وقىرمان جاقسىلىعىن جەتكىزەدى
جاڭا مەكتەپتىڭ ءجونى بولەك
الماتى وبلىسىندا بىلتىر 900 ورىندىق مەكتەپ پايدالانۋعا بەرىلگەن بولاتىن. جاڭا نىسان كەربۇلاق اۋدانىنداعى سارىوزەك اۋىلىندا بوي كوتەرگەن. وقۋشىلارعا ارنالعان ءبىلىم ورداسى «نۇرلى جول» باعدارلاماسى بويىنشا سالىنىپ وتىر. عيمارات قۇرىلىسى مەن جابدىقتارىنا ۇلتتىق قوردان جانە جەرگىلىكتى بيۋدجەتتەن 1,5 ملرد تەڭگەگە جۋىق قاراجات ءبولىندى. 12 مىڭنان استام تۇرعىنى بار ەلدى مەكەندە وسى ۋاقىتقا دەيىن 3 مەكتەپ جۇمىس ىستەدى. جاڭادان اشىلعان ءبىلىم شاڭىراعىنا كەزىندە 30 سىنىپ جيناقتالىپ, 750 وقۋشى قابىلداندى. ال ولاردى 60 مۇعالىم ءبىلىم نارىمەن سۋسىنداتقان بولاتىن.
مەكتەپ عيماراتىنىڭ سىرتىندا 2752 شارشى مەتردى قۇرايتىن جاڭا ۇلگىدەگى جاساندى كوگال توسەلگەن فۋتبول جانە ۆولەيبول مەن باسكەتبول ويىندارىنا ارنالعان الاڭدار سالىندى. بۇل جاقسى ءىستىڭ شاراپاتىن اۋىل تۇرعىندارى بيىل دا كورمەك.
سامال قابىشەۆا
الماتى وبلىسى
...جاڭالىعىن بولىسەدى
جاڭبىرلاتقىش جۇيە قاشىقتان باسقارىلادى
ءبىزدىڭ «اكتەپ» جشس ۇجىمىنا «بيزنەستىڭ جول كارتاسى-2020» باعدارلاماسىنىڭ قارجىلاي قولداۋى شاپاعاتىن تيگىزگەنىن ريزاشىلىق سەزىممەن ايتقىم كەلەدى. سونىڭ ارقاسىندا راديۋسى اۋقىمدى 7 جاڭبىرلاتقىش ماشينا ساتىپ الدىق. ونىڭ سۋارۋ اياسى 440,5 گەكتار اۋماقتى قامتيدى. بىرەگەي قۇرىلعى تىڭايتقىش قوسۋ كەشەنىمەن جاراقتانعان. ونىڭ قاشىقتان باسقارۋ جۇيەسى ونلاين تارتىبىمەن جۇمىس ىستەۋگە وتە ىڭعايلى. ء تيىمدى تەحنولوگيانىڭ كومەگىمەن كەلەر جىلى 5 مىڭ توننا كارتوپ جيناۋدى جوسپارلاپ وتىرمىز. بۇل وبلىس تۇرعىندارىنىڭ كوكونىستىڭ وسى تۇرىنە دەگەن قاجەتتىلىك مولشەرىنىڭ التىدان ءبىرى. ءسويتىپ, ءبىز وسىناۋ تەڭدەسى جوق جاڭبىرلاتقىش جۇيەنى ىسكە قوسۋ ارقىلى جەرگىلىكتى ءونىمدى كوبەيتۋگە مۇمكىندىك الىپ وتىرمىز.
بورانبەك اقتايلاقوۆ,
جوبا جەتەكشىسى
اقتوبە وبلىسى,
قارعالى اۋدانى
...وي قوزعايدى
ۇستازدى ارداقتاي بىلەيىك
«ۇلت بولاشاعى – ۇرپاق دەسەك, ۇرپاقتىڭ بولاشاعى ۇستازداردىڭ قولىندا» ەكەنى قاي كەزدە دە بەلگىلى. ءباسپاسوز ۇستازدىڭ قوعامدىق ءومىرى تۋرالى جازادى, كەيبىرىنىڭ ساباق بەرۋ ءادىسى مەن تاجىريبەسىن ناسيحاتتايدى. ال بۇگىنگى ۇستاز تەگىن قوعامدىق جۇمىس كۇشىنە اينالدى. سەنبىلىكتەر دە, ءتۇرلى الەۋمەتتىك-كوپشىلىك جۇمىستار دا سولاردىڭ كۇشىمەن اتقارىلادى. دەگەنمەن, قازىرگى زاماندا ۇستاز دەگەنىمىز كىم جانە دارەجەسى قانداي دەگەن سۇراققا ناقتى جاۋاپ بەرەتىن ۋاقىتى كەلدى.
بۇرىن ۇستاز – بەدەلى بيىك جانە ومىرلىك تاجىريبەسى باي, جوعارى ساۋاتتى مامان ەدى. ۇستازدى قادىرلەۋ جانە جوعارى باعالاۋ – بولاشاق ۇرپاقتى تاربيەلەۋدە ماڭىزدى ەكەنىن اتا-انالارىمىز تۇسىنگەن بولاتىن. وسىنداي تاربيە العان ءبىز ۇستازداردى قادىرلەپ, دارەجەسىن ودان ءارى كوتەرە ءتۇسۋىمىز قاجەت ەدى. كەرىسىنشە, ءبىز ۇستازداردى ءتيىستى دارەجەدە قادىرلەي المايتىن بولدىق. بۇعان نە سەبەپ؟ تاربيە ماسەلەسىندە ولقىلىق جىبەرىپ الدىق پا, الدە ارداقتى اتقا كىر كەلتىرەتىن ۇستازدار كوبەيدى مە؟ جوق, بولماسا ۇستازدى مەنسىنبەيتىن شاكىرتتەر, ۇستازدىڭ كىم ەكەنىن تانىعىسى كەلمەيتىن اتا-انا كوبەيدى مە؟ شىنتۋايتىنا كەلگەندە, مۇنىڭ بارلىعى ءبىزدىڭ ۇستازدارىمىزدىڭ جان-دۇنيەسىن ءتۇسىنىپ, ءتيىستى دارەجەدە تانۋ مۇمكىندىگىن جىبەرىپ الۋىمىزدا. قازىر مەكتەپكە نە جوعارى وقۋ ورىندارىنا بارىپ ساباققا قاتىسىپ كورسەڭىز, ۇستازدىڭ جوعارى ءبىلىمدى جانە كاسىبي مامان ەكەنىن كورۋگە مۇمكىندىگىمىز بار. ۇستاز تۋرالى اقپارات جەتىسپەۋشىلىكتەن ولاردى ءتيىستى دارەجەدە سىيلاي ءبىلۋ جەتىسپەيتىنى بەلگىلى. سوندىقتان قوعامدا ۇستاز مارتەبەسىن وزگەشە تانىتۋدىڭ ۋاقىتى كەلدى. ولقىلىقتاردىڭ ورنىن تولتىرىپ, مۇعالىم بەدەلىن كوتەرۋدىڭ ناقتى جولدارىن كوپ بولىپ ويلاستىرساق دەيمىز.
تەمىرحان ابدىكوۆ,
ج.بايعۇتتيەۆ اتىنداعى ونەر مەكتەبىنىڭ مۇعالىمى
وڭتۇستىك قازاقستان وبلىسى,
ارىس قالاسى
...وكىنىش بىلدىرەدى
اكەمە دۇرىس كوڭiل بولە المادىم...
اكەلەر دە ءوز ءسابيiن اناسىنان ارتىق سۇيمەسە, كەم سۇيمەيدi. اكەمنiڭ دەنساۋلىعى ناشار بولعاندىقتان, انام ءاردايىم اكەمنەن كوپ ەڭبەك ەتەتiن. ەسەيە كەلە انامنىڭ جۇمىستان شارشاپ كەلگەنiن كورگەندە اشۋلانىپ, اكەمە اۋىر سوزدەر ايتاتىندى شىعاردىم. «نەگە انامدى جۇمىس iستەتiپ قويىپ, ءوزiڭiز ۇنەمi ۇيدە جاتاسىز؟» دەپ اشۋلاناتىنمىن. مەن قانشا كوڭiلiنە كەلەتiن ءسوز ايتسام دا, اكەم ماعان ەش داۋىس كوتەرگەن ەمەس. قازiر ويلاسام, ول كiسiگە دە وڭاي بولماعان ەكەن عوي...
جوعارى وقۋ ورنىنا تۇسكەننەن كەيiن مەن دە اناما قولعانات بولايىن دەپ, وتباسىلىق كاسiپكە ارالاسا باستادىم. كوپ ۇزاماي كاسiپتiڭ قىر-سىرىن ۇعىنىپ, iسiمiزدi العا دوڭگەلەتە باستادىم. سول كەزدە انامنىڭ ايتقانىن سابىرمەن تىڭداپ, ال اكەم اقىل ايتا باستاسا بiردەن اشۋعا بۋلىعىپ شىعاتىنمىن. جۇمىستان باسقا ومiرلiك, تاربيەلiك اقىل-كەڭەستەرiن تىڭدايتىنمىن. دەگەنمەن, اناما قاراعاندا اكەمە كوپ كوڭiل بولمەگەن ەكەنمiن. Iسiمiز ىلگەرىلەپ, جاعدايىمىز ەندi جاقسارىپ كەلە جاتقاندا اكەمنiڭ جۇرەگi ۇستاپ, تiلگە كەلمەي باقيلىق بولدى. سول ساتتە كەزiندە ايتقان اۋىر سوزدەرiم ءۇشiن, داۋىس كوتەرگەنiم ءۇشiن اكەمنەن كەشiرiم سۇراپ ۇلگەرمەي قالعانىما قاتتى وكiندiم...
اشۋ مەن ىزاعا, اسىعىستىق پەن اقىماقتىققا بوي الدىرىپ اكەمدi كوپ رەنجiتكەن ەكەنمiن. بار ماحابباتىم مەن قامقورلىعىمدى اناما سىيلاپ, اكەمە دۇرىس كوڭiل بولمەگەنiمە وكiنەمiن. تiرiسiندە قۋانىشقا بولەي الماعان اكەمە قازiر قۇران باعىشتاپ, ارۋاعىنا دۇعا قىلۋدان باسقا ەشبiر شارام جوق...
باۋىرجان ماقسات ۇلى
قاراعاندى
...اسەرىن ايتادى
ءومىرىڭ – ماقپال وڭىندەي
توكپە جىردىڭ ءدۇلد ۇلى ۇزاقباي قازجان ۇلىنىڭ تۋعانىنا 120 جىل تولۋىنا وراي سايىن شاپاعاتوۆ ەلدى مەكەنىندە ء«ومىرىڭ – ماقپال وڭىندەي» اتتى ەسكە الۋ جىر كەشى ءوتتى. تانىمدىق شارادا اۋىل əكىمدىگىنىڭ باس مامانى راي امانعالي ۇلى مەن مەكتەبىمىزدىڭ ديرەكتورى عاليا ىزدىبايقىزى مەكتەبىمىزگە ات باسىن ارنايى بۇرعان اماندىق كومەك ۇلىنا العىسىن ايتتى. مəدەنيەت قايراتكەرى, جىراۋ, پروفەسسور اماندىق كومەك ۇلى داڭعايىر جىراۋ جايىندا اعىلا سويلەپ, توگىلتە جىرلادى. مەكتەبىمىزدىڭ ماقتانىشى, حالىقارالىق, رەسپۋبليكالىق سايىستاردىڭ جۇلدەگەرى, جاس تالانت يەسى مەرۋەرت راحمەتوۆا ۇزاقباي اقىنعا ارناۋىن وقىپ, جىراۋدىڭ «ەل – قونىستان اۋعاندا» تەرمەسىن تارتىپ, اماندىق كومەك ۇلىنىڭ باتاسىن الدى. سونداي-اق, «قازاقستان-اقتاۋ» تەلەارناسىنىڭ ء«سوز بەن ساز» باعدارلاماسىنىڭ جۇرگىزۋشىسى بەردىحان Əلمەن ۇزاقباي اقىن-جىراۋدىڭ ءوز قولجازبالارىمەن تانىستىرىپ, تىڭ اقپاراتتاردان قۇلاعدار ەتتى.
گۇلميرا قالمەنوۆا,
№1 مەكتەپ-ليتسەيى قازاق ءتىلى مەن ادەبيەتى ءپانىنىڭ مۇعالىمى
ماڭعىستاۋ وبلىسى,
تۇپقاراعان اۋدانى