2011 جىلعى 20 قىركۇيەك, استانا قالاسى
«وقۋلىقتاردى, وقۋ-ادىستەمەلىك كەشەندەر مەن قۇرالداردى ازىرلەۋ, ساراپتاما جاساۋ جانە باسىپ شىعارۋ جونىندەگى جۇمىستى ۇيىمداستىرۋ ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2010 جىلعى 17 قاراشاداعى № 527 بۇيرىعىنا وزگەرىستەر مەن تولىقتىرۋ ەنگىزۋ تۋرالى
بۇيىرامىن:
1. «وقۋلىقتاردى, وقۋ-ادىستەمەلىك كەشەندەر مەن قۇرالداردى ازىرلەۋ, ساراپتاما جاساۋ جانە باسىپ شىعارۋ جونىندەگى جۇمىستى ۇيىمداستىرۋ ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم مينيسترلىگىنىڭ 2010 جىلعى 17 قاراشاداعى № 527 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6653 تىركەلدى, جاريالانۋى: «ەگەمەن قازاقستان» 2011 جىلعى 11 قاڭتار № 6-7 (26409)) مىناداي وزگەرىستەر مەن تولىقتىرۋ ەنگىزىلسىن:
وسى بۇيرىقپەن بەكىتىلگەن وقۋلىقتاردى, وقۋ-ادىستەمەلىك كەشەندەر مەن قۇرالداردى ازىرلەۋ, ساراپتاما جاساۋ جانە باسىپ شىعارۋ جونىندەگى جۇمىستى ۇيىمداستىرۋ ەرەجەسىندە:
16-تارماق مىناداي رەداكتسيادا جازىلسىن:
«16. ساراپتامانى «وقۋلىق» رەسپۋبليكالىق عىلىمي-پراكتيكالىق ورتالىعى (بۇدان ءارى – «وقۋلىق» ورتالىعى) جۇرگىزەدى.»;
20-تارماق الىنىپ تاستالسىن;
21-تارماق مىناداي رەداكتسيادا جازىلسىن:
«21. «وقۋلىق» ورتالىعى ءبىر وقۋلىقتىڭ, وقۋ-ادىستەمەلىك كەشەن مەن قۇرالدىڭ ساراپتاماسىن وسى ەرەجەنىڭ 18-تارماعىندا كورسەتىلگەن ماتەريالداردىڭ ساراپتاماعا تۇسكەن كۇنىنەن باستاپ كۇنتىزبەلىك الپىس كۇننەن اسپايتىن مەرزىمدە وتكىزەدى.»;
25-تارماق مىناداي رەداكتسيادا جازىلسىن:
«25. وقۋلىق» ورتالىعى تەرىس ساراپتامالىق ناتيجە ۇسىنعان جاعدايدا ۋاكىلەتتى ورگان وقۋلىقتاردىڭ, وقۋ-ادىستەمەلىك كەشەندەر مەن قۇرالداردىڭ ازىرلەۋشىسىن كۇنتىزبەلىك ون بەس كۇننىڭ ىشىندە حاباردار ەتەدى.
قايتا ساراپتاما كۇنتىزبەلىك وتىز كۇننىڭ ىشىندە وتكىزىلەدى.
قايتادان تەرىس ساراپتامالىق ناتيجە العان وقۋلىق, وقۋ-ادىستەمەلىك كەشەن مەن قۇرال اعىمداعى جىلى ساراپتاماعا قابىلدانبايدى.»;
47-تارماق مىناداي مازمۇنداعى ابزاتسپەن تولىقتىرىلسىن:
«تىزبە كەلەسى 4 وقۋ جىلى بويى قولدانىستا بولادى.».
2. مەكتەپكە دەيىنگى جانە ورتا ءبىلىم دەپارتامەنتى (ب.س. كارىمجانوۆ) وسى بۇيرىقتى بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىنە مەملەكەتتىك تىركەۋگە ۇسىنسىن.
3. وسى بۇيرىقتىڭ ورىندالۋىن باقىلاۋ ۆيتسە-مينيستر م.ن. سارىبەكوۆكە جۇكتەلسىن.
4. وسى بۇيرىق العاش رەت رەسمي جاريالانعان كۇننەن باستاپ قولدانىسقا ەنگىزىلەدى.
مينيستر ب. جۇماعۇلوۆ
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 6 قازانداعى نورماتيۆتىك-قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7242 بولىپ ەنگىزىلدى.