ەلورداسى – استانادا بۇگىننەن باستالعان وڭتۇستىك قازاقستان وبلىسىنىڭ كۇندەرى اياسىندا «وڭتۇستىك ونىمدەرى» تاۋاروندىرۋشىلەردىڭ كورمەسى اشىلدى. جيىنعا قاتىسقان وبلىس اكىمى جانسەيىت تۇيمەباەۆ بارشا كەلۋشىلەرگە العىسىن بىلدىرە وتىرىپ, كۇنگەيلىك كورمە ارقىلى ءوڭىردىڭ ينۆەستيتسيالىق جانە تۋريستىك الەۋەتىمەن تانىسۋعا مۇمكىندىكتىڭ مول ەكەنىن ايتتى.
«بيىل ءبىزدىڭ ەلىمىزدە شىن مانىندەگى عاجايىپ وقيعا - «استانا ەكسپو-2017» حالىقارالىق كورمەسى وتۋدە. بۇل تەحنيكالىق جانە تەحنولوگيالىق جەتىستىكتەردى كورسەتەتىن, جاڭا يدەيالار مەن قىزىقتى جوبالاردىڭ نىشانى, يندۋستريالاندىرۋ سيمۆولى بولىپ تابىلاتىن حالىقارالىق كورمە. ال بۇگىنگى تاۋاروندىرۋشىلەر كورمەسىنىڭ وتكىزىلۋى ءبىز ءۇشىن وتە ماڭىزدى وقيعا. مۇندا ءوزىمىزدىڭ جەتىستىكتەرىمىزدى كورسەتىپ, كوپشىلىككە تانىمال ەتۋگە, تۇتىنۋشىلار مەن وندىرۋشىلەر اراسىندا تىعىز بايلانىستى ورناتۋعا مۇمكىندىك كوپ», - دەدى جانسەيىت قانسەيىت ۇلى.
«ەكسپو-2017» حالىقارالىق مامانداندىرىلعان كورمەسىنە كۇنگەيدەن جەتكەن تاماق جانە جەڭىل ونەركاسىپ, ماشينا جاساۋ, فارماتسەۆتيكا جانە قۇرىلىس زاتتارى سالالارىنىڭ 60-تان استام كاسىپورنى قاتىسىپ جاتىر.
ءۇش كۇنگە جالعاساتىن شارادا وڭتۇستىكتىڭ شاعىن قارجىلاندىرۋ ورتالىقتارى مەن اۋىر جانە جەڭىل ونەركاسىپتەرگە قاتىستى يندۋستريالدى ايماقتارى, الەۋمەتتىك-كاسىپكەرلىك كورپوراتسيا مەن كولىكتىك-لوگيستيكالىق ايماقتار, تۋريستىك اقپاراتتىق ورتالىقتاردىڭ دۇڭگىرشەكتەرى قويىلدى.
باس قالاداعى «بەيبىتشىلىك جانە كەلىسىم» سارايىندا ۇيىمداستىرىلىپ جاتقان كورمەگە كەلۋشىلەر, اتاپ ايتقاندا, وبلىسىمىزعا كەڭىنەن تانىمال كىلەم ونىمدەرى مەن ش ۇلىق-ۇيىق بۇيىمدارىن, ۇيگە ارنالعان توقىما بۇيىمداردى, كيىمدەر, وقۋ فورمالارى, سابيلەرگە ارنالعان جيىنتىقتاردى تاماشالاپ جاتسا, بىرقاتار قوناقتار وڭتۇستىكتە تىگىلگەن اياق كيىمدەر مەن ەرلەر كوستيۋمدەرىن كيىپ كورىپ ءجۇر. مۇنان بولەك, ەلوردالىق جۇرتشىلىقتىڭ نازارىنا كۇنگەيدە جاسالعان ترانسفورماتورلار, دارىلىك زاتتار مەن مەديتسينالىق ماقساتتاعى بۇيىمدار, مەديتسينالىق قۇرىلعىلار, قۇرىلىس زاتتارى, جيھاز, ازىق-ت ۇلىك ونىمدەرى جانە وزگە دە ونىمدەر ۇسىنىلۋدا.
ەرەكشە ايتا كەتەتىن جايت, كورمەگە كەلۋشىلەردىڭ شارادا ۇسىنىلعان وڭتۇستىك ونىمدەرىن نارىقتاعى باعادان 15-20 پايىزعا ارزان ساتىپ الۋعا مۇمكىندىگى بار.
اتالعان ءىس-شارا اياسىندا LED ەكراندا وبلىستىڭ ينۆەستيتسيالىق تارتىمدىلىعى بويىنشا بەينە روليك پەن وبلىستىق ونەركاسىپ كاسىپورىندارى تۋرالى فيلمدەر كورسەتىلەتىن بولادى.