ەلوردادا قارت ادامدارعا ارنالعان تاعى دا ءبىر شاعىن ورتالىق پايدا بولدى. اتاپ ايتقاندا ەسىل اۋدانىندا قاريالاردىڭ بوس ۋاقىتىن وتكىزۋگە ارنالعان «دانا» اتتى شاعىن ورتالىق اشىلدى,-دەپ حابارلايدى ەلوردا اكىمدىگىنىڭ رەسمي سايتى.
قابانباي باتىر 40, مەكەنجايى بويىنشا ورنالاسقان «ينفينيتي-1» تۇرعىن ءۇي كەشەنىندە اشىلعان ەكى بولمەلى شاعىن ورتالىق, قاجەتتى جيھازبەن قامتاماسىز ەتىلگەن. مۇندا زەينەتكەرلەردى ءتۇرلى مامان يەلەرى جەكە سۇراقتارى بويىنشا قابىلداپ, الۋان تاقىرىپتار تالقىلاناتىن دوڭگەلەك ۇستەلدەر مەن سەمينارلار وتكىزىلەتىن بولادى. ورتالىقتا قاريالار بوس ۋاقىتىن وتكىزىپ, ۇستەل ويىندارىن ويناپ, مەرزىمدى ءباسپاسوز قۇرالدارىنداعى جاڭالىقتارمەن تانىسا الادى.
ەسىل اۋدانى ارداگەرلەر كەڭەسىنىڭ ءتورايىمى رىستى اتىعاەۆانىڭ ايتۋىنا قاراعاندا, اتالمىش شاعىن ورتالىق حالىقارالىق قارتتار كۇنىنە وراي اشىلىپ وتىر. ال, قازان ايىنىڭ سوڭىنا دەيىن ەسىل اۋدانىندا قاريالارعا ارنالعان تاعى دا ءتورت شاعىن ورتالىق اشىلماق.
«دانا» شاعىن ورتالىعىن اشۋعا «ەسىل گرۋپپ سەرۆيس» جشس قولداۋ كورسەتتى. بۇل ءبىزدىڭ اۋدانداعى وسىنداي ءتورتىنشى عيمارات. بۇدان بۇرىن «ەسىل» اۋدانى اكىمىنىڭ اپپاراتى ارداگەرلەر كەڭەسىمەن بىرلەسە وتىرىپ, «نۇرسايا-1», «ۋيۋت», «نوماد» تۇرعىن ءۇي كەشەندەرىندە قاريالارعا ارنالعان شاعىن ورتالىقتاردى اشقان بولاتىن. وسى ايدىڭ سوڭىنا دەيىن قارتتار ءۇشىن تاعى دا ءتورت ورتالىقتى اشامىز دەپ جوسپارلاپ وتىرمىز. وسىلايشا ءبىزدىڭ اۋداندا قاريالارعا ارنالعان 8 شاعىن ورتالىق جۇمىس ىستەيتىن بولادى», — دەدى رىستى اتىعاەۆا.
عيماراتتىڭ اشىلۋ شاراسىنا قاتىسقان قالالىق ارداگەرلەر كەڭەسىنىڭ توراعاسى سانسىزباي ەسىلوۆ ورتالىقتىڭ قىزمەتكەرلەرىنە ساتتىلىك تىلەپ, «ارداگەرلەر ۇيىمىنىڭ» اتىنان كىشىگىرىم سىيلىقتارىن تابىس ەتكەن بولاتىن.
شاعىن ورتالىقتىڭ ەسىگى ءار ازامات ءۇشىن اشىق. مۇندا, سونداي-اق, «ينفينيتي» تۇرعىن ءۇي كەشەنىنىڭ مەرەيتوي يەلەرىن قۇتتىقتاۋ, وتان سوعىسىنا قاتىسقان ارداگەرلەردى, تىل ەڭبەككەرلەرىن ماراپاتتاۋ سەبەبىمەن دە ازاماتتار جينالاتىن بولادى. ورتالىقتا قىزمەت ەتەتىن «ەسىل» اۋدانىنىڭ ارداگەرلەر كەڭەسىنىڭ مۇشەلەرى كوپبالالى انالارعا, الەۋمەتتىك جاعدايى ناشار وتباسىلارعا, مەكتەپ وقۋشىلارىنا قول ۇشىن سوزۋعا قاشاندا دايىن ەكەندەرىن ايتتى.