نازارباەۆتىڭ قاتىسۋىمەن تسيفرلاندىرۋ ماسەلەلەرى جونىندەگى كەڭەس جۇمىسى باستالدى

مەملەكەت باسشىسىنا «تسيفرلىق قازاقستان» مەملەكەتتىك باعدارلاماسىنىڭ جوباسى تانىستىرىلىپ, مەملەكەتتىك ورگانداردىڭ, وتاندىق كومپانيالار مەن ۇيىمداردىڭ 30-دان استام ات-جوبالارى ۇسىنىلدى. مەملەكەت باسشىسى تسيفرلىق يندۋستريانى دامىتۋ اكرقىلى وزگە سالالارعا سەرپىن بەرەتىندىگىن جەتكىزدى.

«باسەكەلەستىكتە باسىم تۇسپەسەك ارتتا الىپ, الدا كەلە جاتقان مەملەكەتتەردىڭ شاڭىن جۇتاتىن بولامىز. كۇرت ءوسىم, تابىس, ونىمدىلىك پەن كاپيتالداندىرۋ - مىنە ءىس وسىندا جاتىر. تسيفرلىق ەكونوميكانىڭ بەرەرى دە وسى», - دەدى قازاقستان پرەزيدەنتى.

سونىمەن بىرگە, ەل پرەزيدەنتى قازاقستان ۇكىمەتىنىڭ جۋىردا جاڭا قۇرامى تاعايىندالعانىن, ولاردىڭ دەنى جاستار ەكەندىگىن ايتتى.

«ورتاشا جاستارى 40 پەن 45 جاس ارالىعىندا. ەڭ جاسى 36-دا. ەڭ ۇلكەنى 50 جاستا. ولاردىڭ بارلىعى باتىستىڭ بەلدى ۋنيۆەرسيتەتتەرىندە ءبىلىم العان. مىنە, بارلىقتارىڭىزدىڭ قولدارىڭىزعا كارتا بەرىلىپ وتىر. وقىعان ازاماتتار وتاندارى ءۇشىن قانداي ۇلكەن پروبلەمانى شەشەتىندىكتەرىن ءبىلۋى قاجەت», - دەدى مەملەكەت باسشىسى.

شارانى اقپارات جانە كوممۋنيكاتسيالار مينيسترلىگى مەن «زەردە» ۇلتتىق ينفوكوممۋنيكاتسيا حولدينگى» اق بىرلەسىپ وتكىزىپ جاتىر.

ايا ءومىرتاي,

«ەگەمەن قازاقستان»