«WorldSkills Competition» الەمدىك چەمپيوناتى وتەدى

بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ءبىلىم جانە عىلىم مينيسترلىگى كاسىپتىك جانە تەحنيكالىق ءبىلىم دەپارتامەنتى ديرەكتورىنىڭ ورىنباسارى عاليا داۋلەتوۆا مالىمدەدى.

سپيكەردىڭ سوزىنشە «World­Skills Kazakhstan» جوباسى – جۇ­مىس­شى ماماندىقتارىنىڭ مار­تە­بەسىن ارتتىرۋ مەن دارىپتەۋدى كوزدەيدى. 

«جوبانىڭ مامان تاپشى­لىعىن ازايتىپ, باسەكەگە قابى­لەت­تى, يننوۆاتسيالىق دامۋ جولىن­داعى ەلىمىز ءۇشىن اسا قاجەتتى كادر دايىنداۋدا قوساتىن ۇلەسى زور. اعىمداعى جىلدىڭ مامىر ايىندا استانا قالاسىندا «Worldskills Kazak­hstan» ۇلتتىق چەمپيوناتى وت­كى­زىلدى. اتالعان شاراعا ەلى­مىز­­دىڭ بارلىق وڭىرىنەن 200-دەن استام ستۋدەنت جاستار, جاس مامان­دار قاتىستى», دەدى عاليا داۋلە­توۆا.

سونىمەن قاتار سپيكەر­لەر ەكى جىلدا ءبىر مارتە ۇيىم­­داس­تىرىلاتىن «WorldSkills Com­­petition» الەم چەمپيوناتىنا ءبىز­دىڭ ەلىمىز 2014 جىلدان باستاپ قاتى­سىپ كەلە جاتقانىن اتاپ ءوتتى. 

«WorldSkills Competition» 44-الەم چەمپيوناتى قۇرىلىس, ءوندىرىس جانە ماشينا جاساۋ تەحنولوگيالارى, روبوتتى تەحنيكا, كولىك پەن لوگيستيكا سەكىلدى باعىتتاردى قامتيدى. بۇل جارىس جاستاردىڭ وزدەرىنىڭ شەبەرلىگىن, كاسىبي دەڭگەيىن دالەلدەۋىنە كو­مەك­تەسەدى. سونىمەن قاتار ولارعا بىلىكتىلىگىن, ءبىلىمىن جەتىل­دىرۋ ءۇشىن جانە بولاشاقتا قىز­مەت تاڭداۋدا كاسىبي ماماندار­دان اقىل-كەڭەس الۋعا ۇلكەن مۇم­كىن­دىك بەرىلەدى. ەلىمىزدەگى «World­Skills» چەمپيوناتىن «كاسىپقور» حولدينگى ۇيىمداستىرىپ كەلە جاتىر. ولار ايماقتىق, ۇلتتىق دەڭگەيدە وتۋىنە ءوز ۇلەستەرىن قوسۋدا», دەدى عاليا داۋلەتوۆا.

راۋان قايدار, «ەگەمەن قازاقستان»