استانادا ينۆەستيتسيالار جانە دامۋ مينيسترلىگى ينۆەستيتسيا كوميتەتى مەن Hikma Pharmaceuticals PLC (LSE: HIK) (NASDAQ Dubai: HIK) (OTC: HKMPY) يوردان ترانسۇلتتىق كومپانياسىنىڭ قازاقستاندىق جوباسى – «حيكما سنگ» اق اراسىندا ينۆەستيتسيالىق باسىم كەلىسىمشارتقا قول قويىلدى.
Hikma Pharmaceuticals – لوندوندا ورنالاسقان ترانسۇلتتىق فارماتسەۆتيكالىق كومپانيا, بىرەگەي دارىلىك پرەپاراتتاردى جانە دجەنەريكتەردى جاساپ شىعارادى. كاسىپورىن 1978 جىلى يوردانيانىڭ اممان قالاسىندا قۇرىلدى, جانە بۇگىنگى كۇنى لوندون قور بيرجاسىندا ءىرى فارماتسەۆتيكالىق كومپانيالاردىڭ ءبىرى بولىپ تابىلادى. Hikma كومپانياسىنىڭ 11 ەلدە, ونىڭ ىشىندە اقش-تا, ەۋروپادا, تاياۋ شىعىس جانە سولتۇستىك افريكا ەلدەرىندە 7 زەرتتەۋ ورتالىقتارى جانە 29 زاۋىتتارى بار. كومپانيانىڭ فارماتسەۆتيكالىق ءونىمى GMP ستاندارتتارىنا سايكەس كەلەدى, ال ءونىمنىڭ پورتفەلىنە شامامەن 700 دارىلىك پرەپارات ەنەدى.
2015 جىلى كومپانيا «يا الماتى فارماتسەۆتيكالىق پرەپاراتتاردى ءوندىرۋ زاۋىتىن سالۋ» ينۆەستيتسيالىق جوباسىمەن جۇمىسىن باستاپ كەتتى. كومپانيا رەسپۋبليكا حالقىنىڭ بارلىق توپتارىنىڭ قولجەتىمدى باعالارمەن دارىلىك زاتتارعا مۇقتاجدىقتارىن قانعاتتاندىرۋ جانە قازاقستاننىڭ مەديتسينالىق پرەپاراتتاردىڭ يمپورتىنا تاۋەلدىلىگىن تومەندەتۋ ءۇشىن جوعارى ساپالى فارماتسەۆتيكالىق ءونىمدى شىعاراتىن بولادى. فارماتسەۆتيكالىق پرەپاراتتاردىڭ اسسورتيمەنتى جۇرەك-تامىر پرەپاراتتارىن, جالپى بەلگىلەنۋى بار انتيبيوتيكتەردى, ورتالىق جۇيكە جۇيەسىنىڭ اۋرۋلارىن, ونكولوگيانى ەمدەۋ پرەپاراتتارىن جانە باسقالاردى ەنگىزەتىن بولادى.
كومپانيا الماتى قالاسىنىڭ «الماتى» يندۋستريالدىق ايماعىندا جەر تەلىمىن الدى جانە 10 جىلعا ايرىقشا نەگىزدە دارىلەردى وندىرۋگە جانە جەتكىزۋگە «سك-فارماتسيا» جشس-مەن كەلىسىم-شارتقا قول قويدى. قازىرگى ۋاقىتتا جەر جۇمىستارىنىڭ ماسەلەلەرى پىسىقتالۋدا جانە ءوندىرىس جونگە كەلتىرىلۋدە. جوبانى شەتەل ينۆەستورى تولىعىمەن قارجىلاندىراتىن بولادى.
«بۇل جوبا ەرەكشە باقىلاۋىمىزدا, ويتكەنى جوبا مەملەكەت باسشىسى جاريا ەتكەن «ۇلت جوسپارى» اياسىندا قازاقستانعا ترانسۇلتتىق كومپانيالاردى تارتۋ جانە ەكسپورت ونىمدەرىن قۇرۋ شەڭبەرىندە ىسكە اسىرىلىپ جاتىر», دەپ اتاپ ءوتتى «KAZAKH INVEST» ۇك» اق باسقارما توراعاسىنىڭ ورىنباسارى نۇرسۇلتان جيەنباەۆ.