بۇگىن ۇكىمەت وتىرىسىنىڭ قورىتىندىسى بويىنشا ءباسپاسوز كونفەرەنتسياسى اياسىندا ۇلتتىق ەكونوميكا ءمينيسترى تيمۋر سۇلەيمەنوۆ «ەكسپو-2017» اياقتالۋىنا بايلانىستى ازىق-ت ۇلىك باعاسىنىڭ كۇرت كوتەرىلۋىنە قاتىستى سىبىسقا تۇسىنىكتەمە جاسادى.
«راسىمدى ايتسام, بۇل ماسەلە ىلعي كوتەرىلەدى. «ەكسپو» باستالعاندا كورمەنى وتكىزۋ كەزىندە ازىق-ت ۇلىك قىمباتتاماي ما دەگەن سۇراق قوياتىن. وزدەرىڭىز دە تۇسىنەسىزدەر, ءۇي ماڭىنداعى دۇكەندەردە, كوتەرمە جانە بولشەك ساۋداداعى باعالاردى ۇستاپ تۇرۋ مۇمكىن ەمەس. ءبىز دە, اكىمدىكتەر دە مۇنىمەن اينالىسقان جوقپىز. بۇل - نارىق», — دەدى مينيستر.
تيمۋر سۇلەيمەنوۆ جۋرناليستەرگە مۇنداي اقپاراتقا نازار اۋدارماۋعا كەڭەس بەردى. ونىڭ ايتۋىنشا, ازىق-ت ۇلىك سەبەتىنە كىرەتىن ازىق-ت ۇلىك باعالارى تومەندەتىلدى.
«سەگىز ايدىڭ قورىتىندىسى بويىنشا ازىق-ت ۇلىك ءتىزىمىنىڭ باسىم بولىگى بويىنشا 0,9% دەفلياتسيا بايقالۋدا. وزدەرىڭىز دە بىلەسىزدەر, سەگىز ايدا بىزدە ينفلياتسيا قالىپتاستى — 7%. ازىق-ت ۇلىكتىك ەمەس تاۋارلار مەن قىزمەت كورسەتۋلەر ەسەبىنەن ءوسىم 0,1% بولدى. بىرقاتار تاۋارلارعا باعا قىمباتتادى, بىراق ەگەر ازىق-ت ۇلىك سەبەتىن الاتىن بولساق, باعا تومەندەدى», — دەپ اتاپ ءوتتى ت. سۇلەيمەنوۆ.
ونىڭ ايتۋىنشا, اتالعان ديناميكا كەمىندە ءبىر اي جالعاسادى. سونداي-اق, ت. سۇلەيمەنوۆ نان باعاسى سايكەس ورگانداردىڭ ەرەكشە باقىلاۋىندا ەكەنىن ايتتى.