2011 جىلعى 21 قىركۇيەك, استانا, ۇكىمەت ءۇيى
جەكە جانە زاڭدى تۇلعالاردىڭ قورعانىس مۇقتاجى ءۇشىن رەكۆيزيتسيالانعان, سونداي-اق بەرىلگەن مۇلكىنىڭ قۇنىن مەملەكەتتىڭ وتەۋ قاعيداسىن بەكىتۋ تۋرالى
«مەملەكەتتىك م ۇلىك تۋرالى» قازاقستان رەسپۋبليكاسىنىڭ 2011 جىلعى 1 ناۋرىزداعى زاڭىنىڭ 52-بابىنىڭ 3-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان جەكە جانە زاڭدى تۇلعالاردىڭ قورعانىس مۇقتاجى ءۇشىن رەكۆيزيتسيالانعان, سونداي-اق بەرىلگەن مۇلكىنىڭ قۇنىن مەملەكەتتىڭ وتەۋ قاعيداسى بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى 21 قىركۇيەكتەگى №1082 قاۋلىسىمەن بەكىتىلگەن
جەكە جانە زاڭدى تۇلعالاردىڭ قورعانىس مۇقتاجى ءۇشىن رەكۆيزيتسيالانعان,
سونداي-اق بەرىلگەن مۇلكىنىڭ قۇنىن مەملەكەتتىڭ وتەۋ قاعيداسى
1. جالپى ەرەجەلەر
1. وسى قاعيدا «مەملەكەتتىك م ۇلىك تۋرالى» قازاقستان رەسپۋبليكاسىنىڭ 2011 جىلعى 1 ناۋرىزداعى زاڭىنىڭ 52-بابىنىڭ 3-تارماعىنا سايكەس ازىرلەندى ءارى جەكە جانە زاڭدى تۇلعالاردىڭ قورعانىس مۇقتاجى ءۇشىن رەكۆيزيتسيالانعان, سونداي-اق بەرىلگەن (بۇدان ءارى – رەكۆيزيتسيالانعان) مۇلكىنىڭ قۇنىن مەملەكەتتىڭ وتەۋ ءتارتىبىن ايقىندايدى.
2. جەكە جانە زاڭدى تۇلعالاردىڭ قورعانىس مۇقتاجى
ءۇشىن رەكۆيزيتسيالانعان مۇلكىنىڭ قۇنىن مەملەكەتتىڭ وتەۋ ءتارتىبى
2. قورعانىس مۇقتاجى ءۇشىن رەكۆيزيتسيالانعان م ۇلىكتىڭ قۇنىن وتەۋ قازاقستان رەسپۋبليكاسىنىڭ بيۋدجەت كودەكسىنە سايكەس بيۋدجەت قاراجاتىنان تولەنەدى. وتەمدى تولەۋ اقشالاي نىساندا قازاقستان رەسپۋبليكاسىنىڭ ۇلتتىق ۆاليۋتاسىمەن جۇرگىزىلەدى.
3. م ۇلىكتىڭ مەنشىك يەسى نەمەسە ونىڭ ۋاكىلەتتى ادامى ەسەپ ءتارتىبىن كورسەتە وتىرىپ, قورعانىس مۇقتاجى ءۇشىن رەكۆيزيتسيالانعان م ۇلىك قۇنىن وتەۋگە ءوتىنىش بەرەدى.
4. مەنشىك يەسى نەمەسە ونىڭ ۋاكىلەتتى وكىلى رەكۆيزيتسيالانعان م ۇلىكتىڭ قۇنىن وتەۋ مولشەرىمەن كەلىسپەگەن جاعدايدا ونى سوت تارتىبىمەن داۋلاۋعا قۇقىلى.
5. رەكۆيزيتسيالانعان م ۇلىك يەلەرىنىڭ وتىنىشتەرىن جيناۋ ءۇشىن جەرگىلىكتى اسكەري باسقارۋ ورگاندارىندا, اسكەري بولىمدەردە, جەرگىلىكتى اتقارۋشى ورگانداردا جيىن پۋنكتتەرى قۇرىلادى, ولار اقشالاي قاراجات بولۋگە ءوتىنىمدى شتابتار باستىقتارى كوميتەتىنە جولدايدى.
6. وتىنىمگە مىناداي قۇجاتتار قوسا بەرىلەدى:
1) مەنشىك يەسىنىڭ نەمەسە ونىڭ ۋاكىلەتتى ادامىنىڭ ءوتىنىشى;
2) رەكۆيزيتسيالاۋ تۋرالى اكت;
3) زاڭدى كۇشىنە ەنگەن سوت شەشىمى (بار بولعان كەزدە).
7. جەرگىلىكتى اسكەري باسقارۋ ورگاندارىنىڭ, اسكەري بولىمدەر كومانديرلەرىنىڭ (مەكەمەلەر باستىقتارىنىڭ), جەرگىلىكتى اتقارۋشى ورگانداردىڭ وتىنىمدەرى نەگىزىندە شتابتار باستىقتارى كوميتەتى جەكە قارجىلاندىرۋ جوسپارىن وزگەرتۋگە ارنالعان جيىنتىق ءوتىنىمدى جاسايدى جانە بيۋدجەتتى اتقارۋ جونىندەگى ۋاكىلەتتى ورگانعا جولدايدى.
8. رەكۆيزيتسيالانعان م ۇلىك قۇنىن وتەۋ جەرگىلىكتى اسكەري باسقارۋ ورگاندارى, اسكەري بولىمدەردىڭ كومانديرلەرى (مەكەمەلەردىڭ باستىقتارى) ارقىلى جۇرگىزىلەدى, ولار رەكۆيزيتسيالانعان م ۇلىكتىڭ مەنشىك يەسىنىڭ اقشا قاراجاتىن ونىڭ وتىنىشىندە نەمەسە سوت شەشىمىندە كورسەتىلگەن شوتقا قاراجاتتى اۋدارۋ جولىمەن الۋىن نەمەسە قولما-قول اقشا بەرۋدى ۇيىمداستىرادى.
9. رەكۆيزيتسيالانعان م ۇلىكتىڭ مەنشىك يەسى قايتىس بولعان جاعدايدا م ۇلىك قۇنىن وتەۋدى الۋعا قۇقىق قازاقستان رەسپۋبليكاسىنىڭ ازاماتتىق كودەكسىنە سايكەس ميراسقورلىق بويىنشا بەرىلەدى.