قازاقستاندا بايقاۋ نەگىزىندە اۋىل شارۋاشىلىعى جەرلەرىن بەرۋ ءتارتىبى بەكىتىلدى, بۇل تۋرالى ورتالىق كوممۋنيكاتسيا قىزمەتىندە جەر كودەكسىنە ەنگىزىلگەن جاڭا وزگەرىستەرگە بايلانىستى وتكەن ءباسپاسوز كونفەرەنتسياسىندا بەلگىلى بولدى.
سونىمەن, جەر كودەكسىنىڭ كەلەسى نورمالارىنا وزگەرىستەر مەن تولىقتىرۋلار ەنگىزۋ قاراستىرىلعان:
1. قازاقستاندىقتارعا اۋىل شارۋاشىلىعى جەرلەرىن جالعا بەرۋ ينستيتۋتىن ساقتاۋ جانە جەتىلدىرۋ;
2. قازاقستاندىقتارعا جالعا بەرىلەتىن اۋىل شارۋاشىلىعى جەرلەرىنىڭ شەكتەۋ (ەڭ جوعارى) مولشەرىن بەلگىلەۋ;
3. شەكارا ماڭىنداعى ايماقتاردا اۋىل شارۋاشىلىعى جەرلەرىن بەرۋدىڭ تالاپتارىن قاتاڭداتۋ;
4. حالىقتىڭ قاجەتتىلىكتەرىن قاناعاتتاندىرۋ ءۇشىن, ەلدى-مەكەندەر ماڭىنداعى جايىلىمداردىڭ الاڭدارىن انىقتاۋ.
قازاقستاندىقتارعا اۋىل شارۋاشىلىعى جەرلەرىن جالعا بەرۋ ينستيتۋتىن ساقتاي وتىرىپ, زاڭ جوباسىمەن اۋىل شارۋاشىلىعى جەرلەرىن كونكۋرستىق نەگىزدە بەرۋدىڭ بولەك ءتارتىبىن بەلگىلەۋ قاراستىرىلادى.
«كونكۋرسقا جاريالىلىقتى جانە بارلىق پوتەنتسيالدى قاتىسۋشىلارعا بىردەي قاتىسۋدى قامتاماسىز ەتۋ ماقساتىندا جاڭا ءتارتىپ كونكۋرستى وتكىزۋ تۋرالى حابارلامانى باق, اكىمدىكتەردىڭ جانە اۋىل شارۋاشىلىعى مينيسترلىگىنىڭ رەسمي ينتەرنەت-رەسۋرستەرىندە جاريالاۋ قاراستىرىلادى», - دەلىنگەن قر اشم حابارلاماسىندا.
كونكۋرستىڭ جەڭىمپازىن انىقتايتىن كوميسسيا قۇرامىنا قوعامدىق كەڭەستەر مەن ۇيىمداردىڭ وكىلدەرى قاتىسادى, ولار كوميسسيا مۇشەلەرىنىڭ جالپى سانىنىڭ 50 % استامىن قۇرايدى.
كونكۋرسقا قاتىسۋدىڭ مىندەتتى شارتى بويىنشا قاتىسۋشىمەن كونكۋرستىق ۇسىنىمدى بەرۋ قاجەت. اتاپ ايتقاندا:
- اۋىل شارۋاشىلىعى ءوندىرىسىن جۇرگىزۋدىڭ بيزنەس-جوسپارى;
- شارۋاشىلىق ىشىلىك جەرگە ورنالاستىرۋ جوباسىن جاساۋ جانە يگەرۋ بويىنشا مىندەتتەمەلەر;
- جەرگىلىكتى تۇرعىندارعا جۇمىس ورىندارىن قۇرۋ بويىنشا مىندەتتەمەلەر;
- ءوڭىردىڭ ماماندانۋىنا سايكەس اۋىل شارۋاشىلىعى داقىلدارىنىڭ ەگۋ الاڭدارىنىڭ قۇرىلىمىن ءارتاراپتاندىرۋ بويىنشا ينديكاتيۆتىك كورسەتكىشتەردى ورىنداۋ بويىنشا مىندەتتەمەلەر.
ۆەدومستۆو مىنا تالاپتاردى ەسكە سالدى:
- ەركىن نىساندا اۋىل شارۋاشىلىق داقىلدارىن ەگۋ ءۇشىن ناقتى قولدا بار قاجەتتى اۋىل شارۋاشىلىق مەحانيكالىق قۇرىلعىلارىن كورسەتە وتىرىپ جەر ۋچاسكەسىن پايدالانۋ بويىنشا
بيزنەس-جوسپار نەمەسە وندىرىستىك باعدارلاما جانە (نەمەسە) ولاردى ساتىپ الۋعا (جالعا الۋ, قىزمەت كورەتۋدى ساتىپ الۋ جانە تاعى باسقالار) شارتتىڭ كوشىرمەسىن (نەمەسە نيەت ەتۋ حاتتاماسىن) ۇسىنۋ;
- ءبىلىم تۋرالى ديپلومنىڭ (ول بولعان جاعدايدا) كوشىرمەسى نەمەسە ەڭبەك قىزمەتۋ تۋرالى جانە اۋىل شارۋاشىلىعى سالاسىندا جۇمىس ءوتىلى كورسەتىلگەن ءومىربايان.
بەرىلەتىن جەرلەردىڭ ۇتىمدى پايدالانىلۋىن تەكسەرۋ ماقساتىندا, زاڭ جوباسىمەن تۇراقتى مونيتورينگ جۇرگىزۋ قاراستىرىلدى: جالعا الۋدىڭ العاشقى 5 جىلىندا – جىل سايىن,كەلەسى كەزەڭدەردە سۋارمالى ەگىستىكتە ءاربىر 3 جىلدا, ءتالىمدى جەردە – ءار 5 جىلدا.
بۇدان باسقا, اۋىل شارۋاشىلىعى جەرلەرىنىڭ ۇلكەن مولشەرىن ء«بىر قولعا» بەرۋگە جول بەرمەۋ ماقساتىندا, زاڭ جوباسىمەن قازاقستاندىقتارعا جالعا بەرىلەتىن اۋىل شارۋاشىلىعى جەرلەرىنىڭ ەڭ جوعارى مولشەرىن القاپتار بويىنشا رەسپۋبليكا, وبلىس جانە اكىمشىلىك اۋداندار (قالالار) شەگىندە بەلگىلەۋ قاراستىرىلادى.