پارلامەنتتىڭ جاڭا سەسسياسىنداعى قاسىم-جومارت توقاەۆتىڭ توراعالىق ەتۋىمەن بولعان سەناتتىڭ العاشقى وتىرىسىندا بىرقاتار ۇيىمداستىرۋ جانە كادرلىق ماسەلەلەر قارالدى.
ق. توقاەۆ پارلامەنت پالاتالارىنىڭ بىرلەسكەن وتىرىسىندا پرەزيدەنت ن. نازارباەۆ دەپۋتاتتارعا الدا تۇرعان اسا ماڭىزدى اۋقىمدى مىندەتتەر تۋرالى جان-جاقتى تۇسىندىرگەنىن اتاپ ءوتتى. «مەملەكەتىمىزدىڭ وركەندەۋى مەن حالقىمىزدىڭ يگىلىگى جولىندا دەپۋتاتتىق كورپۋس ۇكىمەتپەن تىعىز بايلانىستا جۇمىس جۇرگىزىپ, ەلباسى بەلگىلەگەن مىندەتتەردى ورىنداۋدا, زاڭنامالىق جاعىنان دەر كەزىندە جانە ساپالى قامتاماسىز ەتەدى دەپ سەنەمىن», - دەدى سەنات توراعاسى.
ق.توقاەۆ جاڭادان سايلانعان دەپۋتاتتاردى قۇتتىقتادى جانە اسا جاۋاپتى قىزمەتتەرىنىڭ تابىستى بولۋىنا تىلەكتەستىگىن بىلدىرە كەلىپ, بۇل پرەزيدەنتتىڭ, حالىقتىڭ زور سەنىمىنىڭ كورىنىسى ەكەنىن اتاپ ءوتتى.
جاڭا سەناتورلار انت قابىلداعاننان كەيىن پالاتا تۇراقتى كوميتەتتەردىڭ جەتەكشىلەرى مەن مۇشەلەرىن سايلادى. كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنە گەورگي كيم; قارجى جانە بيۋدجەت كوميتەتىنە ولگا پەرەپەچينا; حالىقارالىق قاتىناستار, قورعانىس جانە قاۋىپسىزدىك كوميتەتىنە داريعا نازارباەۆا; ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنە اسقار بەيسەنباەۆ; الەۋمەتتىك-مادەني دامۋ جانە عىلىم كوميتەتىنە بىرعانىم ءايتىموۆا; اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنە جەڭىس نۇرعاليەۆ جەتەكشىلىك ەتەتىن بولدى.
جاڭا كونستيتۋتسيالىق وكىلەتتىكتەرىنە سايكەس سەناتورلار العاش رەت قازاقستان رەسپۋبليكاسىنداعى ادام قۇقىقتارى جونىندەگى ۋاكىل قىزمەتىنە اسقار شاكىروۆتى سايلادى.