بۇگىن استانادا قازاقستان رەسپۋبليكاسى تۇڭعىش پرەزيدەنتى – ەلباسى قورى قازاقستان حالىقتارىنىڭ تىلدەرى كۇنىنە وراي ۇزدىك قازاقتىلدى ينتەرنەت-سايت بايقاۋىنا وتىنىمدەر قابىلداۋ باستالعانىن جاريالادى. بايقاۋ وتكىزۋدەگى سەرىكتەس – مەملەكەتتىك ءتىلدى دامىتۋ قورى.
بايقاۋ ماقساتى – ينتەرنەت جۇيەسىندەگى ۇزدىك قازاقتىلدى رەسۋرستاردى انىقتاۋ مەن ناسيحاتتاۋعا, اقپاراتتىق رەسۋرستار مەن سەرۆيستەردىڭ سانى مەن ساپاسىن ارتتىرۋعا, جەلى قولدانۋشىلارىنىڭ قىزىعۋشىلىعىن ۇلعايتۋعا, اقپارات كەڭىستىگىندە قازاق ءتىلىنىڭ قولدانىس اياسىن كەڭەيتۋگە جانە ۇزدىكتەردىڭ تانىمالدىلىعىن كوتەرۋگە ىقپال ەتۋ.
بايقاۋعا ۇكىمەتتىك ەمەس, تاۋەلسىز قوعامدىق سايتتار, عالامتور كەڭىستىگىندەگى تاجىريبەسى كەمىندە ءبىر جىلدى قۇرايتىن, قازاق تىلىندە اقپارات تاراتاتىن جانە قىزمەت ءتۇرى قازاقستان رەسپۋبليكاسىنىڭ قولدانىستاعى زاڭناماسىنا قايشى كەلمەيتىن كەز كەلگەن سايت قاتىسا الادى. بايقاۋعا مەملەكەتتىك ورگانداردىڭ, شەتەلدىك ۇيىمداردىڭ, بۇقارالىق اقپارات قۇرالدارىنىڭ ەلەكتروندى نۇسقالارى (گازەت, تۆ, راديو) قاتىسا المايدى.
سىيلىق مىناداي نوميناتسيالار بويىنشا تاعايىندالادى: «وتكىر ءتىل» — قازاق ءتىلىن جانە ۇلتتىق قۇندىلىقتاردى ناسيحاتتاۋشى ۇزدىك سايت, «رۋحاني ازىق» – قازاق ادەبيەتى مەن مادەنيەتىن ناسيحاتتاۋشى ۇزدىك سايت, «تەرەڭ ىزدەنىس» — قازاق ەلىنىڭ تاريحىن ناسيحاتتاۋشى ۇزدىك سايت, «شىنايى ءومىر» – قوعامداعى وزەكتى ماسەلەلەردى تالقىلايتىن ۇزدىك سايت, «سپورت تىنىسى» — سالاۋاتتى ءومىر سالتى مەن سپورتتى ناسيحاتتاۋشى ۇزدىك سايت, ء«بىلىم بۇلاعى» — ءبىلىم بەرەتىن ۇزدىك سايت, «جاستار الەمى» — جاستار تاقىرىبىنا ارنالعان ۇزدىك سايت, «ايماق ايناسى» - ۇزدىك ايماقتىق سايت, «بالالارعا بازارلىق» - بالالارعا ارنالعان ۇزدىك سايت, «ويىن- ساۋىق» - ۇزدىك ويىن-ساۋىق سايتى.
ءاربىر نوميناتسيا بويىنشا جەڭىمپازعا 385 مىڭ تەڭگە كولەمىندە اقشالاي سىيلىق تاپسىرىلادى. بايقاۋ قورىتىندىسى وسى جىلعى قاراشا ايىنىڭ سوڭىندا شىعادى.
بايقاۋ جەڭىمپازدارىن بەلگىلى قوعام قايراتكەرلەرى, قالامگەر-جۋرناليستەر مەن بايقاۋ قۇرىلتايشىلارىنان جاساقتالعان قازىلار القاسى انىقتايدى.
قازىلار القاسى سايتتاردى مازمۇنى, قىزمەت باعىتى, ينتەراكتيۆتىلىگى, كوركەمدىك جاعى, يدەيا ەرەكشەلىگى, تارتىمدىلىعى سەكىلدى تالاپتار بويىنشا سارالاپ, جەڭىمپازداردى انىقتايدى.
بايقاۋ ەرەجەسىمەن قازاقستان رەسپۋبليكاسى تۇڭعىش پرەزيدەنتى – ەلباسى قورىنىڭ www.fpp.kz جانە مەملەكەتتىك ءتىلدى دامىتۋ قورىنىڭ www.qazaq-found.kz سايتتارىنان تانىسۋعا بولادى.
بايقاۋعا وتىنىمدەر مەملەكەتتىك ءتىلدى دامىتۋ قورىنىڭ info@qazaq-found.kz ەلەكتروندى مەكەنجايىنا 2017 جىلدىڭ 11 قىركۇيەگىنەن 11 قاراشاسىنا دەيىن جىبەرىلۋى ءتيىس. بايلانىس تەل. 8/7172/ 272609