استانادا «نازارباەۆ ۋنيۆەرسيتەتى» مەن «اگروماشحولدينگ» اق وتاندىق ماشينا جاساۋ كاسىپورنى اراسىندا ءوزارا ىقپالداستىق تۋرالى مەموراندۋمعا قول قويۋ سالتاناتى ءوتتى. ەكى جاق ءبىلىم سالاسىندا, ونىڭ ىشىندە جوعارى وقۋ ورىنىنىڭ ستۋدەنتتەرىنە جۇمىسقا ورنالاسۋعا جانە وندىرىستىك تاجىريبەدەن وتۋگە كومەكتەسۋ ارقىلى ءوزارا بايلانىستى نىعايتۋعا نيەتتەنىپ وتىر. سونداي–اق, «اگروماشحولدينگ» اق وكىلدەرى جوعارى وقۋ ورنىنا سىيلىق – قوستانايداعى كاسىپورىندا شىعارىلعان SsangYong Kyron جول تاڭدامايتىن كولىگىنىڭ كىلتىن تاپسىردى.
ءبىز وسى وتاندىق كولىكتى قازاقستاندىق ستۋدەنتتىك ۇجىمعا «شىنايى قۋانىشپەن تاپسىرىپ جاتىرمىز! ءبىز وسىلايشا جاس مامانداردى ىنتالاندىرىپ, كەلەشەكتە ەلىمىزدى وركەندەتەتىن دارىنداردى وسىرۋگە كومەكتەسىپ جاتقانىمىزعا سەنىمدىمىز. وسى سىيلىقپەن نازارباەۆ ۋنيۆەرسيتەتىنىڭ وقىتۋشىلارىنا دا العىسىمىزدى بىلدىرەمىز, ءبىز قازىرگى تاڭدا جوعارى دارەجەلى وتاندىق كولىكتەردى جاساپ قانا قويماي, سونىمەن قاتار, جوعارى دارەجەلى وتاندىق ءبىلىم الۋعا دا مۇمكىندىك بار بولعانىن ماقتان تۇتامىز!», – دەپ ءمالىمدەدى اندرەي لاۆرەنتەۆ, «اگروماشحولدينگ» اق-پەن بىرگە قوستانايدا SsangYong وڭتۇستىككورەيلىك جول تاڭدامايتىن كولىكتەردى قۇراستىرۋدى ۇيىمداستىرعان «AllurAuto» كولىك كومپانيالار توبىنىڭ باس ديرەكتورى.
ىقپالداستىق تۋرالى شەشىمدى جوعارى وقۋ ورنى مەن «AllurAuto» توبىنىڭ باسشىلارى ۇلتتىق ءبىلىم سالاسى مەن عىلىمي-زەرتتەۋ جەتىستىكتەرىنىڭ كەلەشەگىن ارتتىرۋ ماقساتىندا قابىلداعان.
نازارباەۆ ۋنيۆەرسيتەتى اتقارۋشى كەڭەسى توراعاسىنىڭ ورىنباسارى قاديشا دايروۆا مۇنداي بيزنەستىڭ جاۋاپكەرشىلىگىن قوعام الدىندا كورسەتۋ ەكونوميكانىڭ دۇرىس جانە وركەنيەتتى دامۋىنىڭ بەلگىسى بولىپ تابىلادى, دەپ ايتتى. جوعارى وقۋ ورىنىنىڭ باسشىلىعى AllurAuto ۇلگىسىنىڭ وتاندىق اۆتوونەركاسىبىنىڭ بولاشاعى جارقىن بولاتىنىنا سەنىمدىلىك تۋعىزاتىنىن ءبىلدىردى.
نازارباەۆ ۋنيۆەرسيتەتىنىڭ ستۋدەنتتەرى وندىرىستىك تاجىريبەنى توپتىڭ كاسىپورىندارىندا وتەدى, ماماندىقتارىن كوتەرەدى جانە جاڭا ءبىلىم الادى دەپ كۇتىلۋدە. وقۋ اياقتالعاننان كەيىن سايكەس ماشىقتار مەن ءبىلىم دەڭگەيىن يەلەنگەن تۇلەكتەر توپتىڭ كاسىپورىندارىندا جاۋاپتى قىزمەت ورنىنا ۇمىتتەنە الادى. نازارباەۆ ۋنيۆەرسيتەتىنە سىيلانعان SsangYong Kyron كولىگى ستۋدەنتتەردىڭ ءبىلىم ارقىلى ساتتىلىككە جەتۋ ىقىلاستارىن ىنتالاندىرادى. AllurAuto باسشىلىعىنىڭ ويىنشا, مامانداندىرىلعان كادرلار قازاقستاننىڭ ماشينا جاساۋ ءونەركاسىبىن دامىتۋعا كومەكتەسەدى.
AllurAuto كولىك كومپانيالارى توبى جانە «اگروماشحولدينگ» اق بۇگىنگى تاڭدا جول تاڭدامايتىن 5 كولىك ۇلگىلەرىن شىعارادى: Rexton, Kyron, Actyon, New Actyon جانە پيكاپ Actyon Sports. وڭتۇستىك كورەيا ماركاسىنىڭ قازاقستاندىق كولىكتەرىنىڭ ۇساق توراپتى قۇراستىرۋ (CKD) جەلىسىن شىعارۋ تۋرالى ليتسەنزيالىق كەلىسىمگە قازاقستان ءجانە كورەيا رەسپۋبليكالارى پرەزيدەنتتەرىنىڭ ۇيعارىمى ناتيجەسىندە تامىز ايىندا قول قويىلعان. ال ودان ەرتەرەك, 4 شىلدەدە ەلباسى نۇرسۇلتان نازارباەۆتىڭ ءوزى قوستانايدا «SsangYong» كولىكتەرىن قۇراستىرۋ ءوندىرىسىنىڭ جەلىسىن ىسكە قوستى.
«ەگەمەن-اقپارات».