عيبراتى مول عۇمىر

ەلى ءۇشىن ەڭبەك ەتىپ, حالقىنىڭ قالاۋلىسى بولۋ ەكىنىڭ ءبىرىنىڭ ماڭ­دايىنا جازىلا بەرمەيتىن باقىت. ءمى­نە, سونداي سيرەك تۇلعالاردىڭ قا­تا­رىندا نەبارى 35 جاسىندا قازاق كسر جوعارعى سوتىنىڭ توراعاسى بول­عان بەلگىلى قوعام قايراتكەرى ءابي­دوللا بيەكەنوۆتىڭ ەسىمى اتالۋى زاڭدى. قۇيرىقتى جۇلدىزداي اعىپ وتكەن قىسقا عۇمىرىندا حالقىنىڭ قاجە­تى­نە جارايتىن, ەلىنىڭ ەرتەڭىنە قىزمەت ەتەتىن جۇمىستار اتقارىپ كەتكەن ابزال ازاماتتىڭ تۋعانىنا 100 تولۋى ءوزى تۋعان اقتوبە توپى­را­عىندا ادەمى اتالىپ ءوتتى. وبلىستىق سوتتىڭ مۇر­ىندىق بولۋىمەن وتكەن وسى مەرەكەلىك شاراعا جۇرتشىلىق كوپ جينال­دى, مەرەيتوي يەسىنىڭ ۇر­پاق­تارى, كوز كورگەندەر الىس-جا­قىن­نان ارنايى ات ارىتىپ كەلىپ, باس قوستى. الدىمەن, وبلىستىق سوت ال­دىنا قويىلعان ءابي­دوللا بيەكەنوۆ­تىڭ ەسكەرتكىش ءمۇسى­نىنىڭ الدىندا ەسكە الۋ ميتينگىسى بولدى. ميتينگىنى اقتوبە قالاسىنىڭ اكىمى نۇرمۇ­حام­بەت ابدىبەكوۆ قىسقا­شا كىرىسپە ءسوز سويلەپ اشتى. ول قىس­قا عۇمىرىندا ەلى ءۇشىن ەڭبەك ەتۋدىڭ ۇلگىسىن كور­سەت­كەن تۇلعانىڭ حالىق جادىندا ماڭگى ساقتالاتىنىن جەتكىزدى. ونىڭ ەلى­مىز­دىڭ سوت جۇيەسىن قا­لىپ­تاستىرۋعا ولشەۋسىز ۇلەس قوسقا­نىن ايتا كەلىپ, 100 جىلدىق مەرەي­تو­يىنىڭ ەل ءتاۋ­ەلسىزدىگىنىڭ 20 جىل­دى­عىمەن تۇسپا-تۇس كەلۋىنىڭ وزىندە ۇيلەسىمدىلىك بار ەكەنىنە توقتالدى. سەناتور يران ءامىروۆ, جوعارعى سوت جانىن­دا­عى سوتتاردىڭ قىزمەتىن قام­تاماسىز ەتۋ دەپارتامەنتىنىڭ باس­شى­سى باۋ­ىرجان جۇماعۇلوۆ, ۇلى مارات بيەكەنوۆ جانە باسقالارى مەرەيتوي يەسىنىڭ ازاماتتىق, اكەلىك, باس­شىلىق قاسيەتتەرىن تاراتا كەلىپ, ونىڭ ءومىر جولى تۋرالى ەستەلىكتەر ايتتى, بىلىكتى باسشى, سوت ءىسىنىڭ بىلگىرى, ەنتسي­ك­لو­پەديالىق ءبىلىم يەسى ەكەنىن, ادامي بولمىس-ءبىتىمىن جينالعان­دار جا­دىن­دا جاڭعىرتتى. مينتينگىدە شىعىپ سويلەۋشىلەر بەلگىلى قوعام قايراتكەرى ءابيدوللا بيەكەنوۆتىڭ عيبراتى مول ءومىربايا­نىن نەگىزگە الا وتىرىپ, تالانتتى تۇلعانىڭ بولمىس-ءبىتىمىن اشا ءتۇستى. وعان دەگەن اقتوبەلىكتەردىڭ قالت­قى­سىز كوڭىلىنىڭ بەلگىسىندەي ەسكەرتكىش ءمۇسىنى وبلىستىق سوتتىڭ الدىنا قوي­ىلعان, شالقار قالاسىنداعى ءبىر كو­­شە ونىڭ اتىمەن اتالادى. قالا اكىم­دىگى, قۇقىق قورعاۋ ورگاندارى, جوعا­رى وقۋ ورىندارى, مەكەمەلەر ەسكەرت­كىش مۇسىنگە گۇل شوقتارىن قويدى. سودان كەيىن ءابيدوللا بيەكە­نوۆ­تىڭ 100 جىلدىعىنا ارنالعان كونفەرەنتسيا وتكىزىلدى, «جاسىن عۇمىر» كىتابىنىڭ تۇساۋكەسەرى بولدى. ۇر­پاق­تارى اس بەرىپ, قۇران باعىشتاتتى. ساتىبالدى ءساۋىرباي, اقتوبە وبلىسى.