ونەردە دە, ومىردە دە بىرگەمىز - «استانا» توبى

العاشقى ءان جيناقتارىن شىعارعان سوڭ ونەرپاز ورەندەر «ەگەمەننىڭ» رەداكتسياسىنا وزدەرى كەلدى. – ءبىزدى تىڭدارماندارعا كوبىرەك تانىتقان ءان – «باقىتتى كۇندەرىم» ەدى. العاشقى جيناعىمىزدى دا سولاي اتاۋدى ءجون كوردىك. ال استاناعا كەلگەنىمىزگە بەس جىل. ەلىمىزدە نەشە ءتۇرلى اتاۋمەن اتالعان توپتار كوپ. ءبىز ءوزىمىزدى «استانا» توبى دەپ اتاۋدى ءجون كوردىك. بۇل ەلورداعا دەگەن قۇرمەتىمىز, دەيدى نارتاي. ول جارى ەكەۋىن ونەر تابىستىرعانىن ايتتى. قۇرالايدىڭ تەك ءانشى عانا ەمەس, سازگەر ەكەنىن, ونىڭ «گۇلدەر», «استانا» اتتى اندەرىن بەلگىلى ءانشى گاۋھار قاسپاقوۆانىڭ ورىندايتىنىن, سونداي-اق تارازدا جۇرگەندە قۇرالايدىڭ وبلىستىق دەڭگەيدە ەكى رەت شىعارماشىلىق كەشى وتكەنىن باياندادى. ءوز كەزەگىندە قۇرالاي دا نارتايدىڭ انشىلىكتەن بولەك سازگەرلىك قىرىنان حاباردار ەتتى. نارتايدىڭ «انا» اتتى ءانىن ءادىل يسلامحان ورىنداسا, «جاڭبىردا» ءانىن «تارتۋ» توبى ورىندايدى. سونداي-اق نارتاي جامبىل وبلىستىق فيلارمونياسىندا ەڭبەك ەتىپ جۇرگەندە كوپشىلىككە تەرمەشىلىگىمەن تانىلعان ازامات ەكەن. بۇگىندە ەسترادالىق باعىتتا ءان شىرقاپ جۇرگەنىمەن, ەكەۋى دە قازاقتىڭ قارا دومبىراسىنىڭ قۇدىرەتىنە باس يەدى. ەكەۋى دە دومبىرا, گيتار, سازسىرناي, فورتەپيانو اسپاپتارىندا ويناي الادى. 

نارتاي التاي مەن قۇرالاي قىرىقباەۆ­ا­ن­ىڭ قورجىنىندا وسى كۇندە جيىرمادان اس­تام ءان بار. بۇل, ارينە جارىققا شىق­قان­دارى. ال وڭدەلمەگەندەرى ودان كوپ. ولار تەك زاماناۋي اندەردى عانا ەمەس, رەترو اندەر مەن ءداستۇرلى باعىتتاعى اندەردى ايتقاندى دا ۇناتادى. ارينە ازداپ ارلەيدى. بۇل تۇرعىدان العاندا ب.بايقاداموۆتىڭ «سۋ تاسۋ­شى قىز», ك.دۇيسەكەەۆتىڭ «ەركەلەدىڭ سەن», اقان سەرىنىڭ ء«لايلىم شىراق», «بال­قاديشا» اندەرىن رەپەرتۋارلارىنا ەن­گىزگەن. وزدەرى دە ءان جازاتىنىن جوعارىدا بايان­دادىق. سونداي-اق قۇرماش ماحان, باع­دات سامەدينوۆا, ولجاس وتار سىندى ونەر يەلەرىمەن دە شىعارماشىلىق بايلانىستا. 

بۇگىندە نارتاي ەلورداداعى وقۋشىلار سارايىنىڭ ستۋدياسىندا ءان ارلەۋشى قىز­مەتىن اتقارسا, قۇرالاي №2 ونەر مەك­تە­بىندە دومبىرادان ساباق بەرەدى. بيىلعى جوس­پارلارىندا ءان جيناعىن شىعارۋدان بو­لەك, شىعارماشىلىق كەشتەرىن وتكىزۋ دە بار ەكەن.