ازىق-ت ۇلىك مولشىلىعىن جاساۋدىڭ باسىم باعىتتارىن باسشىلىققا العان ەڭبەكشىقازاق اۋدانىندا شاعىن شارۋاشىلىقتاردى دامىتۋ قولعا الىنعان. كلاستەرلىك جۇيەمەن جۇمىسىن باستاعان كاسىپورىندار سوڭعى جىلدارى جۇزىمدىكتەردى قالپىنا كەلتىرە باستادى. اۋداندا 4000 گەكتار القاپقا ءجۇزىم وسىرىلسە, ونىڭ 1500 گەكتارى «گولدپرودۋكت» اكتسيونەرلىك قوعامىنىڭ ەنشىسىندە.
«گولدپرودۋكت» اكتسيونەرلىك قوعامى سالانى 1997 جىلدان بەرى دامىتۋدى قولعا العان. ول كەزدە القاپتار قاراۋسىز ەدى. جەكەلەگەن شارۋالاردا ءۇش-ءتورت گەكتاردان عانا جۇزىمدىك القاپتار بولدى. شاراپ پەن شىرىن وندىرەتىن كاسىپورىن زاۋىتى ءۇشىن از مولشەردە عانا ءونىم وتكىزگەن باعباندارمەن جۇمىس ىستەۋ ءتيىمسىز ەكەنى بەلگىلى. وسى كەزدە زاۋىتتى شيكىزاتپەن قامتاماسىز ەتۋدى ءوز قولدارىنا العان ۇجىم جەكەشەلەندىرۋ كەزىندە قاراۋسىز قالعان جۇزىمدىك القاپتاردى قالپىنا كەلتىرۋ جۇمىستارىنا بەل شەشە كىرىسىپتى.
قازىر اكتسيونەرلىك قوعامنىڭ بەلسەندى ەڭبەگى ارقاسىندا اۋدانداعى 1500 گەكتار جۇزىمدىك القاپ ءونىم بەرىپ, تۇتىنۋشىنىڭ قاجەتىن اشقان. ونىڭ ۇستىنە وسىنداعى حالىق كوكتەمنەن باستاپ, كۇز تۇسكەنشە جۇزىمدىكتەردە ەڭبەك ەتەدى. ايلىقتارى دا جاقسى.
– ەلباسى ءونىمدى وسىرۋدەن باستاپ, وڭدەۋدەگى كلاستەرلىك جۇيەنى دامىتۋدى مىندەتتەگەنى بەلگىلى. سوندىقتان وسى باعىتتا ايانباي جۇمىس ىستەۋدەمىز. ءونىمدى كۇتىپ-باپتاپ وسىرەمىز, وڭدەيمىز, ساپالى ازىق-ت ۇلىك تۇرلەرىن دۇكەن سورەلەرىنە جىبەرەمىز. بۇل بۇگىنگى كۇننىڭ تالابى, – دەيدى «گولدپرودۋكت» اكتسيونەرلىك قوعامىنىڭ ءبولىم باستىعى ياكوۆ كۋنتس.
اكتسيونەرلىك قوعامنىڭ ءجۇزىم شارۋاشىلىعىمەن اينالىساتىن ارنايى ءبولىمى بار. مۇنداعى ماماندار گرۋزيا, فرانتسيا ەلدەرىنىڭ تاجىريبەسىمەن القاپتاردى كەڭەيتۋمەن قاتار جاڭا سورتتاردى ەنگىزۋگە دە دەن قويعان. اسىرەسە, ءجۇزىمنىڭ اسحانالىق تۇرىنە قاراعاندا تەحنيكالىق سورتتارىن وڭدەۋ ءتيىمدى. شارۋاشىلىقتا «شاردونە», «كابەرنە», «قارا پينو» دەگەن رىنوكتا جوعارى سۇرانىسقا يە ءجۇزىم سورتتارى وسىرىلە باستاعان. قازىر القاپتا ءجۇزىمنىڭ «مۋسكات» دەگەن سورتى جينالىپ, وڭدەۋگە جول تارتتى.
– وتكەن جىلى قىس كوپ اۋرەگە سالدى. جۇزىمدەردىڭ ءتۇبىن كومسەك تە, ۇسىككە ۇرىندى. 2010 جىلى 7 مىڭ تونناداي ءجۇزىم جينادىق. بيىلعى ناتيجە ءسال بولسا دا ازداۋ, – دەيدى جۇمىسشىلار.
وتكەن عاسىردىڭ توقسانىنشى جىلدارى ەلىمىزدە 27 مىڭداي ءجۇزىم القاپتارى بولىپتى. ونىڭ 10 مىڭنان استامى جەمىس-جيدەك ءوسىرۋمەن اينالىساتىن ەڭبەكشىقازاق اۋدانىنىڭ ەنشىسىندە ەكەن. ودان كەيىنگى جىلدارى كۇرت كەمىگەن جۇزىمدىكتەر مەملەكەتتىڭ قولداۋى ارقاسىندا عانا كولەمى ارتىپ كەلەدى. سونىڭ دالەلى, باعباندار ءار گەكتاردان 45 تسەنتنەردەن ءونىم الىپ, القاپتى 3650 گەكتارعا جەتكىزگەن.
ارينە, الداعى جوسپارلار اۋقىمدى. ماسەلەن, 2015 جىلعا دەيىن اۋداندا جۇزىمدىك القاپتارىن 8 مىڭ گەكتارعا جەتكىزۋ كوزدەلىپ, وسى باعىتتاعى جۇمىس جاندانا تۇسكەن.
كۇمىسجان بايجان,
الماتى وبلىسى.