڭ اتى ورتادا باس ارىپپەن جازىلادى. ونىڭ استىندا ەكى ارالىقتان سوڭ باس ارىپپەن اۆتور(لار)دىڭ اتى-ءجونى جانە تەگى, جىبەرۋشى ۇيىمنىڭ (جوو) اتاۋى, وبلىس (قالا) اتى وڭ جاققا كۋرسيۆپەن بەرىلەدى. كەلەسى جولعا ماقالا ءماتىنى جازىلادى. پايدالانىلعان ادەبيەتتەر ءتىزىمى ماقالانىڭ سوڭىندا بەرىلەدى. سىزبالار, سۋرەتتەر جانە بەينەلەر جەكە فايل تۇرىندە ۇسىنىلادى. ماتىندەگى قوسىمشالار مەن سىلتەمەلەر ماتىندە بەرىلگەن ءتارتىبى بويىنشا تىك جاقشالارعا نومىرلەنەدى. دەرەككوزدەردەگى دايەكسىز ءتارتىبى جانە بەت ءنومىرى بويىنشا جاقشالاردا بەرىلەدى (مىسالى, [3س, 15-16]). تاقىرىپقا سايكەس كەلمەيتىن, سونداي-اق, تالاپقا ساي ەمەس باياندامالار قابىلدانبايدى. كونفەرەنتسيا جۇمىسىنا قاتىسۋشىلاردىڭ جول قاراجاتى جىبەرۋشى ۇيىمنىڭ ەسەبىنەن تولەنەدى. ماقالانى جيناققا جاريالاۋ تەگىن.

ماتەريالدار قازاق, ورىس, اعىلشىن, تۇرىك تىلدەرىندە قابىلدانادى. قاتىسۋ ءۇشىن باياندامالاردى 2017 جىلدىڭ 23 قازانىنا دەيىن مىنا مەكەنجايعا جىبەرۋگە بولادى: 010000 استانا قالاسى, بەيبىتشىلىك كوشەسى, 11 (625 ا كابينەتى), استانا قالاسىنىڭ اكىمدىگى, تىلدەردى دامىتۋ باسقارماسى.