بۇل جەردە ەسكەرە كەتەر تاعى ءبىر جايت, تۆۋماسيمەن بىرگە ءبىرىنشى ورىندى «سەلتيك» فورۆاردى سكوتت سينكلەير ءبولىسىپ تۇر. ەكەۋىنىڭ ەنشىسىندە بەس گولدان. ال ەكى كەزدەسۋدىڭ قورىتىندىسى بويىنشا سينكلەير «استاناعا» ءۇش گول سالدى. ول گلازگودا ەكى دوپپەن كوزگە تۇسسە, كەشە استانادا ءبىر مارتە مەرگەندىگىمەن تانىلدى.
سونىمەن قاتار, پاتريك تۆۋماسي ەڭ كوپ سوققى جاساعان ويىنشىلاردىڭ اراسىندا دا كوش باستاپ تۇر. ىرىكتەۋ كەزەڭىندە ول بارلىعى 16 مارتە قاقپانى نىساناعا العان. ونىڭ بەسەۋى قاقپادان قيسىق كەتسە, تورتەۋىندە قورعاۋشىلار توسقاۋىل بولىپتى.
بۇدان بولەك, پاتريك تۆۋماسي مەن ونىڭ كوماندالاس ارىپتەسى يگور شيتوۆ ەڭ دورەكى ويىنشىلاردىڭ وندىعىنا كىردى. ەكەۋى دە 12 رەت ويىن ءتارتىبىن بۇزعان. بۇل تىزىمدە ازىرگە موحامماد گادير («حاپوەل», بەەر-شەۆا) مەن ماكسي مەدۆەدەۆ («كاراباح») كوش بااستاپ تۇر.
ال «سەلتيكتى» چەمپيوندار ليگاسىنىڭ پلەي-وفف سىنىندا جەڭگەن ءارى گول سوققان جالعىز كوماندا – «استانا». بۇدان بولەك, برەندان رودجەرس شاكىرتتەرى وسىعان دەيىن بەس ويىندا وزدەرىنە گول جىبەرمەي كەلە جاتقان. سونداي-اق, شوتلانديالىق ۇجىم بۇل سىندا بارلىعى 13 گول سوعىپ, ۇزدىك ناتيجە كورسەتىپ تۇر. ال «استانا» 9 توعىز سوققان.
«سەلتيك» 40 ماتچ بويى ەشكىمگە ەسە جىبەرمەي كەلىپتى. سوڭعى رەت ولار وتكەن جىلدىڭ 13 قىركۇيەگىندە «بارسەلونادان» 0:7 ەسەبىمەن ۇتىلعان ەكەن.
سونىمەن قاتار, «استانانىڭ» ءتورت گولىنىڭ سالدارىنان «سەلتيك» سوققان جانە جىبەرگەن گولدار ايىرماشىلىعى بويىنشا ءبىرىنشى ورىننان 36-ورىنعا بىردەن سىرعىدى. قازىرگى ۋاقىتتا «سپورتينگ», «ناپولي» جانە تسسكا (ماسكەۋ) كوماندالارى عانا گول جىبەرمەي كەلەدى.
«سەلتيك» پەن «استانا» پلەي-وفف باسەكەسىندە ەڭ كوپ سوققى باعىتتاعان كوماندالار اراسىندا ءبىرىنشى جانە ەكىنشى ورىندا كەلەدى. ەلوردالىق كوماندا 90, ال شوتلانديالىقتار 109 رەت قاقپانى كوزدەگەن. بۇل كورسەتكىشتە ۇزدىك ۇشتىكتى حورۆاتيانىڭ «ريەكا» (84) ۇجىمى تۇيىندەپ تۇر.
سونداي-اق, «استانا» ىرىكتەۋ كەزەڭىندە ەڭ كوپ ءتارتىپ بۇزعان كوماندا اتاندى. ەلوردالىقتار بارلىعى 19 سارى قاعازبەن ەسكەرتۋ الىپتى.
ايتا كەتەيىك, كەشە «استانا» ءوز الاڭىندا «سەلتيكتى» قابىلداپ 4:3 ەسەبىمەن جەڭىسكە جەتتى. بىراق ەكى ماتچتىڭ قورىتىندىسى بويىنشا شوتلانديالىق كوماندا 8:4 ەسەبىمەن باسىم ءتۇسىپ, چەمپيوندار ليگاسىنىڭ توپتىق كەزەڭىنە جولداما الدى. ال «استانا» ەۋروپا ليگاسىنىڭ توپتىق كەزەڭىندە ونەر كورسەتەتىن بولادى.
دايىنداعان: ايان ءابدۋالي, «ەگەمەن قازاقستان»