وبلىس اكىمدىگىنىڭ ۇيىمداستىرۋىمەن وڭىردەگى «ساكرالدى جەرلەرگە ساياحات» اتتى شارا باستالدى.
مىسالى, ء«ابۋ حانيفا» قورى وبلىستىق ارداگەرلەر ۇيىمى, «اۋىل» پارتياسىنىڭ وبلىستىق فيليالى بىرلەسىپ رۋحاني شاراعا ۇلەس قوسۋدا. ماقسات – وڭىردەگى شەجىرەلى ساكرالدى جەرلەرىمەن جاستاردى تانىستىرۋ, ونىڭ قاسيەتى مەن كيەلىلىگى,ء وڭىر تاريحى مەن رۋحانياتىندا الاتىن ورنى تۋرالى ناسيحاتتاۋ, بولاشاقتا بۇل ورىنداردى ىشكى تۋريزم ناساندارى رەتىندە جوباعا ەنگىزۋ ىسىنە ۇلەس قوسۋ.
وسى ماقسات ۇدەسىندە جولعا شىققان تيتو سىزدىق, ابىلحاق تۇگەلباي, ساپارعالي بايبولات, يدايات ابدىحالىق, امانتاي مۇقانتاي, بەكەن ساعىندىق ۇلى, ابىلاي وكەش, ەرمات بايعۇرمان باستاعان زيالىلار توبى باياناۋىلداعى ءماشھۇر ءجۇسىپ كەسەنەسى, ەرتىس اۋدانىنداعى تايماس اۋليە كەسەنەسى, اقكول-جايىلماداعى مۇرات يشان, يسابەك يشان, جانداربەك قوجانىڭ اۋلەتتىك كەسەنەسىندە جانە ماي اۋدانى جەرىندەگى اقبالى حازىرەت, حايسا اتا كەسەنەسىندە بارىپ زيارات جاسادى. اقشيمان اۋىلى قالماققىرعان تاۋىنا باردى. اقساقالدارمەن بىرگە بۇل جولساپارلارعا تاريحشى, ادەبيەتشى عالىمدار, جاستار دا ەرىپ بىرگە ءجۇردى.
«بابالارىمىزدىڭ رۋحتارى ماڭگى, ولارعا ۋاقىتتىڭ ءامىرى جۇرمەيدى. ال ءبىزدىڭ ماقساتىمىز تاريحىمىزدى تەرەڭ زەرتتەپ, تۇگەندەۋ. تاريحتى تۇگەندەۋ – بولاشاقتىڭ ماڭگى بولۋىن قولدايدى», دەيدى وبلىس بويىنشا وكىل يمام ناريمان يسەن.
فاريدا بىقاي, «ەگەمەن قازاقستان»
پاۆلودار