ساۋدا: دەرەك پەن دايەك

مۇنايلى اتىراۋمەن ەكو­نو­مي­كالىق بايلانىس ورناتۋدى كوز­دەگەن شەت مەملەكەتتەر كوبەيۋدە. ماسەلەن, اتىراۋدا اقش-تىڭ ءار سالاداعى 42 بىرلەسكەن كاسىپورنى جۇمىس جاسايدى. ەۋروپا ەل­دە­رى­نىڭ ىقىلاسى مۇنايلى وڭىرگە اۋدى. كانادانىڭ ىسكەر توپتارى دا اتى­راۋدىڭ سان الۋان سالا­سىن­دا ساۋدا-ەكونوميكالىق قارىم-قا­تىناستى جانداندىرۋدىڭ قامى­نا كىرىستى. بۇل تۋرالى وبلىس اكىمى­نىڭ ءبىرىنشى ورىنباسارى بولات داۋكەنوۆپەن كەزدەسۋدە كانادا­نىڭ قازاقستان­داعى توتەنشە جانە وكىلەتتى ەلشىسى ستيۆەن ميللار ءمالىم ەتتى. قازىر مۇنايلى وڭىردە ۇيەڭكى جاپىراقتار ەلىنىڭ 8 بىرلەسكەن كاسىپورنى جۇمىس ىستەسە, اتى­راۋ­مەن اراداعى ساۋدا-ەكونوميكالىق بايلانىس وتكەن جىلى 2 ميلليارد 151 ميلليون اقش دوللا­رى­نا جەتكەن ەكەن. بيىلعى 9 ايدا بۇل كورسەتكىش بەس ەسەگە دەيىن ءوسىپتى. ەلشىنىڭ ايتۋىنشا, الدا­عى ۋاقىتتا اتىراۋعا كانادانىڭ جەتەكشى بيزنەسمەندەر توبىنىڭ ساپارىن ۇيىمداستىرۋ جوسپارلانۋدا كورىنەدى.

جولداسبەك شوپەعۇل, اتىراۋ وبلىسى.  

40 000 000 جىل سوڭىنا دەيىن كولىك جولدارىن كۇتۋگە قالا بيۋدجەتىنەن قوسىمشا وسىنشاما تەڭگە قارجى قاراستىرىلاتىن بولدى.

بۇل جايىندا اقتوبە قالاسى­نىڭ اكىمى نۇرمۇحامبەت ابدى­كوۆ­تىڭ توراعالىعىمەن وتكەن شاھار­دى سانيتارلىق تازالاۋ جانە كور­كەيتۋ جونىندەگى مەردىگەرلىك ۇي­ىم­دار  ماسەلەلەرى  قارالعان جي­ىن­دا ايتىلدى. اقتوبە قالاسى مەن قالاعا قاراستى بەس اۋىلدىق وكرۋگتەگى كولىك جولدارىن كۇزگى-قىسقى مەرزىمدە  كۇتۋ جۇمىس­تا­رى­مەن «تازا قالا», «تازالىق», «اكتوبەگوردورستروي», «كتپ», «اق­جوللتد», «اسسان-سترويسەرۆيس», «دوروجنيك-ك» مەكەمەلەرى اينا­لىسادى. ولارداعى 52 ءوزى اۋداراتىن كولىك, 20 اۆتوگرەيدەر, 25 تيەگىش, 21 «متز-80» 25 «پم-130» تەحنيكاسى, «زيل-130» بازا­سىن­داعى 9 قۇم­شاش­قىش,  2 قار جي­نا­عىش, 2 «ك-701», «ۋرال» بازا­سىن­داعى روتورلى تەحنيكالار مەن تىر­كەمەلەردى قوسقاندا بار­لى­عى 160 ارنايى تەحنيكا تازارتۋ جۇمىس­تارىنا تارتىلادى دەپ كۇتىلۋدە. سونداي-اق, جەدەل ارەكەت ەتۋ ءۇشىن مەردىگەرلىك ۇيىمداردا تاۋ­لىك بويعى كەزەكشىلىك ۇيىم­داس­تى­رىلادى. قالا باسشىسى كۇزگى-قىس­قى تازالىق جانە جولداردى كۇتىپ ۇستاۋ جۇمىستارىندا كىدىرىس بولماۋى ءۇشىن ارنايى تەحنيكا پاركىن كەڭەيتۋدى مىندەتتەدى.

ساتىبالدى ءساۋىرباي, اقتوبە وبلىسى.  

11 «جايىقجىلۋقۋات»  اق بيىلعى ماۋسىمدا وسىنشا شاقىرىم جىلۋ جۇيەسىن اۋىستىردى.

ءيا, قىلىشىن سۇيرەتىپ قويان جىلىنىڭ قىسى دا جاقىنداپ قالدى. وسىنداي قاتال سىنعا جىلۋ وندىرەتىن كاسىپورىن ورنى تىڭعىلىقتى ازىرلىك جاسادى. مۇنداعى جاڭعىرتۋ جۇمىستارى ۇزاق مەرزىمدىك جوسپارعا ساي جىل سايىن جالعاسىپ كەلەدى.  بۇگىندە «جايىقجىلۋقۋات» كوممۋنالدىق كاسىپورنى قۋات ۇنەمدەۋ باعدار­لا­ماسى بويىنشا جۇمىس ىستەيدى. سوعان ساي قۇبىرلار سوڭعى ۋاقىتتا جىلۋدى ۇستاپ تۇراتىن ماتەريالدارمەن قاپتالا باستادى. بۇعان قوسا تاياۋدا جىلۋ ۇنەم­دە­گىش جاڭا تەحنولوگيا وندىرىسكە ەنگىزىلمەك. كاسىپورىننىڭ قىسقا ازىرلىك جۇمىستارىنا قاجەتتى قا­راجات جوندەۋ قورىنان جانە بيۋدجەت قارجىسى ەسەبىنەن بولىنگەن. ونىڭ مولشەرى 214,8 ميلليون تەڭگە.

تەمىر قۇسايىن, ورال.