سىرتقى ىستەر مينيسترلىگىندە «KAZAKH INVEST» ۇلتتىق كومپانياسى قازاقستان ەكونوميكاسىنىڭ شەتەلدىك بيزنەس وكىلدەرىنىڭ ينۆەستيتسيا قۇيۋعا قولايلى سەكتورلارىن تانىستىرۋ ءراسىمىن وتكىزدى. وعان قازاقستانداعى ەلشىلىكتەردىڭ ەكونوميكالىق ماسەلەلەرگە جاۋاپ بەرەتىن ماماندارى قاتىستى.
اتاپ ايتقاندا, تانىس-تىرىلىمدا ساۋد ارابياسى, ليۆيا, ومان, ليتۆا, ۆاتيكان, پالەستينا, يران, اۋستريا, پولشا, بەلارۋس, نيدەرلاند, تۇركيا, ۆەنگريا, وڭتۇستىك كورەيا, ۇلىبريتانيا, چەحيا, ءۇندىستان, يراك, تاجىكستان, گەرمانيا, برازيليا, فينليانديا جانە شۆەتسيا ەلدەرىنىڭ وكىلدەرى بولدى. «KAZAKH INVEST» ۇك» اق باسقارما توراعاسىنىڭ ورىنباسارى نۇرسۇلتان جيەنباەۆ قازاقستانداعى ينۆەستيتسيالىق احۋالعا كەڭىنەن توقتالىپ, حالىقارالىق Doing Business قارجىلىق كورپوراتسياسىنىڭ رەيتينگى بويىنشا قازاقستان قازىر بيزنەس جۇرگىزۋدىڭ جەڭىلدىگى بويىنشا الەمنىڭ 190 ەلىنىڭ اراسىندا 35-ءشى ورىن الاتىنىن ايتتى. سونىڭ ىشىندە «مينوريتارلىق ينۆەستورلاردى قورعاۋ» بويىنشا 3-ءشى, «كونتراكتىلەردىڭ ورىندالۋىن قامتاماسىز ەتۋ» كورسەتكىشى بويىنشا 9-شى ورىندا ەكەنى جەتكىزىلدى.
شەتەلدىك ينۆەستورلارعا بارلىق ايماقتاردا ء«بىر تەرەزە» قاعيداتىمەن قىزمەت كورسەتىلەدى, مەملەكەت تاراپىنان جاسالاتىن قولداۋلار كوپ, ولاردىڭ اراسىندا سالىقتىق پرەفەرەنتسيالار دا بار, دەدى ول ءوزىنىڭ سوزىندە. ەكونوميكانىڭ شەتەلدىك ينۆەس-تيتسيا قۇيۋعا تارتىمدى سەكتورلارىنىڭ قاتارىندا ن.جيەنباەۆ ماشينا جاساۋ, اگروونەركاسىپ كەشەنى, حيميا, ينفراقۇرىلىم, تاۋ-كەن, مەتاللۋرگيا سەكتورلارىن اتادى.
تانىستىرىلىم اياسىندا ەلشىلىكتەردىڭ وكىلدەرى ن.جيەنباەۆقا ساۋالدارمەن قاتار ۇسىنىستاردى دا جاسادى. ماسەلەن, ءبىزدىڭ ەلدەرىمىزدە شوب وكىلدەرى دە قازاقستانعا كەلۋگە قىزىعۋشىلىق تانىتار ەدى, سولارعا ارنايى جەڭىلدىكتەر ۇسىنساڭىزدار دۇرىس بولار ەدى دەگەن پىكىر دە ايتىلدى. كەزدەسۋدى قاتىسۋشىلار پايدالى بولدى دەپ باعالادى.
جاقسىباي سامرات, «ەگەمەن قازاقستان»