استانادا اشىلعان جاڭا تەمىر جول ۆوكزالى 1 ماۋسىمنان بەرى ەكى ميلليونعا جۋىق جولاۋشىعا قىزمەت كورسەتتى
ۆوكزال الەۋەتى كۇنىنە 35 مىڭ ادامدى قابىلداۋعا جەتەدى. «نۇرلى جول» ۆوكزال كەشەنىنىڭ ديرەكتورى دىنمۇحامەد قۇسايىنوۆتىڭ ايتۋىنشا, جولاۋشىلاردىڭ استاناعا اعىلۋى ەكسپو-2017 حالىقارالىق كورمەسىنىڭ اشىلۋىنا بايلانىستى بولدى.
«نۇرلى جول» ۆوكزالى ارقىلى جۇرەتىن پوەزداردىڭ باعدارىن ۇلعايتۋ ماقساتىندا بيىلعى جىلى ساماركان – استانا-نۇرلى جول, دۋشانبە –استانا-نۇرلى جول مەن ءۇرىمجى – استانا-نۇرلى جول حالىقارالىق باعىتتارى اشىلدى.قازىرگى تاڭدا «نۇرلى جول» ۆوكزالى ارقىلى 54 پويىز جۇرەدى.