قازاقستان پرەزيدەنتىنىڭ جارلىعىمەن بيىلعى تامىزدا وكىلەتتىگى توقتاتىلعان دەپۋتاتتار مۇحتار التىنباەۆ, يكرام ادىربەكوۆ, نۇرتاي ابىقاەۆ, ليۋدميلا پولتوراباتكوعا پارلامەنت سەناتىنىڭ العىس حاتتارى مەن قۇرمەت گراموتالارى تابىس ەتىلدى, دەپ حابارلادى پارلامەنت سەناتىنىڭ ءباسپاسوز قىزمەتى.
پارلامەنت سەناتىنىڭ توراعاسى قاسىم-جومارت توقاەۆ ولاردىڭ زاڭ شىعارۋ ۇدەرىستەرىن جەتىلدىرۋدەگى سىڭىرگەن ەڭبەگىن جوعارى باعالاي كەلىپ, پارلامەنتتىك قىزمەتى ءۇشىن العىس ايتتى.
«سىزدەر ەل يگىلىگى ءۇشىن تەرەڭ بىلىمدەرىڭىز بەن مول تاجىريبەلەرىڭىزدى اياماي, مەملەكەت باسشىسىنىڭ تاپسىرمالارىن, وزدەرىڭىزگە جۇكتەلگەن مىندەتتەردى ادال ورىنداپ كەلەسىزدەر. مەملەكەت تاۋەلسىزدىگىن نىعايتۋ مەن حالىق يگىلىگى جولىندا سىڭىرگەن ەڭبەكتەرىڭىز بولاشاق دەپۋتاتتىق كورپۋسقا, ۇرپاققا ۇلگى بولادى», – دەدى سەنات باسشىسى.