2011 جىلعى 24 تامىز, استانا قالاسى
قازاقستان رەسپۋبليكاسىنىڭ قۇراما كوماندالارىن جاساقتاۋ مەن دايارلاۋدى ۇيىمداستىرۋ جونىندەگى نۇسقاۋلىقتى بەكىتۋ تۋرالى
قازاقستان رەسپۋبليكاسى 1999 جىلعى 2 جەلتوقسانداعى «دەنە شىنىقتىرۋ جانە سپورت تۋرالى» زاڭىنىڭ 23-بابى 2) تارماقشاسىنا, قازاقستان رەسپۋبليكاسى ۇكىمەتىنىڭ 2006 جىلعى 26 ساۋىردەگى «قازاقستان رەسپۋبليكاسى تۋريزم جانە سپورت مينيسترلىگىنىڭ ماسەلەلەرى» № 329 قاۋلىسىنا سايكەس بۇيىرامىن:
1. قوسا بەرىلگەن قازاقستان رەسپۋبليكاسىنىڭ قۇراما كوماندالارىن جاساقتاۋ مەن دايارلاۋدى ۇيىمداستىرۋ جونىندەگى نۇسقاۋلىق بەكىتىلسىن.
2. ستراتەگيالىق جوسپارلاۋ دەپارتامەنتى (د. قامزەباەۆا) قازاقستان رەسپۋبليكاسى ادىلەت مينيسترلىگىنە وسى بۇيرىقتى مەملەكەتتىك تىركەۋگە ۇسىنۋدى قامتاماسىز ەتسىن.
3. اكىمشىلىك جۇمىس دەپارتامەنتى (ع.ءابىلوۆا) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن ونى بۇقارالىق اقپارات قۇرالدارىندا رەسمي جاريالاۋدى قامتاماسىز ەتسىن.
4. «قازاقستان رەسپۋبليكاسىنىڭ قۇراما كوماندالارىن جاساقتاۋ مەن دايارلاۋدى ۇيىمداستىرۋ جونىندەگى نۇسقاۋلىقتى بەكىتۋ تۋرالى» قازاقستان رەسپۋبليكاسىنىڭ تۋريزم جانە سپورت جونىندەگى اگەنتتىگى توراعاسىنىڭ 2004 جىلعى 1 ناۋرىزداعى № 06-2-2/69 (نورماتيۆتىك قۇقىقتىق اكتىلەردىڭ مەملەكەتتىك تىزىلىمىندە № 2877 بولىپ تىركەلگەن. قازاقستان رەسپۋبليكاسى ورتالىق اتقارۋشى جانە وزگە دە مەملەكەتتىك ورگاندارىنىڭ نورماتيۆتىك قۇقىقتىق اكتىلەرى بيۋللەتەنىندە جاريالانعان, 2004 ج., № 25-28, 939-قۇجات) بۇيرىعىنىڭ كۇشى جويىلدى دەپ تانىلسىن.
5. وسى بۇيرىقتىڭ ورىندالۋىن باقىلاۋ ۆيتسە-مينيستر م.ە. وماروۆقا جۇكتەلسىن.
6. وسى بۇيرىق رەسمي جاريالانعان قۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ت. ەرمەگياەۆ
قازاقستان رەسپۋبليكاسى تۋريزم جانە سپورت ءمينيسترىنىڭ
2011 جىلعى 24 تامىزداعى №02-02-18/169 بۇيرىعىمەن بەكىتىلگەن
قازاقستان رەسپۋبليكاسىنىڭ قۇراما كوماندالارىن
جاساقتاۋ مەن دايارلاۋدى ۇيىمداستىرۋ جونىندەگى نۇسقاۋلىق
1. جالپى ەرەجەلەر
1. وسى قازاقستان رەسپۋبليكاسىنىڭ قۇراما كوماندالارىن جاساقتاۋ مەن دايارلاۋدى ۇيىمداستىرۋ جونىندەگى نۇسقاۋلىق (بۇدان ءارى - نۇسقاۋلىق) «دەنە شىنىقتىرۋ جانە سپورت تۋرالى» قازاقستان رەسپۋبليكاسى زاڭىنىڭ 23 بابىنىڭ 2) تارماقشاسىنا, «قازاقستان رەسپۋبليكاسى تۋريزم جانە سپورت مينيسترلىگىنىڭ ماسەلەلەرى» قازاقستان رەسپۋبليكاسى ۇكىمەتىنىڭ 2006 جىلعى 26 ساۋىردەگى № 329 قاۋلىسىنا سايكەس ازىرلەنگەن.
2. وسى نۇسقاۋلىقتا مىناداي ۇعىمدار قولدانىلادى:
1) اعا جاتتىقتىرۋشى – قازاقستان رەسپۋبليكاسىنىڭ قۇراما كوماندالاردىڭ جاستار (رەزەرۆتىك) قۇراماسى ءۇشىن جاۋاپ بەرەتىن جاتتىقتىرۋشى;
2) باس جاتتىقتىرۋشى – قازاقستان رەسپۋبليكاسىنىڭ ۇلتتىق قۇراما كومانداسىنا باسشىلىق جاساۋعا, سپورت ءتۇرى بويىنشا الەم چەمپيوناتتارىندا, ازيا, جانە وليمپيادا ويىندارىندا جانە باسقا دا حالىقارالىق جارىستاردا ونىڭ دايارلىعىنا, قالىپتاسۋى مەن سايىسقا تۇسۋىنە جاۋاپ بەرەتىن جاتتىقتىرۋشى;
3) جىلدىڭ باستى جارىستارى – قازاقستان رەسپۋبليكاسىنىڭ چەمپيوناتتارى, قازاقستان رەسپۋبليكاسىنىڭ سپارتاكياداسى;
4) جاتتىقتىرۋشىلار كەڭەسى – سپورتشىلار مەن كوماندالاردى سپورت جارىستارىنا قاتىسۋعا دايارلاۋ ادىستەمەسىنە ۇسىنىمدار ازىرلەۋ ءۇشىن باس جاتتىقتىرۋشى, مەملەكەتتىك جاتتىقتىرۋشى, اعا جاتتىقتىرۋشىلاردان, سپورت تۇرلەرى بويىنشا قۇراما كوماندالاردىڭ دارىگەرلەرىنەن, دەنە شىنىقتىرۋ ءجانە سپورت سالاسىنداعى عالىمداردان, دەنە شىنىقتىرۋ جانە سپورت سالاسىنداعى قوعامدىق بىرلەستىكتەر وكىلدەرىنەن قۇرىلعان, سپورت تۇرلەرى بويىنشا رەسپۋبليكالىق فەدەراتسيالاردىڭ كەڭەسشى ورگانى;
5) نىسانالى كەشەندى باعدارلاما – سپورتتىق ۇيىمداردىڭ كۇش-قيمىلىن ماقساتتى جانە ءتيىمدى بولۋگە, بىلىكتىلىگى جوعارى سپورتشىلاردى تاربيەلەۋدىڭ باستى باعىتتارىنا نازار اۋدارۋعا مۇمكىندىك بەرەتىن, وقۋ-جاتتىعۋ, عىلىمي-ادىستەمەلىك جانە مەديتسينالىق قامتاماسىز ەتۋ, ماتەريالدىق-تەحنيكالىق بازانى, تاربيەلىك جانە پاتريوتتىق جۇمىستى دامىتۋدى قوسا العاندا, وليپيادالىق تسيكلعا سپورتشىلاردى دايارلاۋ جونىندەگى ماسەلەلەردى كەشەندى شەشۋگە ارنالعان پەرسپەكتيۆالى جوسپار;
6) مەملەكەتتىك جاتتىقتىرۋشى – قازاقستان رەسپۋبليكاسىندا سپورت ءتۇرىن دامىتۋعا جانە ونى باسقارۋعا جاۋاپتى جاتتىقتىرۋشى;
7) سپورتشى – سپورتپەن جۇيەلى شۇعىلداناتىن جانە سپورت جارىستارىنا قاتىساتىن جەكە تۇلعا.
3. قازاقستان رەسپۋبليكاسىنىڭ قۇراما كوماندالارى - سپورتشىلاردىڭ, جاتتىقتىرۋشىلاردىڭ, وتاندىق جانە شەتەلدىك مامانداردىڭ, دەنە شىنىقتىرۋ-سپورت جانە مەديتسينا ۇيىمدارىنىڭ باسقا دا قىزمەتكەرلەرىنىڭ ۇجىمدارى سپورتتىڭ تۇرلەرى بويىنشا قوعامدىق بىرلەستىكتەردىڭ قۇرامداس بولiگi بولىپ تابىلادى, حالىقارالىق جارىستارعا دايارلىق جانە ولارعا قازاقستان رەسپۋبليكاسىنىڭ مەملەكەتتiك تۋى استىندا قاتىسۋ ماقساتىندا قۇرىلادى.
4. ءارتۇرلى سپورت تۇرلەرى بويىنشا تۇرىنەن قازاقستان رەسپۋبليكاسىنىڭ قۇراما كوماندالارى, دەنە شىنىقتىرۋ جانە سپورت جونىندەگى ۋاكىلەتتى ورگان (بۇدان ءارى - ۋاكىلەتتى ورگان) بەكىتكەن ارنايى نورماتيۆتەردى ورىنداعان سپورتشىلاردىڭ اراسىنان سپورت تۇرلەرى بويىنشا ءتيىستى رەسپۋبليكالىق فەدەراتسيالاردىڭ, جاتتىقتىرۋشىلار كەڭەسىنىڭ, قازاقستان رەسپۋبليكاسىنىڭ دەنە شىنىقتىرۋ-سپورت ۇيىمدارىنىڭ ۇسىنىستارىن ەسكەرە وتىرىپ, كونكۋرستىق نەگىزدە قۇرىلادى.
5. سپورت تۇرلەرى بويىنشا قازاقستان رەسپۋبليكاسىنىڭ قۇراما كومانداسى نەگىزگى جانە جاستار (رەزەرۆتىك) قۇرامىنان قۇرالادى.
رەسپۋبليكالىق جانە حالىقارالىق جارىستاردىڭ جەڭىمپازدارى جانە جۇلدەگەرلەرى سپورت تۇرىنەن قازاقستان رەسپۋبليكاسىنىڭ نەگىزگى جانە جاستار (رەزەرۆتىك) قۇراما كومانداسىنا مۇشەلىككە ۇمىتكەرلەر بولىپ تابىلادى.
قازاقستان رەسپۋبليكاسى قۇراما كوماندالارىنىڭ نەگىزگى جانە جاستار (رەزەرۆتىك) قۇرامالارىنا مۇشە سپورتشىلار ءوز قاتارلارىنان كوماندا كاپيتانىن سايلايدى. كوماندا كاپيتانى وقۋ-جاتتىعۋ پروتسەسى مەن جارىس كەزىندە قۇراما كوماندانىڭ مۇشەلەرى مەن كوماندا باسشىلىعى اراسىندا نەگىزگى دانەكەر بولادى.
6. نەگىزگى جانە جاستار (رەزەرۆتىك) كونتينگەنتىنىڭ ساندىق قۇرامىنا:
1) سپورتتىڭ وليمپيادالىق تۇرلەرى بويىەشا: ءۇش قۇرام;
2) سپورتتىڭ وليمپيادالىق ەمەس تۇرلەرىنەن: ەكى كۇرام;
3) سپورتتىڭ ويىندى (وليمپيادالىق, وليمپيادالىق ەمەس) تۇرلەرىنەن: ءبىر جارىم قۇرام قابىلدانادى.
7. قازاقستان رەسپۋبليكاسى قۇراما كوماندالارىنىڭ نەگىزگى ماقساتتارى:
1) قازاقستان رەسپۋبليكاسىنىڭ الەمدىك سپورتتىق قوعامداستىقتاعى بەدەلىن ودان ءارى نىعايتۋ ءۇشىن الەمدىك سپورت ارەنالارىندا الدىڭعى قاتارلى ۇستانىمداردى جەڭىپ الۋ;
2) ءارتۇرلى دەڭگەيدەگى سپورتتىق ءىس-شارالارعا قاتىسۋ, وليمپيادالىق جانە حالىقارالىق سپورتتىق قوزعالىستى قازاقستان رەسپۋبليكاسىندا جانە ودان باسقا جەرلەردە ناسيحاتتاۋ;
3) حالىقارالىق سپورتتىق جارىستارعا قاتىسۋ ارقىلى حالىقتار اراسىنداعى دوستىق پەن ءوزارا تۇسىنىسۋشىلىكتى نىعايتۋ.
8. قازاقستان رەسپۋبليكاسى قۇراما كوماندالارىنىڭ نەگىزگى مىندەتتەرى:
1) ازيا, وليمپيادا, پاراوليپيادا جانە سۋردوليمپيادا ويىندارىندا, ۋنيۆەرسيادالارعا, الەم, ازيا, ەۋروپا چەمپيوناتتارى مەن كۋبوكتارىنا جانە باسقا حالىقارالىق جارىستارعا دايىندالۋ مەن تابىستى ونەر كورسەتۋ;
2) سپورتشىلاردىڭ سپورتتىق شەبەرلىگىن ودان ءارى جەتىلدىرۋ;
3) قازاقستان سپورتىنىڭ حالىقارالىق ارەناداعى بەدەلىن ارتتىرۋ;
4) سپورتشىلاردى پاتريوتتىققا تاربيەلەۋ جانە دەنە شىنىقتىرۋدى جانە سپورتتى ناسيحاتتاۋ;
5) كوماندانى, سپورت ءتۇرىنىڭ جاقسى داستۇرلەرىن ساقتايتىن, اعا ۇرپاقتىڭ تاجىريبەسى مەن جەتىستىكتەرىن ەسكەرەتىن ۇجىمدى قالىپتاستىرۋ;
6) سپورتشىلاردى دايارلاۋدىڭ, وقۋ-جاتتىعۋ پروتسەسىن عىلىمي جانە مەديكو-بيولوگيالىق قامتاماسىز ەتۋدىڭ ادىستەمەسىن جەتىلدىرۋ;
7) وسكەلەڭ ۇرپاقتى سپورتپەن جۇيەلى شۇعىلدانۋعا تارتۋ.
2. قازاقستان رەسپۋبليكاسى قۇراما كوماندالارىنىڭ قۇرامى
9. سپورت تۇرلەرى بويىنشا ءتيىستى قوعامدىق بىرلەستىكتەر (فەدەراتسيالار) جىلدىڭ باستى جارىستارىنىڭ ناتيجەلەرىن ەسكەرە وتىرىپ, قازاقستان رەسپۋبليكاسىنىڭ قۇراما كومانداسى مۇشەلىگىنە ۇمىتكەرلەر اراسىندا كونكۋرس وتكىزەدى. كونكۋرس قولدانىستاعى زاڭناماعا سايكەس وتكىزىلەدى. مىندەتتى كونكۋرستىق تالاپتار:
1) ارنايى نورماتيۆتەردى ورىنداۋ (جىلدىڭ باستى جارىستارىندا كورسەتىلگەن سپورتتىق جەتىستىكتەر);
2) دەنساۋلىق جاعدايى تۋرالى انىقتاما ۇسىنۋ (سپورتشىلار ءۇشىن سپورتتىق مەديتسينا جانە وڭالتۋ ورتالىعىنىڭ مەديتسينالىق قورتىندىسىن ۇسىنۋ);
3) سوتتى بولعاندىعى نەمەسە بولماۋى تۋرالى انىقتاما ۇسىنۋى.
وسى قۇجاتتاردىڭ كوشىرمەلەرى, كونكۋستىق كوميسسيانىڭ وتىرىسىنىڭ حاتتاماسى جانە ۇمىتكەرلەرىنىڭ ءتىزىمى قازاقستان رەسپۋبليكاسى قۇراما كومانداسىنىڭ قۇرامىن بەكىتۋ كەزىندە ۋاكىلەتتى ورگانعا جولدانادى. ۋاكىلەتتى ورگان قازاقستان رەسپۋبليكاسىنىڭ قۇراما كومانداسىنا ۇمىتكەرلەردى قاراستىراتىن كوميسسيانى قۇرادى جانە بەكىتەدى.
قازاقستان رەسپۋبليكاسى قۇراما كومانداسىنىڭ قۇرامىن بەكىتەتىن كوميسسيا بەس ادامنان تۇرادى:
1) ۋاكىلەتتى ورگاننىڭ ەكى وكىلى;
2) سپورت ءتۇرى (تۇرلەرى) بويىنشا مەملەكەتتىك جاتتىقتىرۋشى;
3) شاتاتتىق ۇلتتىق كوماندالار ديرەكتسياسىنىڭ ەكى وكىلى.
10. سپورتشىلار, جاتتىقتىرۋشىلار, وتاندىق جانە شەتەلدىك ماماندار, دەنە شىنىقتىرۋ-سپورت جانە مەديتسينا ۇيىمدارىنىڭ باسقا دا قىزمەتكەرلەرى ۋاكىلەتتى ورگان شەشىمىمەن قازاقستان رەسپۋبليكاسى قۇراما كوماندالارىنا مۇشەلىگىنە ۇمىتكەر رەتىندە بەكىتىلەدى.
11. ۋاكىلەتتى ورگان قازاقستان رەسپۋبليكاسى قۇراما كومانداسىنىڭ قۇرامىن, سپورتتىڭ جازعى تۇرلەرى بويىنشا, ءار جىلدىڭ 31-ءشى جەلتوقسانىنا دەيىن, قىسقى تۇرلەرى بويىنشا, ءار جىلدىڭ 20 مامىرىنا دەيىن بەكىتەدى.
12. قۇراما كوماندالاردىڭ مارتەبەسىن جانە سپورتشىلاردىڭ جاۋاپكەرشىلىگىن ارتتىرۋ ماقساتىندا نەگىزگى جانە جاستار (رەزەرۆتىك) قۇرامىنداعى سپورتشىلار اراسىنان ۇجىمعا قۇراما كوماندانىڭ جاڭا مۇشەلەرىن سالتاناتتى تۇردە قابىلداۋدى 1 قوسىمشاعا سايكەس, قازاقستان رەسپۋبليكاسى قۇراما كوماندا مۇشەسىنىڭ انتىن قابىلدايدى.
13. قازاقستان رەسپۋبليكاسى قۇراما كومانداسىنىڭ مۇشەسى سپورتتىق ناتيجەلەردى تومەندەتكەنى, جەكە جوسپارلار مەن بەلگىلەنگەن نورماتيۆتەردى جۇيەلى ورىنداماعانى, تىيىم سالىنعان پرەپاراتتاردى قولدانعانى, شارت تالاپتارىن بۇزعاندىعى ءۇشىن كوماندا قۇرامىنان شىعارىلادى.
3. قازاقستان رەسپۋبليكاسىنىڭ قۇراما كوماندالارىن دايارلاۋ
14. سپورت تۇرىنەن قازاقستان رەسپۋبليكاسىنىڭ قۇراما كومانداسىن باسقارۋدى باس جاتتىقتىرۋشى جۇزەگە اسىرادى جانە سپورت تۇرىنەن جاتتىقتىرۋشىلار كەڭەسى باسقارادى.
15. باس جاتتىقتىرۋشى سپورت تۇرلەرىنەن قۇراما كوماندا مۇشەلەرىنىڭ دايارلىعى جونىندەگى جۇمىستى ۇيىمداستىرادى جانە قۇراما كومانداعا مۇشە - سپورتشىلاردىڭ جارىستارعا قاتىسۋىنىڭ ناتيجەلەرىنە ۇنەمى تالداۋ جۇرگىزەدى. دايارلىقتىڭ نسانالى ءارى كەشەندى باعدارلامالارىن (بۇدان ءارى - باعدارلاما) ىسكە اسىرۋ جونىندە جۇمىستار جۇرگىزەدى. باس جاتتىقتىرۋشىنىڭ جۇمىسى وقۋ-جاتتىعۋ جيىندارىن ۇيىمداستىرۋعا جانە حالىقارالىق جارىستارعا قاتىسۋعا, كوماندا قۇرامىنداعى تاربيە جۇمىستارىنا جانە كوماندا قۇرامىندا پسيحولوگيالىق احۋال جاساۋعا باعىتتالعان.
16. قازاقستان رەسپۋبليكاسى قۇراما كومانداسىنا مۇشە سپورتشىنىڭ جەكە جاتتىقتىرۋشىسى قازاقستان رەسپۋبليكاسى قۇراما كومانداسىنا ورتالىقتاندىرىلعان دايارلىق ءۇشىن ۋاقىتشا ىسساپارعا جىبەرىلۋى مۇمكىن. جەكە جاتتىقتىرۋشى قازاقستان رەسپۋبليكاسى قۇراما كومانداسىنان تىس جەردە سپورتشىنىڭ جەكە دايىندىق جوسپارىن ورىنداعانى ءۇشىن جەكە ءوزى جاۋاپ بەرەدى.
17. سپورت دارىگەرى قازاقستان رەسپۋبليكاسى قۇراما كومانداسىنا مۇشە سپورتشىنىڭ دەنساۋلىعىن قاداعالايدى, جاتتىقتىرۋشىلار قۇرامىنا سپورتشىنىڭ حال-جايى جانە ۇسىنىلاتىن جاتتىعۋ جۇكتەمەلەرى جونىندە ۇسىنىستار بەرەدى, مەديكو-بيولوگيالىق, قالپىنا كەلتىرۋ شارالارى مەن ەمدەۋدى, سونداي-اق سپورتشىنى تەڭگەرىمدى تاماقتاندىرۋدى, وقۋ-جاتتىعۋ جيىندارى مەن جارىستار وتەتىن ورىنداردىڭ سانيتارلىق-تازالىق جاعدايىن باقىلاۋدى جۇزەگە اسىرادى.
18. قازاقستان رەسپۋبليكاسى قۇراما كومانداسىنىڭ ماسساجشىسى سپورت دارىگەرىنىڭ نەمەسە باس دارىگەردىڭ ادىستەمەلىك باسشىلىعىمەن جۇمىس ىستەيدى.
19. قازاقستان رەسپۋبليكاسى قۇراما كومانداسىن عىلىمي-ادىستەمەلىك قامتاماسىز ەتۋ ءۇشىن تارتىلاتىن ماماندار سپورتشىلاردى دايارلاۋ جونىندە ادىستەمەلىك كومەك كورسەتەدى, ونىڭ فۋنكتسيونالدىق جانە تەحنيكالىق دەڭگەيىنە اعىمداعى باقىلاۋدى جۇزەگە اسىرادى. باس جاتتىقتىرۋشىمەن, جاتتىقتىرۋشىلار كەڭەسىمەن بىرلەسىپ دايىندىقتىڭ باعدارلامانى جانە جەكە جوسپارلاردى ازىرلەۋگە قاتىسادى.
20. قازاقستان رەسپۋبليكاسى قۇراما كومانداسىنا تارتىلاتىن باسقا دا ماماندار (قارۋ جانە كەمە شەبەرلەرى, مەحانيكتەر, اتبەگىلەر جانە تاعى باسقالار) وزدەرىنىڭ لاۋازىمدىق نۇسقاۋلىقتارى مەن بىلىكتىلىك مىنەزدەمەلەرىندەگى تالاپتارعا سايكەس جۇمىستاردى ورىندايدى.
قازاقستان رەسپۋبليكاسى تۋريزم جانە سپورت ءمينيسترىنىڭ
2011 جىلعى 24 تامىزداعى №02-02-18/169 بۇيرىعىمەن بەكىتىلگەن
قازاقستان رەسپۋبليكاسىنىڭ قۇراما كوماندالارىن جاساقتاۋ
مەن دايارلاۋدى ۇيىمداستىرۋ جونىندەگى نۇسقاۋلىققا 1 قوسىمشا
نىسان
قازاقستان رەسپۋبليكاسىنىڭ قۇراما كومانداسى مۇشەسiنiڭ
انتى
مەن, (ت.ا.ءا), مەنi ______________________________________ (سپورت ءتۇرi) قازاقستان رەسپۋبليكاسىنىڭ قۇراما كومانداسىنا قابىلداۋدى مەملەكەتتiڭ كورسەتكەن ەرەكشە سەنiمi رەتiندە باعالاي جانە ءوزiمنiڭ جاۋاپكەرشiلiگiمدi سەزiنە وتىرىپ:
- اسا جوعارى ناتيجەلەرگە جەتۋ ءۇشiن ءوزiمنiڭ جەڭiسكە دەگەن بار كۇش-جiگەرiمدi جۇمساي وتىرىپ, سپورت ارەناسىندا بiزدiڭ وتانىمىزدىڭ نامىسىن لايىقتى قورعاۋ ءۇشiن سپورتتىق شەبەرلiگiمدi ۇنەمi جەتiلدiرۋگە;
- سپورت جارىستارىندا ادال كۇرەسۋگە, جارىس ەرەجەلەرiن قاتاڭ ساقتاۋعا, دوپينگكە قارسى كودەكستi ۇستانۋعا جانە تىيىم سالىنعان زاتتاردى پايدالانباۋعا;
- سپورتتاعى تالiمگەرلەردiڭ بارلىق نۇسقاۋلارى مەن تالاپتارىن ورىنداۋعا, جاتتىقتىرۋشى-وقىتۋشىلار قۇرامىنا, كوماندا مۇشەلەرiنە, باسەكەلەستەرگە, تورەشiلەرگە, كورەرمەندەر مەن جانكۇيەرلەرگە سىيلاستىقپەن قاراۋعا;
- ءوزiمنiڭ بارلىق قارەكەتiمدە سپورتتىق ادەپ ەرەجەلەرiن باسشىلىققا الۋعا سالتاناتتى تۇردە انت ەتەمiن.
مەنiڭ وسى انتتى بۇزۋىم قازاقستان رەسپۋبليكاسى قۇراما كومانداسىنىڭ مۇشەسi دەگەن جوعارى اتاقپەن سىيىسپايتىندىعىن ۇعىنامىن.
__________________ ______________
تەگى اتى اكەسىنىڭ اتى (كۇنى)
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 22 قىركۇيەكتەگى نورماتيۆتىك-قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7193 بولىپ ەنگىزىلدى.