«ازاماتتارعا ارنالعان ۇكىمەت» «قازپوشتا»اق-پەن بىرلەسىپ, قاناتقاقتى جوبانى ىسكە قوستى. سونىڭ ارقاسىندا حقكو جوق شالعاي ەلدى مەكەندەردىڭ تۇرعىندارى مەملەكەتتىك كورپوراتسيانىڭ قىزمەتتەرىن «قازپوشتا» اق اۋىلدىق بولىمشەلەرىندە الا الادى.
ازىرشە 66 مەملەكەتتىك قىزمەت كورسەتىلەدى, ونىڭ ىشىندە ەلەكتروندى انىقتامالاردى بەرۋ, بالانىڭ تۋىن تىركەۋ, بالانىڭ تۋى مەن كۇتىمىنە بايلانىستى جاردەماقى تاعايىنداۋ, جىلجىمايتىن م ۇلىك وبەكتىلەرىنە تەحنيكالىق پاسپورتتىڭ تەلنۇسقاسىن بەرۋ, زاپاستاعى وفيتسەرلەرگە اسكەري بيلەتتەر جانە ولاردىڭ تەلنۇسقالارىن (اسكەري بيلەتتىڭ ورنىنا ۋاقىتشا كۋالىكتەر) بەرۋ جانە تاعى دا باسقا قىزمەتتەر بار.
«ازاماتتار ارنالعان ۇكىمەت» مەملەكەتتىك كورپوراتسياسىنىڭ توراعاسى ابىلايحان وسپانوۆتىڭ ايتۋىنشا, مەملەكەتتىك كورپوراتسيادا شالعايداعى اۋىلدىق وكرۋگ تۇرعىندارىنىڭ مەملەكەتتىك قىزمەتتەردى ەركىن الۋىنا ەرەكشە نازار اۋدارىلىپ كەلەدى. وسىلايشا, 2012 جىلدان باستاپ بۇكىل قازاقستان بويىنشا 70 ءموبيلدى حقكو جۇمىس ىستەيدى, ولار اكىمدىكتەردىڭ وتىنىمدەرى بويىنشا ەلدى مەكەندەرگە شىعىپ, قىزمەت كورسەتەدى. جىل باسىنان بەرى ولار 7455 رەت اۋىل تۇرعىندارىنا بارىپ, 335 736 قىزمەت كورسەتكەن.
ء«بىز اۋىل تۇرعىندارىن تەك پوشتا قىزمەتىمەن ەمەس, سونىمەن قاتار ءارتۇرلى بانك قىزمەتتەرىمەن, ارينە, ونىڭ ىشىندە حقكو قىزمەتىمەن دە قامتاماسىز ەتەتىن بولامىز. ويتكەنى اۋىلدا كوبىنە پوشتا بايلانىسى بولىمشەلەرى عانا جۇمىس ىستەيدى. مەملەكەتتىك كورسەتىلەتىن قىزمەتتەردى پوشتا ارقىلى الۋ ءۇشىن, اۋىل تۇرعىندارى قۇجاتتار پاكەتىن ۇسىنۋلارى, قىزمەت كورسەتۋگە جازباشا تۇردە ءوتىنىش بەرۋلەرى جانە قاجەت بولعان جاعدايدا, مەملەكەتتىك باج سالىعىن تولەۋلەرى ءتيىس. قازپوشتا وپەراتورى وتىنىشتەردى قابىلداپ, قۇجاتتار پاكەتىن قالىپتاستىرادى جانە ونى جاقىن جەردەگى حالىققا قىزمەت كورسەتۋ ورتالىعىنا جونەلتەدى. وندا حقكو ينسپەكتورى قىزمەتتى رەسىمدەپ, كۋرەر ارقىلى دايىن قۇجاتتاردى جىبەرەدى», – دەيدى «قازپوشتا» باسشىسى ساكەن سارسەنوۆ.
«ەگەمەن-اقپارات»