وسكەمەندەگى استانا كوشەسى

شىعىس قازاقستان وبلىسىندا استانا قالاسىنىڭ كۇندەرى وتۋدە نەسىن ايتاسىز, ەل تاۋەل­سىز­دىگىنىڭ تاريحي كۋاسى ىسپەتتەس ءباي­تەرەگى اسقاقتاپ, كوك بايرا­عىمىز اسپانعا سامعاعان استانا قالاسى التايعا كوشىپ كەلگەندەي اسەردە ءجۇر قازىر وسكەمەن تۇرعىندارى. بۇدان ءبىر اي بۇرىن شىعىس قا­زاق­ستان وبلىسىنىڭ ەلورداداعى ءما­دەني كۇندەرى ەل ەسىندە قالاتىنداي ءماندى دە ءساندى وتسە, ەندى قالا اكىمى ي.تاسماعامبەتوۆ باستاعان ءۇش جۇزدەي ونەر جانە مادەنيەت قايراتكەرلەرى, حالىق قالاۋلىلارى, ەڭبەك وزاتتارى ءور التايدىڭ تورىنە اياق باستى. جۇما كۇنى قوناق­تار­دى وب­لىس اكىمى ب.ساپارباەۆ اۋە­جاي­دان قارسى الدى. بۇدان كەيىن استا­نا­نىڭ بىلىكتى حيرۋرگتەرى وسكەمەندەگى اۋرۋحانالاردا اسا كۇردەلى وپەراتسيا جاساپ, ءوز ءتاجى­ري­بەلەرىن جەرگىلىكتى ءدارى­گەر­لەرگە ۇيرەتتى. ق.قۋا­نىش­باەۆ اتىنداعى دراما تەاترى سپەكتاكل قويىپ, ەلىمىزدىڭ باس قا­لاسىنىڭ ونەرپازدارى گالا-كونتسەرتتى قالا تۇرعىن­دارى­نىڭ نا­زا­رىنا ۇسىندى. بۇگىن شىعىس قازاقستان مەملەكەتتىك ۋني­ۆەرسيتەتىندە عالىمدار مەن اقىن­دار كەزدەسۋلەر وتكىزبەك. عى­لىمي-تەوريالىق كونفەرەنتسيا ءوز جۇمىسىن باستادى. بۇدان بىرنەشە كۇن بۇرىن وسكە­مەندەگى سولنەچنايا كوشەسىنىڭ تۇر­عىن­دارىنا ساۋالداما جۇرگىز­گەندە, ولاردىڭ 80 پايىزدان استامى كوشە اتىن وزگەرتۋ, وعان استانا اتى لايىق دەگەن لەبىز ءبىلدىردى. ەندى, مىنە, ەلوردالىقتار كوشەنىڭ سالتا­نات­تى اشىلۋىنا قاتىستى. دەلەگاتسيا قۇرامىنداعى بەلگىلى مادەنيەت قايراتكەرلەرى بۇل شارانى ەل ءتاۋ­ەلسىزدىگىنىڭ مەرەيتويىنا ارنالعان يگى قادام دەپ باعالاپ وتىر. وڭداسىن ەلۋباي, وسكەمەن.